Proverbios 31:1-31
31 Lemuel reyin arunakapa, wali wakiskiri uka arunakjja mamapaw jupar yatichañatakejj churäna:+
2 nayan wawaja, ¿kamsarakirismasti?
Purakajat nasir wawaja, ¿kamsarakirismasti?
Promesa luratanakajat utjir wawa,+ ¿kamsarakirismasti?
3 Chʼamamjja jan warminakarojj churamti,+reyinakar tukjir thakinaksa jan saramti.+
4 Lemuel, janiw reyinakankkiti,janiw vino umañajj reyinakankkiti,janirakiw “¿kawkinkis copajajja?” sasin sañajj marka apnaqerinakankkiti.+
5 Kuna laykutejj vino umasajj leyitjja armasipjjaspawa,jan khiti yanapirin jaqenakan derechonakapsa takichasipjjarakispawa.
6 Niya jiwañampïsipki ukanakar alcohol churam,+llakimp aynachtʼatäpki ukanakar vino churam.+
7 Umtʼapjjpan, ukhamat pobrëpjjatap armasipjjañapataki,problemanakapatsa jan jukʼamp amtasjjapjjañapataki.
8 Jupanak pachpa jan arjjatasiñ puedipki ukanakar arjjatañatak parlam,niya jiwañampïsipki taqe ukanakan derechonakap arjjatam.+
9 Cheqapar parlam, cheqapar juzgarakim,jan khiti yanapirin jaqenakan derechonakapsa pobre jaqenakan derechonakapsa arjjatarakim.+
א [álef]
10 ¿Khitirak mä suma esposa jikjjataspasti?+
Coralanakat* sipansa jupajj jukʼamp valoraniwa.
ב [bet]
11 Esposopajja taqe chuymaw juparojj confiyi,esposoparojj janiw kunas faltkiti.
ג [guímel]
12 Taqe jakañ urunakapanjja,kunatï walïki ukwa jupajj esposopar churi, janiw kunatï jan walïki ukjja churkiti.
ד [dálet]
13 Esposajja tʼarwampi lino alimpwa jikjjati,amparanakapampi kun lurañas wal gusti.+
ה [he]
14 Jupasti comerciante jaqen barconakapar uñtasitawa,+manqʼañanakap wali jayatwa apani.
ו [waw]
15 Chʼamak chʼamakäski ukhaw jupajj sartasjje,utapankirinakarojj manqʼwa churi,sirvientanakaparojj manqʼwa churaraki.+
ז [zayin]
16 Mä oraq alañatak amuytʼasajja uka oraqwa jupajj ali,ganancianakapampiw uvas alinak ayruraki.*
ח [jet]
17 Jupajj wal trabajiñatakiw wakichasi,*+amparanakapsa chʼamañcharakiwa.
ט [tet]
18 Kunjamsa negocionakapajj ganancianak churaski ukwa jupajj uñji,arumajja michachuwapajj* janiw jiwtʼkiti.
י [yod]
19 Amparanakapajj qapuñ lawa katjjarupjje,amparanakapajj qapwa katjjarupjjaraki.+
כ [kaf]
20 Jan khiti yanapirin jaqerojja jupajj yanaptʼiwa,pobre jaqerojja taqe chuymaw wajjtʼaraki.+
ל [lámed]
21 Khununtki ukhajja janiw utapankirinakat jupajj llakiskiti,kuna laykutejj utapankirinakajj taqeniw juntʼuchir isinakanïpjje.*
מ [mem]
22 Ikiñ patjjar janjjatañ ikiñanaksa jupa pachpaw lurasi,isipas lino hilompita morado chʼankhampit luratawa.
נ [nun]
23 Esposopajja marka punkunakan wali uñtʼatawa,+ukanwa esposopajj markankir ancianonak taypin qontʼasi.
ס [sámekh]
24 Esposajja lino hilotwa isinak luri* ukatsti aljarakiwa,comerciantenakarojj cinturonanakwa aljaraki.
ע [ayin]
25 Jupajj jan ajjsarir warmiwa, mayninakansa respetatarakiwa,jutir urunaksa confianzampiw suytʼaraki.
פ [pe]
26 Kunapachatï jupajj lakap jistʼarki ukhajja yatiñampiw parli,+kunapachatï jupajj parlki ukhajja suma chuymampiw parli.*
צ [sadé]
27 Kunanaktï utapankirinakajj lurapki ukanakwa jupajj uñji,janipuniw kunäkipansa jayraskiti.+
ק [qof]
28 Wawanakapajj saytʼasisaw jupar felicittʼapjje,esposopajj saytʼasisaw juparojj jachʼañcharaki.
ר [resh]
29 Suma warminakajj waljaw utji,ukampis jumaw taqe warminakat sipansa jilanktajja.
ש [shin]
30 Maynejj suma jaqëkaspas ukhamäspawa, ukampis ukajj kʼarikïspawa, suma uñnaqtʼanïñas tukusirikïspawa,+ukampis Jehová Diosar ajjsarir warmejja jachʼañchatäniwa.+
ת [taw]
31 Taqe kun luratanakapat recompensa jupar churapjjam,+marka punkunakan luratanakapat jupar jachʼañchapjjam.+
Notanaka
^ Variante: “mallkiraki”.
^ Hebreo arunjja, “taqe chʼamampiw caderap wakʼantasi”.
^ Variante: “mecheropajj”.
^ Hebreo arunjja, “pä isinïpjje”.
^ Jan ukajja, “manqha isinak luri”.
^ Jan ukajja, “munasiñampiw yatichi; munasiña jan jaytjasiña leyirjamaw parli”.
