Proverbios 20:1-30
20 Vinojja jaqerojj mä phenqʼa sarnaqayi,*+ alcoholasti jaqerojj loqherayiwa,+khititï ukanak kawsa saranukki ukajja janiw yatiñan jaqëkiti.+
2 Kunjamtï mä leonan* wararitapajj jaqenakar wal ajjsaraykejja, ukhamarakiw reyejj jaqenakar wal ajjsarayi,+khititï reyir colerayki ukajja jakañ vidapsa aptʼasispawa.+
3 Jiskhisiñanakar jan mitisir jaqejja jachʼañchatäñapaw wakisi,+ukampis jan amuytʼasir jaqejja jiskhisiñanakarojj mitisiskakiwa.+
4 Mä jayra jaqejja janiw juyphipachan qhollkiti,ukatwa jan kunanëjjasajj cosecha tiempon mayjasis sarnaqani.*+
5 Jaqen chuymapan amuyunakapajja* wali manqhankir umanakar uñtasitawa,ukampis amuytʼasir jaqejja ukanak apsuñ yatiwa.
6 Walja jaqenakaw jupanakan munasiñat jan jaytjasirïtapat parlapjje,ukampis cheqpachapun munasiri jan jaytjasiri mä jaqer jikjjatañajj wali chʼamawa.
7 Cheqap sarnaqer jaqejja taqpach chuymampi servisaw sarnaqaski,+¡jupan qhepap jutir wawanakapajj kusisitäpjjewa!+
8 Kunapachatï mä reyejj juzgañatak tronopan qontʼaski ukhajja,+nayranakapampiw taqe kunanakatï jan walïki ukanak amuyi.+
9 ¿Khitirak akham saspasti: “Chuymaj qʼomachasjjtwa,+janiw kuna juchanëjjtsa”+ sasasti?
10 Engañjir pesanakatsa falso mediñanakatsa,*Jehová Diosajj ajjtasiwa.+
11 Mä wawasa* luratanakapampiw uñtʼayasi,sarnaqäwipajj qʼomati cheqapati janicha ukjja.+
12 Istʼir jiñchusa uñjir nayrasa,Jehová Diosan luratawa.+
13 Wal ikiñ munañarojj jan munasimti, jan ukajj pobreptätawa.+
Nayranakam jistʼaram, ukhamatwa tʼantʼamp sistʼasïta.+
14 “¡Akajj janiw walïkiti! ¡Janiw walïkiti!” sasaw alasirejj parli,ukampis sarjjasasti negocio luratapatwa jachʼañchasi.+
15 Qoriw utji, walja coralanakaw* utjaraki,ukampis khititï yatiñamp parlki ukaw jukʼamp valoranejja.+
16 Mä jaqetï jan uñtʼat jaqen garantiapat saytʼchi ukhajja, uka jaqen isip apasjjam,+ukampis mä extranjera warmin* garantiapat saytʼchi ukhajja, mä garantía jupar mayim.+
17 Engañjasin jikjjatat mä tʼantʼajja jaqetakejj wali sumawa,ukampis qhepatjja lakapajj chʼalla phoqakëjjewa.+
18 Kunapachatï parltʼasiñajj* utjki ukhajja, amtanakajj sumakiw phoqasi,+guerrar sarañatakejja suma yatjjattʼat jaqen ewjjtʼapaw wakisini.+
19 Kʼarintir jaqejja kunatï yaqhanakat jan yatiyasiñapäki ukanak parlasaw sarnaqe.+
Arunak apnaqañ munir jaqempejj jan chikachasimti.
20 Maynitejj awkiparus taykaparus maldisini ukhajja,chʼamakäjjani ukhajj lamparapajj jiwtʼjjaniwa.+
21 Khititï qalltan jupatakik taqe kuns munasa herencia jikjjatki ukajja,qhepat janiw bendisitäkaniti.+
22 Jan jumajj “¡vengasïwa!” sasin samti.+
Jehová Diosar suytʼam,+ jupaw salvätam.+
23 Engañjir pesanakatjja* Jehová Diosajj ajjtasiwa,engañjir balanzanakas janiw walïkiti.
24 Mä jaqen sartatanakapjja Jehová Diosaw irpaski.+
¿Kunjamarak maynejj pachpa thakip amuyaspasti?*
25 Mä jaqen “¡Santo!” sasin artʼasitapajja mä sipitawa,+qhepatak promesa luratapat amuyaschi ukhajja.+
26 Kunjamtï jipejj granot jaljaskejja,+ukhamarakiw yatiñani reyejj jan wali jaqenakarojj jaljasin chhaqtayi.+
27 Jaqen arunakapajja* Jehová Diosan lamparapar uñtasitawa,ukasti jaqen chuymapjja wali manqhakamaw uñanti.
28 Mä reyirojja munasiñat jan jaytjasirïtapa, confiykañätapaw jarkʼaqe,+munasiñat jan jaytjasirïtapaw tronoparojj katjjasi.+
29 Wayn tawaqonakan chʼamapajj wali munkañawa,+jilïr jaqenakan janqʼo ñikʼutapajj wali sumawa.+
30 Chhojjrinakasa usuchjatanakasa jan walinak jaytañatakiw yanaptʼistu,+nuwantatanakajja kunanakatï chuyma manqhan utjki ukanakwa qʼomachi.
Notanaka
^ Jan ukajja, “mayninakat burlasiñapatakiw kawsi”.
^ Jan ukajja, “waynpach leonan”.
^ Ukajja, “cosecha tiemponjja thaqaniwa, ukampis janiw kunsa jikjjatkaniti” sasaw jaqokipasirakispa.
^ Jan ukajja, “amtanakapajja”.
^ Jan ukajja, “pä kasta mediñ qalanakatsa pä kasta mediñanakatsa”.
^ Jan ukajja, “Mä yoqall wawasa”.
^ Jan ukajja, “mä extranjeron”.
^ Jan ukajja, “jisktʼasiñajj”.
^ Jan ukajja, “pä kasta pesañ qalanakatjja”.
^ Jan ukajja, “kawkïr thaknamas sarani uk amuyaspasti”.
^ Hebreo arunjja, “Jaqen samanapajja”.
