Proverbios 15:1-33
15 Suma arunakampi jaysañajja colerasiñ apaqewa,+ukampis usuchjir arunakajj colerayiwa.+
2 Yatiñan jaqenakan lajjrapajja yatisaw kuns parli,*+ukampis jan amuytʼasir jaqenakan lakapajja jan amuytʼasisaw kuns parli.
3 Jehová Diosan nayranakapajj taqe cheqankiwa,jan wali jaqenakarusa suma jaqenakarusa uñchʼukisinkiwa.+
4 Suma arunakajja* jakañ qoqar* uñtasitawa,+ukampis qʼewjat arunakajja aynachtʼayiwa.
5 Jan amuytʼasir jaqejja janiw awkipan cheqañchäwiparojj respetkiti,+ukampis amuytʼasir jaqejja cheqañchatajj katoqasiwa.+
6 Cheqap sarnaqer jaqen utapanjja wali valorani yänakajj* waljawa,ukampis jan wali jaqenakarojja ganancianakapajj jan walinakaruw purtʼasiyi.+
7 Yatiñan jaqenakan lakanakapajja kuntï yatipki uka toqetwa parlapjje,+ukampis jan amuytʼasir jaqenakan chuymanakapajj janiw ukhamäkiti.+
8 Jan wali jaqenakan sacrificiopatjja Jehová Diosajj ajjtasiwa,+ukampis cheqap sarnaqer jaqen oracionapajja juparojj wal kusisiyi.+
9 Jan wali jaqen thakipatjja Jehová Diosajj ajjtasiwa,+ukampis justicia utjañapatak wal chʼamachaski ukarojj munasiwa.+
10 Suma thaki apanukur jaqetakejja cheqañchäwejj janis walïkaspa ukhamawa,+taqe khititï cheqañchäwir uñiski ukajja jiwaniwa.+
11 Niyakejjay Jehová Diosajj Sepulturankirinakarusa* tukjañ lugarankirinakarus* uñjaskchejja,+¡jukʼamp sumwa jaqen chuymap uñji!+
12 Burlasir jaqejja janiw cheqañchiriparojj munaskiti,+janirakiw yatiñan jaqenakarus jisktʼaskaniti.+
13 Kusisit chuymajja ajanurojj kusisiyiwa,ukampis llakit chuymajja aynachtʼayiwa.+
14 Amuytʼasir chuymajja mä kunsa sum yatjjati,+ukampis jan amuytʼasir jaqen lakapajj jan amuytʼasiñan qhepapwa sari.+
15 Tʼaqesir jaqen taqpach urunakapajja jan walikamakiwa,+ukampis kusisit* chuymani jaqejja sapüruw kusisit jakasi.+
16 Mä jaqetakejja jukʼa utjirinïña ukhamarak Jehová Diosar ajjsarañaw jukʼamp sumajja,+walja utjirinïsin llakita uñjasiñat sipansa.+
17 Kawkjantï munasiñajj utjki ukanjja verduranak manqʼañaw jukʼamp sumajja,+kawkjantï uñisiñajj utjki ukan likʼintayat* toron aychap manqʼañat sipansa.+
18 Khititï colerasirïki ukajja jan waltʼayasiñanakwa utjayi,+ukampis khititï paciencianïki* ukajja nuwasiñanakjja apartayiwa.+
19 Jayra jaqen thakipajja chʼapinakampi phoqantatawa,+ukampis cheqap sarnaqer jaqenakan thakipajja plano thakir uñtasitawa.+
20 Yatiñan wawajja awkiparojj kusisiyiwa,+ukampis jan amuytʼasir jaqejja taykaparojj jiskʼachiwa.+
21 Jan amuytʼasir jaqejja jan amuytʼasis luratanakatjja kusisiwa,+ukampis amuytʼasir jaqejja cheqap thaknamajj saraskakiwa.+
22 Kunapachatï parltʼasiñajj* jan utjki ukhajja, amtanakajj aynachtʼiwa,ukampis walja ewjjtʼirinakampejja taqe kunas sumaruw sari.+
23 Kunapachatï maynejj cheqapar jayski ukhajja wal kusisi,+¡tiempoparu arsut arunakajj wali sumawa!+
24 Suma amuytʼasir jaqejja jakañar apir thaknamaw makati,+Sepulturar* saraqki uka thakitsa jitheqtiwa.+
25 Jehová Diosajja jachʼa jachʼa tukur jaqen utapjja allthapiniwa,+ukampis mä viuda warmin oraqepan qorpapjja jarkʼaqaniwa.+
26 Jehová Diosajja jan wali jaqen jan wali amtanakapatjja ajjtasiwa,+ukampis suma arunakajja jupatakejj qʼomawa.+
27 Khititï engañjasin ganancianak jikjjatki ukajja pachpa utaparuw jan waltʼayi,+ukampis khititï qollqe chilltayasiñanakar uñiski ukajja jakaskakiniwa.+
28 Cheqap sarnaqer jaqen chuymapajja janïr jayskasajj lupʼiwa,*+ukampis jan wali jaqen lakapatjja jan wali arunakaw mistu.
29 Jehová Diosajja jan wali jaqet jayankiwa,ukampis cheqap sarnaqer jaqen oracionapjja istʼiwa.+
30 Kusisit uñkattʼañajja* chuymarojj kusisiyiwa,mä suma yatiyäwisti chʼakhanakarojj chʼamañchiwa.+
31 Jakañ churiri cheqañchäwir istʼki ukajjayatiñan jaqenak taypinwa jaki.+
32 Khititï cheqañchäwir jan istʼki ukajja vidaparojj uñisiwa,+ukampis khititï cheqañchäwir istʼki ukajja suma amuytʼasir jaqëniwa.+
33 Jehová Diosar ajjsarañajja mä jaqerojj taqe kunsa yatiñampi lurañapatakiw yatichi,+jiwasatejj humilde chuymanïñänejja jachʼañchatäñäniwa.+
Notanaka
^ Jan ukajja, “Yatiñan jaqejja yatiñampiw kunatï walïki ukjja luri”.
^ Jan ukajja, “Qolltʼir arunakajja”.
^ Jan ukajja, “arbolar”.
^ Jan ukajja, “cosasanakajj”.
^ Jan ukajja, “suma”.
^ Hebreo arunjja, “uywa liwañan manqʼayat”.
^ Jan ukajja, “jan ratuk colerasirïki”.
^ Jan ukajja, “jisktʼasiñajj”.
^ Jan ukajja, “kunjamsa jaysani ukjja wali sum amuytʼi; janïr arskasajj amuytʼiwa”.
^ Hebreo arunjja, “Kʼajkir nayranakajja”.
