2 Samuel 22:1-51
22 Kunürutï Jehová Diosajj taqe enemigonakapatsa+ Saúl chachatsa salvkäna+ ukhaw Davidajj Jehová Diosar aka canción cantäna.+
2 Jupasti akham sänwa:
“Jehová Diosaw imantasiñ jachʼa qarqajajja,* jachʼa perqanakamp muyuntat markajasa,+ juparakiw nayar salvitu.+
3 Diosaw qarqajajja,*+ juparuw nayajj imantasta.
Jupaw escudojasa,+ wali chʼamani salvirijasa,* nayan suma imantasiñajasa,+escapañatak lugarajasa,+ salvarijasa.+ Juparakiw nuwasir jaqenakat salvitu.
4 Jehová Diosaruw nayajj artʼasta, juparuw jachʼañchatäñajj waktʼi,nayasti enemigonakajat salvatäyäwa.
5 Jiwañar apiri jachʼa oladanakaw nayar muyuntapjjetu,+jan kunatak servir jaqenakaw uñstanisin wal ajjsarayapjjetu.*+
6 Sepulturan* pitanakapaw* nayarojj muyuntitu,+jiwañan lazonakapaw naya contra saytʼasi.+
7 Nayajj wali llakinkaskayäta ukhaw Jehová Diosat artʼasta,+Diosajarojj artʼasiskakiyätwa.
Jupajj templopatwa aruj istʼanitu,yanaptʼayasiñatak artʼasitajsa istʼarakituwa.+
8 Oraqejj uksar aksaruw onjjtäna, wal khatatirakïna,+alajjpachan cimientonakapas khatatïnwa,+jupan colerasitap laykuw uksar aksar onjjtäna.+
9 Jewqʼew nasapat mistüna,qʼal nakhantir ninaw lakapat mistüna.+
Aqkir nina sankʼanakaw jupan nayraqatapat misturakïna.
10 Saraqankasajj alajjpachanak altʼayanïna,+kayunakap manqhanjja chʼiyar qenayanakaw utjäna.+
11 Jupajj mä querubín+ angelatwa jalanïna.
Juparojj mä angelan chheqap patjjar jutirwa uñjta.+
12 Jupajj chʼamakampiw mä carpampjam muytayasïna,+ukhamarak chʼiyar umanakampi chʼiyar qenayanakampi.
13 Jupa nayraqatan kʼajir qhanatjja, nina sankʼanakaw aqtäna.
14 Jehová Diosajj qʼejjo qʼejjonakwa alajjpachan suynayäna.+
Jachʼa Diosajj arup istʼasiyäna.+
15 Enemigonakapan aywitatapjjañapatakejj flechanak flechtʼanïna,+lliju llijunak apayanïna, ukhamatwa jupanakar pantjasiyäna.+
16 Lamar qota manqha oraqejj uñstjjänwa.+
Oraqen cimientonakapas uñstjjarakïnwa, Jehová Diosan cheqañchäwip layku,nasapat mistur samanapajj chʼamampi mistutap layku.+
17 Jupajj alto lugaratpachwa amparap loqtanïna.
Nayar katthapisaw wali manqha umanakat waysurakitu.+
18 Jupaw chʼamani enemigojat salvitu,+nayar uñisipkitäna, nayat sipans jukʼamp chʼamanïpkäna ukanakatwa salvarakitu.
19 Nayajj jan walinkkayäta ukhaw jupanakajj naya contra saytʼasipjjäna,+ukampis Jehová Diosaw yanaptʼitäna.
20 Jupaw nayarojj mä seguro cheqar irpsunitu.+
Nayar munasitap laykuw jupajj salvitu.+
21 Cheqapar sarnaqatajarjamaw Jehová Diosajj bendisitu,+jupa nayraqatan jan juchanïtaj layku.+
22 Nayajj Jehová Diosan thakinakaparjamaw sarnaqta,janiw nayajj Diosajar apanukti, kuna laykutejj uk lurañajj janiw walïkiti.
23 Nayajj taqe kunanaktï jupajj Juezjam+ amtki ukanak amtapuntwa.
Janiw nayajj mandamientonakapat saranukkäti.+
24 Jupa nayraqatan jan juchanïñatakiw+ chʼamachasï,juchar jan purtʼasiñatakejj chʼamachasirakïwa.+
25 Jehová Diosajj cheqapar sarnaqatajarjam bendisitpan,+jupa nayraqatan jan kuna juchanïtaj layku.+
26 Jumar jan jaytjiri jaqerojj janirakiw jaytjktati.+
Cheqapar sarnaqer jaqerojja* cheqaparurakiw uñjtajja.+
27 Qhan parlir jaqempejj qhan parlaraktajja,+engañir jaqempejj janiw jumajj engañayasktati.+
28 Jumajj humilde chuyman jaqenakarojj salvtawa,+ukampis jachʼa jachʼa tukur jaqenakatakejj contraw saytʼtajja, jupanakarojj jiskʼacharaktawa.+
29 Jehová Dios Tata, jumaw lamparajätajja.+
Jehová Diosaw nayarojj chʼamak taypin qhantʼanitu.+
30 Juman yanaptʼamampejj mä saqueyjir tropa contras nuwasiristwa.
Diosan chʼamapampejj mä murallsa thoqokipiristwa.+
31 Cheqpach Diosan luratanakapajj perfectowa.+
Jehová Diosan arsutanakapajj qʼomawa.*+
Taqe khitinakatï jupar imantasipki ukanakatakejj mä escudor uñtasitawa.+
32 ¿Khitirak Jehová Diosjam Diosäspasti?+
¿Khitirak Diosasjam mä qarqäspasti?*+
33 Cheqpach Diosaw wali chʼollqhe imantasiñajajja,+jupaw nayan thakij cheqaptayani.+
34 Jupaw kayunakajarojj mä venadon* kayunakapjam tukuyi,juparakiw wali parki qollunakan sum taktʼayitu.+
35 Jupaw nayarojj guerran nuwasiñatak yatichitu,amparanakajajj cobre metalat lurat flechtʼañatak arcsa dobltʼaspawa.
36 Jumaw nayar salvañatakejj escudomamp jarkʼaqestajja,juman humilde chuymanïtamajj nayaruw jachʼañchitu.+
37 Jumaw nayatakejj thak jachʼaptaytajja,ukhamat nayan jan lanktʼasiñajataki.+
38 Nayajj enemigonakajar arktasaw jiwarayanëjja,jupanakar qʼal tʼunjanï ukhaw kuttʼanëjja.
39 Jupanakarojj jiwarayäwa, qʼal tʼunjarakëjja, ukhamatwa jupanakajj jan sartapkaniti.+
Nayan kayujaruw jupanakajj liwirtapjjani.
40 Jumaw nayarojj guerran nuwasiñatak chʼam churitäta.+
Jumarakiw naya contra saytʼirinakarojj nayraqatajan jaqortayäta.+
41 Jumaw enemigonakajarojj nayat jayarstʼayäta.+
Nayar uñisirinakarojj jiwarayäwa.*+
42 Jupanakajj yanaptʼayasiñatakiw artʼasipjje, ukampis janiw jupanakarojj khitis salvkiti.
Jehová Diosarus artʼasipjjewa, ukampis jupajj janiw jupanakar jaysankiti.+
43 Oraqen utjki uka laqʼa polvorjamaw jupanakar ñutʼjäjja.
Jupanakarojj polvor uñtat ñutʼjäjja, callenakan utjki uka ñeqʼenakarjamaw takichasirakëjja.
44 Naya contra parliri markajat jumaw salvitäta.+
Markanakar pʼeqtʼañajatakejj jumaw nayar jarkʼaqetäta,+jan uñtʼkta uka markaw nayarojj servitani.+
45 Extranjeronakajj nayan ukar jutasaw serviñatak altʼasipjjani.+
Jupanakajj nayar istʼasinwa arunakaj phoqapjjani.
46 Extranjeronakajj ajjsarayasipjjaniwa.*
Khatattʼasisaw imantasiñ lugaranakapat mistunipjjani.
47 ¡Jehová Diosajj jakaskiwa! ¡Nayan Qarqajajj* jachʼañchatäpan!+
¡Nayan Diosajajj jachʼañchatäpan, jupaw nayar salviri qarqajajja!+
48 Cheqpach Diosaw enemigonakajat vengasi.+
Jupaw nayan apnaqañajatak markanak katuyitu.+
49 Jupaw enemigonakajat salvitu.
Nayar atacapkitu ukanakat sipans jukʼamp altoruw jumajj uchistajja.+
Jumaw nayarojj nuwasir jaqet salvistajja.+
50 Jehová Dios Tata, ukatwa nayajj markanak taypin yuspäräma,+sutimatakejj alabanzanakwa cantarakëjja.*+
51 Jupaw jachʼa atipjäwinakampejj reyipar salvi.+
Jupaw ajllitaparojj munasiñat jan jaytjasirïtap uñachtʼayi,uksti Davidampiru wawanakapampiruw wiñayatak uñachtʼayi”.+
Notanaka
^ Variante: “jaqhejajja”.
^ Variante: “jaqhejajja”.
^ Jan ukajja, “jan kunatak servir jaqenakaw wali chʼamamp jalir mä jachʼa jawirjam uñstanisin wal ajjsarayapjjetu”.
^ Variante: “kawuyanakapaw”.
^ Hebreo arunjja, “Chʼamani jaqerojja”.
^ Jan ukajja, “ninamp qʼomachatawa”.
^ Variante: “jaqhëspasti”.
^ Jan ukajja, “tarujan”.
^ Hebreo arunjja, “amuktʼayäwa”.
^ Jan ukajja, “chhaqtjjapjjaniwa”.
^ Variante: “Jaqhejajj”.
^ Jan ukajja, “music tukarakëjja”.
