MAY-ADA BA NAGDISENYO HITO?
An Sekreto han Lawa ha Paghimo han Iya Mapilit nga Balayan
AN LAWA ha Amerika nga Parasteatoda tepidariorum nakakahimo hin mapilit nga lawa-lawa nga marig-on gud nga nakakapilit ha bungbong ngan hin maluya nga lawa-lawa nga masayon maukang tikang ha tuna ngan nalabtik kon nakakabitik hin nagkakamang nga insekto. Paonan-o ini nga lawa nakakahimo hin marig-on ngan maluya nga lawa-lawa pinaagi hin usa la nga klase hin papilit?
Scaffolding silk
Tagda ini: Iginpapadukot han lawa an iya balayan ha bungbong, alkuba, o ha sugad nga dapit pinaagi ha paglara hin mapilit hinduro nga sapot nga gintatawag nga mga scaffolding disc nga may igo nga karig-on nga diri nauutod bisan mabunggo hin nalupad nga insekto. Ha luyo nga bahin, nadiskobrehan han mga syentista ha University of Akron, Ohio, E.U.A., nga an sapot nga ginpapadukot han lawa ha tuna nga gintatawag nga mga gumfoot disc iba gud an pagkadisenyo o pagkahimo. Pipira la nga sapot han gumfoot disc an nakaangkla ha tuna kon itanding ha mga scaffolding disc, salit kon may nakamang nga insekto dida hito, nauukang dayon ito.
Gumfoot silk
Sumala ha usa nga report tikang ha University of Akron, an mga syentista nga nakadiskobre hinin urusahon nga nahihimo han lawa “nangangalimbasog ha pag-imbento hin artipisyal nga papilit pinaagi ha pagsubad han maaramon nga disenyo nga ginagamit han lawa.” Naglalaom an mga syentista nga makaimbento hin padikit nga magagamit para ha ordinaryo nga mga bendahe ngan ha nabari nga mga tul-an.
Ano ha imo panhunahuna? An abilidad ba han lawa ha paghimo hin maluya ngan marig-on nga mga lawa-lawa gamit hin usa la nga papilit produkto han ebolusyon, o may nagdisenyo hito?
Bangin Maruyagan Mo Liwat
PAGPAMATA!
An Porma han mga Shell ha Kadagatan
An porma ngan pagkahimo han mga shell ha kadagatan nabulig basi maprotektaran an molusko nga aada ha sulod hito.
PAGPAMATA!
An Maranggat nga Pagkaasul han Berry han Pollia
Ini nga berry waray substansya han kolor nga asul pero waray gud kapariho an duro nga pagkaasul hito. Ano an sekreto han maranggat nga kolor hito?
PAGPAMATA!
An Barahibo han Sea Otter
An pipira nga hayop nga nabubuhi ha mahagkot nga katubigan may madakmol nga tambok ha ilarom han ira panit salit diri hira ginhahagkot. Pero an sea otter may iba nga proteksyon kontra ha kahagkot.
PAGPAMATA!
An Teknik ha Paglanding han Buyog
Kay ano nga an teknik ha paglanding han buyog makakabulig ha paghimo hin sistema ha paglanding han nalupad nga robot?
PAGPAMATA!
An Nakakabilib nga Pansagang ha Kapaso han Saharan Silver Ant
Ini nga insekto usa han mga hayop ha tuna nga nakakailob han sobra nga kapaso. Ano an nabulig ha silver ant nga makailob han sobra nga kapaso?
PAGPAMATA!
An Muhok-Buhok han Tahong
An tahong nakapyot pinaagi hin manipis nga muhok-buhok. Ini nga impormasyon makakabulig basi makahimo hin bag-o ngan mas maopay nga pamaagi ha pagtaod hin equipment ha bilding, o pagpadukot hin litid ngada ha tul-an.
