Geeshsha Maxaafaappe Minttettiya Qofaa Demmana Danddayiyaanaa?
Geeshsha Maxaafay yootiyoobaa
Ee. (Roome 15:4) Waayissiya hanotatanne unˈˈissiyaabata gencciiddi deˈiya darota minttettida amarida Geeshsha Maxaafaa xiqiseta beˈa.
Ha huuphe yohuwan beˈanabata:
Metuwaa
Mazamure 23:4: “Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke.”
Hegee woygiyoogee? Neeni Xoossaakko woossikko, qassi kaaletuwaa demmanawu A Qaalaa Geeshsha Maxaafaa nabbabikko, metuwaa xalatettan genccana danddayaasa.
Piliphphisiyuusa 4:13: “[Xoossay] tau immido wolqqan, ubbabaa oottanau taani danddayais.”
Hegee woygiyoogee? Neeni ay metuwaakka genccanawu maaddiya wolqqaa Xoossay neeyyo immees.
Siiqiyo uri hayqqiyoogaa
Eranchchaa 9:10: “Duufuwan oosoi, woikko halchchoi, woikko eri, woikko aadhdhida eratetti baawa.”
Hegee woygiyoogee? Hayqqidaageeti waayettiiddi deˈokkona, qassi eti nuna qohana danddayokkona. Eti aybanne erokkona.
Oosuwaa 24:15: “Asai . . . haiquwaappe denddana.”
Hegee woygiyoogee? Xoossay nuuni siiqiyoogeeta hayquwaappe denttana.
Mooridobawu bessiyaagaappe aaruwan zilˈˈettiyoogaa
Mazamure 86:5: “Abeet [Yihoowawu, NW] a neeni kehanne atto giyaagaa; nena xeegiya ubbaayyo aggenna ne siiqoi dariyoogaa.”
Hegee woygiyoogee? Kase mooridobawu wozanappe azzaniyaageetuyyoonne zaarettidi hegaadan moorennan agganawu murttidaageetuyyo Xoossay atto gees.
Mazamure 103:12: “Awai mokkiyoosaappe awai wulliyoosai haakkiyoogaadan, hegaadankka GODAI nu mooruwaa nuuppe haassees.”
Hegee woygiyoogee? Xoossay nuussi atto giyo wode, I nu nagaraa nuuni qoppana danddayiyoogaappe aaruwan nuuppe haassees. I hegeeta ubbatoo hassayidi nuna mootenna woy qaxxayenna.
Azzaniyoogaa
Mazamure 31:7: ‘Ta metuwaa neeni beˈadasanne ta tuggaa eradasa.’
Hegee woygiyoogee? Ne waaye ubbaa Xoossay loytti erees. Harati ne hanotaa akeekennaba gidikkonne, I ne waayiya akeekees.
Mazamure 34:18: GODAI wozanai me77idoogeetussi mataana; qassi bantta ayyaanan liiqidaageeta ashshees.”
Hegee woygiyoogee? Xoossay neeni azzaniyo wode nena maaddanawu qaalaa geliis. Neeni genccanaadan koshshiya wolqqaa I neeyyo immana.
Sahuwaa
Mazamure 41:3: “GODAI a harggiyaa hiittan de7ishinkka maaddees.”
Hegee woygiyoogee? Xoossay neeni woppu gaanaadan maaddiyoogan, qassi wolqqaa, minotettaanne loˈˈobaa kuuyanawu maaddiya aadhdhida eratettaa immiyoogan neeni wolqqaama sahuwaa genccanaadan maaddana danddayees.
Isiyaasa 33:24: “Xiyoonen de7iya ooninne, “Taani harggais” yaagenna.”
Hegee woygiyoogee? Nuuni kumetta payyatettan deˈiyo wodiya ehaanawu Xoossay qaalaa geliis.
Unˈˈettiyoogaa
Mazamure 94:19: “Tana hirggai woriyo wode, neeni tana woppu oottada ufaissaasa.”
Hegee woygiyoogee? Nuuni unˈˈettiyo wode Xoossaakko woossikko, nu woppu gaanaadan I maaddana danddayees.
1 PHeexiroosa 5:7: “I intteyyo qoppiyo gishshau, inttena hirggissiya ubbabaa a bolli olite.”
Hegee woygiyoogee? Xoossay nuussi qoppees. Nuuni nu metuwaa xeelliyaagan woossanaadan I koyees.
Olaa
Mazamure 46:9: “I sa7aa gaxaa gakkanaassi de7iya olaa teqqees.”
Hegee woygiyoogee? Xoossaa Kawotettay mata wode ola ubbaa xayssana.
Mazamure 37:11, 29: “Ashkketi biittaa laattana; eti sarotettaaninne duretettaani ufaittidi daana. . . . Xilloti biittaa laattananne yan merinau de7ana.”
Hegee woygiyoogee? Loˈˈo asay saˈan merinawu ufayttidi deˈana.
Sinttanaabawu hirggiyoogaa
Ermmaasa 29:11: “Taani intteyyo halchchiyo halchchuwaa taani GODAI erais; hegeenne, intteyyo sintta wodiyaanne ufaissaa immana mala, saro halchchoppe attin, iita halchcho gidenna.”
Hegee woygiyoogee? Xoossay ba asay sinttappe ufayssiya wodee yaanaagaa ammanettanaadan oottiyaabaa yootiis.
Ajjuutaa 21:4: “Xoossai eta aifiyaappe afutta ubbaa quccana. Hagaappe sinttanau haiqoinne kayyoi woi waasoinne sahoi de7enna. Aissi giikko, ceegabai xayiis.”
Hegee woygiyoogee? Xoossay ha wodiyan asaa gakkiya iitaba ubbaa xayssanawu qaalaa geliis.
a Yihoowa giyoogee Xoossawu buzo sunttaa. (Mazamure 83:18, NW) “Yihooway Oonee?” giya huuphe yohuwaa nabbaba.
Hageeta Beˈadii?
WOCHCHIYO KEELAA
Xoossay Neessi Qoppiyoogee Nena Waati Maaddana Danddayii?
Xoossay asawu sinttappe ehaanawu qaalaa gelidobaa mintti ammananaadan Geeshsha Maxaafay nuna maaddees.
HARA HUUPHE YOHOTA
Kayyottiyaageeta Minttettiyaabaa
Nu siiqiyoogeeti hayqqiyo wode nuuyyo siyettiyaabaa ooninne akeekana danddayennabadan nuuyyo siyettana danddayees. SHin Xoossay akeekees; qassi nena maaddana.
WOCHCHIYO KEELAA
Deˈoy Genccanawu Metiyaaba Milatiyo Wode
Azzanttiya daro metoy gakkishinkka, deˈuwan deˈiyoogee goˈˈiyaaba.
GEESHSHA MAXAAFAN DEˈIYA WAANNA TIMIRTTETA
Xoossay tuggaa aybissi coˈˈu giidi xeellii?
Ha alamiyan ixoynne tuggay daridoy aybissakko daro asay oychchees. Geeshsha Maxaafay hegawu minttettiya zaaruwaa immees.
GEESHSHA MAXAAFAA TIMIRTTETA
Geeshsha Maxaafaa xannaˈiyo prograamiyaa
Issi uraara Geeshsha Maxaafaa xannaˈa.