Iosua 13:1-33
13 Paari roa ˈtura Iosua.+ Na ô maira Iehova ia ˈna: “Ua paari roa oe. Tera râ, mea rahi â te fenua e toe ra i te fatuhia.*
2 Teie te fenua e toe+ ra: te mau tuhaa fenua taatoa o te mau Philiseti e to te ati Gesura+
3 (mai te maaraa o Nile* i te pae hitia o te râ o* Aiphiti tae roa i te otia fenua o Ekerona i te pae apatoerau, tei parauhia na e tuhaa fenua no te ati Kanaana)+ tei roto atoa te tuhaa fenua o na fatu e pae o te mau Philiseti,+ oia hoi te ati Gaza, to Asadoda,+ te ati Asekelona,+ te ati Gata+ e te ati Ekerona,+ to te ati Avima+
4 i te pae apatoa, te fenua taatoa o te ati Kanaana, o Meara, o te fatuhia ra e to Sidona+ tae roa i Apheka, i te otia fenua o te ati Amori,
5 te fenua o te ati Gebala+ e o Lebanona taatoa i te pae hitia o te râ, mai Baala-gada mai i te tumu mouˈa Heremona tae roa i Lebo-hamata,*+
6 pauroa to te tuhaa fenua mouˈa mai Lebanona+ tae roa i Miserephota-maima,+ e pauroa to Sidona.+ E tiahi au ia ratou* mai mua i te ati Iseraela.+ E tufa noa oe i te reira ei tuhaa na Iseraela, mai ta ˈu i faaue ia oe.+
7 I teie nei, e tufa oe i teie fenua ei tuhaa na opu e iva e te afaraa o te opu o Manase.”+
8 Ua fanaˈo te tahi atu afaraa o te opu o Manase, te ati Reubena e te ati Gada i ta ratou tuhaa ta Mose i horoa na ratou i te pae hitia o te râ o Ioridana, mai ta Mose te tavini a Iehova i horoa na ratou:+
9 mai Aroera+ mai, tei te hiti o te peho Aranona,+ e te oire i ropu i te peho, e pauroa te vahi papu teitei na Medeba tae roa i Dibona,
10 e pauroa te oire o Sihona te arii o te ati Amori, tei faatere na i Hesebona tae roa i te otia fenua o te ati Amona,+
11 oia atoa o Gileada e te tuhaa fenua o te ati Gesura e te ati Maakata+ e te mouˈa Heremona taatoa e Basana+ taatoa tae roa i Saleka,+
12 te tuhaa fenua taatoa o te arii Oga i Basana, tei faatere i Asetarota e i Ederei. (O ˈna hoê o te ati Repha hopea.)+ Ua pau ratou ia Mose e ua tiahi oia ia ratou.*+
13 Area te ati Gesura e te ati Maakata, aita ïa te ati Iseraela i tiahi ia ratou,*+ te ora ra hoi ratou i rotopu ia Iseraela tae roa mai i teie mahana.
14 I te opu noa o te ati Levi aita oia i horoa i te tahi tuhaa.+ O te mau tusia pûpûhia ia Iehova te Atua o Iseraela na roto i te auahi ta ratou tuhaa,+ mai ta ˈna i fafau ia ratou.+
15 Horoa ˈtura Mose i te tahi tuhaa na te opu o te ati Reubena ia au i to ratou mau fetii,
16 e mai Aroera mai to ratou tuhaa fenua, tei te hiti o te peho Aranona, e te oire i ropu i te peho, e pauroa te vahi papu teitei na Medeba,
17 Hesebona e to ˈna mau oire atoa+ i te vahi papu teitei, Dibona, Bamota-baala, Bete-baala-meona,+
18 Iahaza,+ Kedemota,+ Mephaata,+
19 Kiriataima, Sibema+ e Zereta-sahara i nia i te mouˈa o te peho,
20 Bete-peora, te mau taha mouˈa o Pisega,+ Bete-iesimota,+
21 te mau oire atoa i te vahi papu teitei, e te tuhaa fenua taatoa o Sihona te arii o te ati Amori, tei faatere ia Hesebona.+ O ˈna e na raatira ati Midiana ra o Evi, Rekema, Zura, Hura e Reba,+ na huiarii* o Sihona o te faaea ra i taua fenua ra, ua pau ïa ratou ia Mose.+
22 O Balaama+ te tamaiti a Beora, te taata hiˈohiˈo,+ hoê o tei haapohehia e te ati Iseraela i te ˈoˈe.
23 O Ioridana te otia o te tuhaa fenua o te ati Reubena. O te tuhaa ïa tei horoahia na te ati Reubena ia au i to ratou mau fetii, oia hoi te mau oire e te mau oire rii tapiri.
24 Hau atu â, horoa ˈtura Mose i te tahi tuhaa na te opu o Gada, te ati Gada ia au i to ratou mau fetii,
25 e to ratou tuhaa fenua: o Iazera+ ïa e te mau oire atoa o Gileada e te afaraa o te fenua o te ati Amona+ tae roa i Aroera, i mua noa ia Raba,+
26 e mai Hesebona+ mai tae roa i Ramata-mizepe e Betonima, e mai Mahanaima+ mai tae roa i te otia fenua o Debira,
27 e i te peho: Bete-arama, Bete-nimera,+ Sukota+ e Zaphona, te toea o te fenua faaterehia e Sihona arii no Hesebona,+ o Ioridana te otia fenua mai te hiti apatoa o te miti no Kinereta*+ i te pae hitia o te râ o Ioridana.
28 Tera te tuhaa fenua tei horoahia ei tuhaa na te ati Gada ia au i to ratou mau fetii, oia hoi te mau oire e te mau oire rii tapiri.
29 Hau atu â, horoa ˈtura Mose i te tahi tuhaa na te afaraa o te opu o Manase, e riro atura te reira ei tuhaa na ratou e to ratou mau fetii.+
30 E mai Mahanaima+ mai to ratou tuhaa fenua tae roa i Basana taatoa, te tuhaa fenua taatoa o Oga arii no Basana, e pauroa te puhapa o Iaira+ i Basana, e 60 oire.
31 Te afaraa o Gileada, e Asetarota e Ederei,+ na oire o te fenua faaterehia e Oga i Basana, ua riro ïa i te mau tamaiti a Makira+ te tamaiti a Manase, te afaraa o te mau tamaiti a Makira ia au i to ratou mau fetii.
32 Tera te mau tuhaa ta Mose i horoa na ratou i te mau vahi papu pâpâmǎrô o Moabi i te tahi atu pae o Ioridana, i te pae hitia o te râ o Ieriko.+
33 Area te opu o te ati Levi, aita Mose i horoa i te tahi tuhaa na ratou.+ O Iehova te Atua o Iseraela ta ratou tuhaa, mai ta ˈna i fafau ia ratou.+
Nota i raro i te api
^ Aore ra “haruhia.”
^ Heb: “i mua ia.”
^ Aore ra “mai Sihora.”
^ Aore ra “te tomoraa o Hamata.”
^ Aore ra “E faaere au ia ratou i to ratou fenua.”
^ Aore ra “ua faaere oia ia ratou i to ratou fenua.”
^ Aore ra “i faaere ia ratou i to ratou fenua.”
^ Oia hoi e arii i raro aˈe i te faatereraa a Sihona.
^ Oia hoi te roto o Genesareta aore ra te miti o Galilea.
