Iosua 15:1-63

  • Tuhaa a Iuda (1-12)

  • E tuhaa fenua ta te tamahine a Kaleba (13-19)

  • Te mau oire o Iuda (20-63)

15  E haere roa te fenua tei tufahia*+ no te opu o Iuda no to ratou mau fetii i te otia o Edoma,+ te medebara o Zîna, i te Negeba i to ˈna hopearaa i apatoa.  E haamata to ratou otia i apatoa i te hopearaa o te miti Avaava,*+ mai te ooa i apatoa.  E haere roa te reira i apatoa i te purumu mouˈa o Akarabima,+ e tae roa i Zîna, a pauma ˈtu ai mai te pae apatoa i Kadesa-barenea,+ tae roa i Hezerona, i Adara i nia, a tioi atu ai i Karaka.  E e haere te reira i Azemona+ tae roa i te tahora* o Aiphiti,+ e e hope te otia i te Miti.* Tera to ratou otia i apatoa.  Te otia i te pae hitia o te râ, o te miti Avaava* ïa tae roa i te muriavai o Ioridana. E te otia o te poro apatoerau, tei te ooa ïa o te miti, i te muriavai o Ioridana.+  E pauma te otia i Bete-hogala+ tae roa i Bete-araba+ i apatoerau, a pauma ˈtu ai i te ofai a Bohana+ te tamaiti a Reubena.  E pauma te otia i Debira i te peho o Akora+ e e tioi i apatoerau i Gilagala,+ i mua noa i te purumu mouˈa o Adumima i te pae apatoa o te tahora. E tae roa te otia i te pape i Ene-semesa+ e e hope i Ene-rogela.+  E pauma te otia i te peho o te Tamaiti a Hinoma+ i te taha mouˈa o te ati Iebusi+ i apatoa, oia hoi Ierusalema,+ e e pauma te otia i te tupuai mouˈa i mua noa i te peho o Hinoma i tooa o te râ, i te hopearaa o te peho o te ati Repha i apatoerau.  Ua tapaohia te otia mai te tupuai mouˈa tae roa i te pape pihaa i Nephatoa+ e haere roa i te mau oire o te mouˈa Epherona. Ua tapaohia te otia tae roa i Baalaha, oia hoi Kiriata-iearima.+ 10  E tioi te otia i te mouˈa Seira mai Baalaha i tooa o te râ e e tae roa i te taha mouˈa Iearima i apatoerau, oia hoi Kesalona, a haapou atu ai i Bete-semesa+ tae roa i Timina.+ 11  E haere roa te otia i te taha mouˈa o Ekerona+ i apatoerau, e ua tapaohia te otia tae roa i Sikerona e tae roa i te mouˈa Baalaha e haere roa i Iabaneela, e e hope te otia i te miti. 12  Te otia i tooa o te râ, tei te miti Rahi*+ ïa e to ˈna hiti. Tera te otia ati aˈe te tuhaa fenua o te huaai o Iuda ia au i to ratou mau fetii. 13  E ua horoa Iosua na Kaleba+ te tamaiti a Iephune i te tahi tuhaa i rotopu i te huaai o Iuda ia au i te faaueraa a Iehova, oia hoi Kiriata-araba, o Heberona+ ïa (o Araba te metua tane o Anaka). 14  Tiahi atura ïa Kaleba mai reira i na toru tamaiti a Anaka:+ Sesai, Ahimana e Talamai,+ te huaai o Anaka. 15  E pauma aˈera oia e aro i to Debira.+ (O Kiriata-sephera te iˈoa o Debira na mua ˈˈe.) 16  Na ô atura o Kaleba: “Te tane o te tairi e o te haru ia Kiriata-sephera, e horoa vau i ta ˈu tamahine o Akesa ei vahine faaipoipo na ˈna.” 17  Haru atura Oteniela+ te tamaiti a Kenaza+ te taeae o Kaleba i tera oire. Horoa ˈtura ïa Kaleba i ta ˈna tamahine o Akesa+ ei vahine faaipoipo na ˈna. 18  I to Akesa hoˈiraa i te fare, parau onoono ihora oia ia Oteniela ia ani i te tahi tâpû fenua i to ˈna metua tane.* Pou maira Akesa mai nia mai i ta ˈna asini.* Ui atura Kaleba ia Akesa: “Eaha ta oe e hinaaro?”+ 19  Na ô maira Akesa: “A horoa mai na i te tahi haamaitairaa, ua horoa mai hoi oe i te tahi tâpû fenua i apatoa.* A horoa atoa mai ia Gulota-maima.”* Horoa ˈtura ïa oia no ˈna ia Gulota nia e Gulota raro. 20  Tera ïa te tuhaa a te opu o Iuda ia au i to ratou mau fetii. 21  Te mau oire o te opu o Iuda na te otia o Edoma+ i apatoa roa, o: Kabezeela, Edera, Iagura, 22  Kina, Dîmona, Adada, 23  Kedesa, Hazora, Itanana, 24  Zipha, Telema, Bealota, 25  Hazora-hadata e Keriota-hezerona, oia hoi Hazora, 26  Amama, Sêma, Molada,+ 27  Hazara-gada, Hesemona, Bete-paleta,+ 28  Hazara-suala, Beere-seba,+ Biziotia, 29  Baalaha, Iima, Ezema, 30  Elatolada, Kesila, Horamâ,+ 31  Zikelaga,+ Madamana, Sanasana, 32  Lebaota, Silehima, Aina e Rimona,+ e 29 oire e te mau oire rii tapiri. 33  I te Sephela:+ o Esetaola, Zora,+ Asena, 34  Zanoa, Ene-ganima, Tapua, Enama, 35  Iaremuta, Adulama,+ Soko, Azeka,+ 36  Saaraima,+ Aditaima, e Gêdera e Gederotaima,* 14 oire e te mau oire rii tapiri. 37  Zenana, Hadasa, Migadala-gada, 38  Dileana, Mizepe, Ioketeela, 39  Lakisa,+ Bozekata, Egalona, 40  Kabona, Lahemama, Kitelisa, 41  Gederota, Bete-dagona, Naama e Makeda,+ 16 oire e te mau oire rii tapiri. 42  Libena,+ Eterâ, Asana,+ 43  Iipheta, Asena, Neziba, 44  Keila, Akaziba e Mâresa, e iva oire e te mau oire rii tapiri. 45  Ekerona, to ˈna mau oire ati aˈe e to ˈna mau oire rii tapiri. 46  Mai Ekerona i tooa o te râ, pauroa to pihai iho ia Asadoda e te mau oire rii tapiri. 47  Asadoda,+ to ˈna mau oire ati aˈe e to ˈna mau oire rii tapiri. Gaza,+ to ˈna mau oire ati aˈe e to ˈna mau oire rii tapiri, a pou atu ai i te tahora o Aiphiti, te miti Rahi* e te tuhaa fenua na te pae miti.+ 48  I te tuhaa fenua mouˈa: o Samira, Iatira,+ Soko, 49  Dâna, Kiriata-sana, oia hoi Debira, 50  Anaba, Esetemo,+ Anima, 51  Gosena,+ Holona e Gilo,+ 11 oire e te mau oire rii tapiri. 52  Araba, Duma, Esana, 53  Ianuma, Bete-tapua, Apheta, 54  Humata, Kiriata-araba, oia hoi Heberona,+ e Ziore, e iva oire e te mau oire rii tapiri. 55  Maona,+ Karemela, Zipha,+ Iuta, 56  Iezereela, Iokedeama, Zanoa, 57  Kaini, Gibea e Timina,+ ahuru oire e te mau oire rii tapiri. 58  Halehula, Bete-zura, Gedora, 59  Maarata, Bete-anota e Eletekona, e ono oire e te mau oire rii tapiri. 60  Kiriata-baala, oia hoi Kiriata-iearima+ e Raba, e piti oire e te mau oire rii tapiri. 61  I te medebara, Bete-araba,+ Midina, Sekaka, 62  Nibasana, te oire o te Miti papaa, e Ene-gedi,+ e ono oire e te mau oire rii tapiri. 63  Area no te ati Iebusi,+ o te faaea ra i Ierusalema,+ aita i noaa i te mau tane o te opu o Iuda ia tiahi ia ratou.+ Faaea noa ˈtura ïa te ati Iebusi e to te opu o Iuda i Ierusalema tae roa mai i teie mahana.

Nota i raro i te api

Aore ra “tufa-kelero-hia.”
Oia hoi te miti Pohe.
Hiˈo i te titionare.
Oia hoi te miti Rahi, Mediteranea.
Oia hoi te miti Pohe.
Oia hoi Mediteranea.
Oia hoi Kaleba.
Huri-atoa-hia “Paipai ihora oia i te rima to nia noa â o ˈna i te asini.”
Aore ra “te Negeba.”
“Tura (Auˈa) pape” te auraa.
Huri-atoa-hia “Gedera e to ˈna mau aua mamoe.”
Oia hoi Mediteranea.