Iosua 18:1-28
18 Ruru aˈera te amuiraa taatoa o te ati Iseraela i Silo,+ e faatia aˈera i te tiahapa o te amuiraa i reira,+ ua haru hoi ratou i te fenua i taua taime ra.+
2 Tera râ, e hitu â opu o te ati Iseraela aita â i tufahia ˈtura to ratou tuhaa fenua.
3 Na ô atura ïa Iosua i te ati Iseraela: “Ehia â maororaa e faataere ai outou i te haru i te fenua ta Iehova te Atua o to outou mau tupuna i horoa no outou?+
4 A horoa mai e toru tane no te opu tataitahi ia tono vau ia ratou. Ia haere ratou na te fenua e e hamani ratou i te hohoˈa fenua ia au i te mau tuhaa o te opu tataitahi. I muri iho e hoˈi mai ratou ia ˈu.
5 E tufa ratou i te reira i rotopu ia ratou ei hitu tuhaa.+ E faaea Iuda i to ˈna tuhaa fenua i apatoa,+ e e faaea te huaai o Iosepha i to ratou tuhaa fenua i apatoerau.+
6 Area outou, a hamani i te hohoˈa fenua ei hitu tuhaa, e a hopoi mai i te reira ia ˈu. E tuu vau i te kelero+ no outou i ǒ nei i mua ia Iehova to tatou Atua.
7 Aita râ e tuhaa fenua horoahia no te ati Levi i rotopu ia outou,+ no te mea o te autahuˈaraa a Iehova ta ratou tuhaa.+ E ua rave ê na Gada, Reubena e te afaraa o te opu o Manase+ i ta ratou tuhaa i te pae hitia o te râ o Ioridana, ta Mose te tavini a Iehova i horoa na ratou.”
8 Faaineine aˈera te mau tane no te haere, e faaue atura Iosua i te feia na ratou e hamani i te hohoˈa fenua: “A haere na te fenua, a hamani i te hohoˈa fenua e a hoˈi mai ia ˈu, e e tuu vau i te kelero no outou i ǒ nei i mua ia Iehova i Silo.”+
9 Reva aˈera ïa te mau tane, tere atura na te fenua e hamani aˈera i te hohoˈa fenua ei hitu tuhaa tufahia a tapao ai i te mau oire i roto i te hoê buka. I muri iho, hoˈi aˈera ratou ia Iosua ra i te puhapa i Silo.
10 Tuu atura Iosua i te kelero no ratou i Silo i mua ia Iehova.+ Tufa ihora Iosua i te fenua i te ati Iseraela ia au i ta ratou tuhaa.+
11 Matara maira te tuhaa no te opu o Beniamina ia au i to ratou mau fetii, e to ropu to ratou tuhaa fenua i to te huaai o Iuda+ e to te huaai o Iosepha.+
12 I apatoerau, e haamata to ratou otia i Ioridana, e pauma te otia i te taha aivi no Ieriko+ i apatoerau, e pauma â i nia i te mouˈa i tooa o te râ, e e haere roa i te medebara o Bete-avena.+
13 E mai reira mai, e haere â te otia i Luza, i te taha aivi apatoa o Luza, oia hoi Betela.+ E haapou te otia i Atarota-adara+ i te mouˈa i apatoa o Bete-horona raro.+
14 E ua tapaohia te otia i te pae tooa o te râ e e tioi i apatoa mai te mouˈa i mua noa ia Bete-horona tae roa i apatoa. E hope te reira i Kiriata-baala, oia hoi Kiriata-iearima,+ e oire no Iuda. O te pae tooa o te râ ïa.
15 Te pae apatoa, mai te hopearaa ïa o Kiriata-iearima te otia e haere roa i tooa o te râ. E pipiha te reira i te pape pihaa o Nephatoa.+
16 E haapou te otia i te hopearaa o te mouˈa i mua noa i te peho o te Tamaiti a Hinoma,+ i te peho o te ati Repha+ i apatoerau, e e haapou te reira i te peho o Hinoma, i te taha aivi o te ati Iebusi+ i apatoa, e i raro i Ene-rogela.+
17 E ua tapaohia te reira i apatoerau e haere roa i Ene-semesa a haere tia ˈtu ai i Gelilota, i mua noa i te purumu mouˈa o Adumima,+ a haapou atu ai i te ofai+ a Bohana+ te tamaiti a Reubena.
18 E haere â te reira i te taha aivi apatoerau i mua noa i te Araba a haapou atu ai i te Araba.
19 E haere â te otia i te taha aivi apatoerau o Bete-hogala,+ e e hope te otia i te ooa apatoerau o te miti Avaava*+ i te hopearaa apatoa o Ioridana. Tera te otia i apatoa.
20 E o Ioridana te otia i hitia o te râ. Tera te tuhaa a te huaai o Beniamina ia au i to ratou mau fetii, ia au i te otia ati aˈe to ˈna tuhaa fenua.
21 E teie te mau oire o te opu o Beniamina ia au i to ratou mau fetii: Ieriko, Bete-hogala, Emeka-keziza,
22 Bete-araba,+ Zemaraima, Betela,+
23 Avima, Pâra, Ophera,
24 Kephara-amoni, Ophini e Geba,+ 12 oire e te mau oire rii tapiri.
25 Gibeona,+ Rama, Beerota,
26 Mizepe, Kephira, Môza,
27 Rekema, Irepeela, Tarala,
28 Zelaha,+ Ha-elepha, Iebusi, oia hoi Ierusalema,+ Gibea+ e Kiriata, 14 oire e te mau oire rii tapiri.
Tera te tuhaa a te huaai o Beniamina ia au i to ratou mau fetii.
Nota i raro i te api
^ Oia hoi te miti Pohe.
