Iosua 11:1-23
11 I te faarooraa iho â Iabina arii o Hazora i te reira, faatae ihora oia i te tahi poroi ia Iobaba arii o Madona,+ e i te arii o Simirona, te arii o Akasapha,+
2 na arii o te tuhaa fenua mouˈa i te pae apatoerau, to te mau vahi papu i te pae apatoa o Kinereta, i to te Sephela e i na taha mouˈa* no Dora+ i te pae tooa o te râ,
3 i te ati Kanaana+ i hitia o te râ e tooa o te râ, te ati Amori,+ te ati Heta, te ati Perizi, te ati Iebusi i te tuhaa fenua mouˈa e te ati Hevi+ i te tumu mouˈa o Heremona+ i te fenua o Mizepa.
4 Haere maira ratou e ta ratou mau nuu atoa, e nahoa mai te one tahatai te rahi, ma te puaahorofenua e te pereoo tamaˈi e rave rahi roa.
5 Farii aˈera teie mau arii atoa ia farerei ratou. Haere maira ratou, e puhapa amui ihora i te pape i Meroma no te aro ia Iseraela.
6 Na ô maira Iehova ia Iosua: “Eiaha e mǎtaˈu ia ratou,+ ananahi hoi i teie taime, e tuu vau ia ratou ia Iseraela, oia mau, e haapohe outou ia ratou pauroa. E tâpû oe i te uaua avae o ta ratou mau puaahorofenua,+ e e tanina oe i to ratou mau pereoo.”
7 Aro aˈera Iosua e pauroa te faehau ia ratou na te pape i Meroma i te hoê taime manaˈo-ore-hia e ratou.
8 Tuu atura Iehova ia ratou i te rima o Iseraela,+ pau atura ratou e aˈuaˈu aˈera o Iseraela ia ratou tae roa i Sidona rahi,+ i Miserephota-maima+ e te peho o Mizepe i te pae hitia o te râ. Tairi aˈera Iseraela ia ratou e aita ˈtura e taata i ora mai.+
9 Rave ihora Iosua ia ratou mai ta Iehova i parau ia ˈna. Tâpû ihora oia i te uaua avae o ta ratou mau puaahorofenua e tanina ihora i to ratou mau pereoo.+
10 Hau atu â, faahoˈi maira Iosua, haru ihora ia Hazora e tairi ihora i to ˈna arii i te ˈoˈe,+ no te mea o Hazora te oire rahi o taua mau faatereraa arii atoa ra na mua ˈˈe.
11 Tairi aˈera ratou pauroa te taata i reira i te ˈoˈe, e haamou atura ia ratou.+ Aita hoê te huti ra i te aho i ora.+ Tanina ihora oia ia Hazora.
12 Haru ihora Iosua pauroa te oire o tera mau arii e haapohe aˈera i to ratou mau arii atoa i te ˈoˈe.+ Haamou ihora oia ia ratou,+ mai ta Mose te tavini a Iehova i faaue.
13 Tera râ, aita Iseraela i tanina i te mau oire i nia i te aivi, o Hazora anaˈe, tera anaˈe ta Iosua i tanina.
14 Pauroa te taoˈa haruhia o tera mau oire e pauroa te animara, ua rave te ati Iseraela na ratou.+ Ua tairi râ ratou i te mau taata atoa i te ˈoˈe e ia mou ratou pauroa.+ Aita ratou i vaiiho i te tahi o te huti ra i te aho ia ora.+
15 Mai ta Iehova i faaue ia Mose ta ˈna tavini, tera atoa ta Mose i faaue ia Iosua,+ e na reira ˈtura Iosua. Aita e ohipa ta Iehova i faaue ia Mose+ aita oia i rave.
16 Upootia ˈtura Iosua i nia i teie fenua taatoa, te tuhaa fenua mouˈa, te Negeba taatoa,+ te fenua taatoa o Gosena, te Sephela,+ te Araba,+ e te tuhaa fenua mouˈa o Iseraela e to ˈna Sephela,*
17 mai te mouˈa Halaka, o te haere roa i Seira, e tae roa i Baala-gada+ i te peho o Lebanona i te tumu mouˈa Heremona.+ Ua haru oia i to ratou mau arii atoa e ua haapohe oia ia ratou.
18 Mea huru maoro to Iosua aroraa i teie mau arii atoa.
19 Aita e oire tei faaau i te hau i te ati Iseraela, o te ati Hevi anaˈe e faaea ra i Gibeona.+ Ua upootia te ati Iseraela i nia i te tahi atu mau oire atoa na roto i te tamaˈi.+
20 Na Iehova i vaiiho i to ratou aau ia etaeta+ a tamaˈi atu ai ia Iseraela, ia faataa oia ia ratou no te haamouraa ma te ore e faaherehere.+ Ia haamouhia ratou, mai ta Iehova i faaue ia Mose.+
21 I taua mau mahana ra to Iosua haamouraa i te ati Anaka+ i te tuhaa fenua mouˈa, mai Heberona, Debira, Anaba e te tuhaa fenua mouˈa taatoa o Iuda e te tuhaa fenua mouˈa taatoa o Iseraela. Ua haamou Iosua ia ratou e to ratou mau oire.+
22 Aita e ati Anaka i toe i te fenua o te ati Iseraela. Ua toe+ noa ratou i Gaza,+ Gata+ e Asadoda.+
23 Faatere ihora ïa Iosua i te fenua taatoa, mai ta Iehova i fafau ia Mose,+ e horoa ˈtura Iosua i te reira no Iseraela ia au i te tuhaa tufahia na nia i to ratou mau opu.+ Aita ˈtura e tamaˈi i tupu i tera fenua.+
