Iosua 12:1-24

  • Te mau arii tei pau i hitia o te râ o Ioridana (1-6)

  • Te mau arii tei pau i tooa o te râ o Ioridana (7-24)

12  Teie te mau arii o tera fenua tei pau i te ati Iseraela, no ratou te fenua ta te ati Iseraela i fatu i te pae hitia o te râ o Ioridana, mai te peho Aranona+ tae roa i te mouˈa Heremona+ e te Araba taatoa i te pae hitia o te râ:+  arii Sihona+ o te ati Amori, tei faaea na i Hesebona e tei faatere mai Aroera+ mai, tei te hiti o te peho Aranona,+ e tae noa ˈtu te ropuraa o te peho, e te afaraa o Gileada tae roa i te peho o Iaboka, te otia fenua o te ati Amona.  Ua faatere atoa oia i te Araba tae roa i te miti no Kinereta*+ i te pae hitia o te râ e tae roa i te miti o te Araba, te miti Avaava,* i te pae hitia o te râ a haere tia ˈtu ai i Bete-iesimota, e i te pae apatoa i raro i te mau taha mouˈa o Pisega.+  Oia atoa te tuhaa fenua o te arii Oga+ no Basana, hoê o te ati Repha hopea+ e tei ora na i Asetarota e Ederei  e tei faatere i te mouˈa Heremona, i Saleka, e i Basana+ taatoa, tae roa i te otia fenua o te ati Gesura e te ati Maakata,+ e te afaraa o Gileada, i te tuhaa fenua o te arii Sihona no Hesebona.+  Ua pau+ ratou ia Mose te tavini a Iehova e te ati Iseraela, e ua horoa Mose te tavini a Iehova i to ratou fenua no te ati Reubena, te ati Gada e te afaraa o te opu o Manase+ ia fatu ratou.  Teie te mau arii o te fenua tei pau ia Iosua e te ati Iseraela i te pae tooa o te râ o Ioridana, mai Baala-gada+ i te peho no Lebanona+ tae roa i te mouˈa Halaka,+ o te pauma i Seira,+ e ua horoa Iosua i to ratou fenua no te mau opu o Iseraela ia fatu ratou ia au i ta ratou tuhaa tufahia,+  oia hoi te tuhaa fenua mouˈa, te Sephela, te Araba, te mau taha mouˈa, te medebara, e te Negeba.+ Tera te mau tuhaa fenua o te ati Heta, te ati Amori,+ te ati Kanaana, te ati Perizi, te ati Hevi e te ati Iebusi.+ Teie ïa te mau arii:   Te arii o Ieriko.+ Te arii o Ai,+ i pihai iho ia Betela. 10  Te arii o Ierusalema. Te arii o Heberona.+ 11  Te arii o Iaremuta. Te arii o Lakisa. 12  Te arii o Egalona. Te arii o Gezera.+ 13  Te arii o Debira.+ Te arii o Gedera. 14  Te arii o Horamâ. Te arii o Arada. 15  Te arii o Libena.+ Te arii o Adulama. 16  Te arii o Makeda.+ Te arii o Betela.+ 17  Te arii o Tapua. Te arii o Hepheri. 18  Te arii o Apheka. Te arii o Lasarona. 19  Te arii o Madona. Te arii o Hazora.+ 20  Te arii o Simerona-merona. Te arii o Akasapha. 21  Te arii o Taanaka. Te arii o Megido. 22  Te arii o Kedesa. Te arii o Iokeneama+ i Karemela. 23  Te arii o Dora i nia i te mau taha aivi o Dora.+ Te arii o Goima i Gilagala. 24  Te arii o Tireza. E 31 ïa arii.

Nota i raro i te api

Oia hoi te roto o Genesareta aore ra te miti o Galilea.
Oia hoi te miti Pohe.