Yesu u te laha misaveni leswaku a ta nyikela vutomi byakwe hikwalaho ka vanhu lava nga hetisekangiki. Hambileswi a dlayiweke, misava u yi hlurile. Yehovha u kombise ku tshembeka eka N’wana wakwe hi ku n’wi pfuxa eka lava feke. Ku fikela loko a fa, Yesu hi ku titsongahata u tirhele van’wana a tlhela a va rivalela swidyoho swa vona. Loko a pfuxiwile eku feni, Yesu u humelele eka vadyondzisiwa vakwe. U va dyondzise ndlela yo endla ntirho wa nkoka lowu a va byeleke leswaku va wu endla. Loko u ri mutswari, pfuna n’wana wa wena ku twisisa leswaku na hina hi fanele hi wu endla ntirho lowu namuntlha.