Nghena endzeni

Hundzela eka leswi nga endzeni

 DYONDZO

Xihondzo Xa Babele

Xihondzo Xa Babele

Endzhaku ka Ndhambi, vana va Nowa ni vasati va vona va ve ni vana vo tala. Loko va ya va tala, va sungule ku hangalaka va ya tshama etindhawini to hambanahambana, hilaha Yehovha a va byeleke hakona.

Kambe van’wana a va n’wi yingisanga Yehovha. Va te: ‘A hi akeni muti hi tshama laha. Hi ta aka xihondzo xo leha swinene lexi nhlohlorhi ya xona yi nga ta fika etilweni. Kutani hi ta duma.’

 Yehovha a swi n’wi tsakisanga leswi vanhu lava a va swi endla, kutani u endle swo karhi. Xana wa swi tiva leswaku u endle yini? U endle leswaku va vulavula tindzimi to hambanahambana. Leswi a va nga ha twanani, va tshike ku aka. Muti lowu a va wu aka wu thyiwe Babele, leswi vulaka “Ku Pfilunganyeka.” Vanhu va sungule ku suka emutini lowu va hangalaka ni misava. Kambe va ye emahlweni va endla swilo swo biha etindhawini leti a va tshama eka tona. Xana a ka ha ri ni lava rhandzaka Yehovha? Hi ta dyondza hi mhaka leyi eka ndzima leyi landzelaka.

“Un’wana ni un’wana loyi a titlakusaka u ta tsongahatiwa, kambe loyi a titsongahataka u ta tlakusiwa.”—Luka 18:14