Leswi U Nga Swi Dyondzaka eBibeleni
Buku leyi yi vulavula hi nkarhi lowu Xikwembu xi sunguleke ku tumbuluxa ha wona, nkarhi lowu Yesu a velekiweke ha wona ni lowu a sunguleke vutirheli byakwe ha wona ni lowu Mfumo wu nga ta ta ha wona.
Papila Leri Humaka Eka Huvo Leyi Fumaka
Xana u nga yi tirhisa njhani buku leyi?
Xikwembu Xi Endle Tilo Ni Misava
Bibele yi vula leswaku Xikwembu xi tumbuluxe tilo ni misava. Xana wa swi tiva leswaku xi rhange xi endla mani xi nga si endla swilo leswin’wana hinkwaswo?
Xikwembu Xi Endle Wanuna Ni Wansati Wo Sungula
Xikwembu xi endle wanuna ni wansati wo sungula kutani xi va veka entangeni wa Edeni. A a xi lava leswaku va va ni ndyangu ni ku endla misava hinkwayo yi va paradeyisi.
Adamu Na Evha A Va Xi Yingisanga Xikwembu
Ha yini murhi lowu a wu ri exikarhi ka ntanga wa Edeni a wu nga fani ni leyin’wana? Ha yini Evha a dye muhandzu lowu a va nga fanelanga va wu dya?
Ku Hlundzuka Ku Endle Leswaku A Dlaya Makwavo
Xikwembu xi amukele gandzelo ra Avele ku nga ri ra Kayini. Loko Kayini a vona leswaku ra yena a ri amukeriwanga u hlundzukile a dlaya makwavo.
Ngalava Ya Nowa
Loko tintsumi ti tekane ni vavasati, ti ve ni vana na vona naswona vana lava a va xanisa vanhu. Madzolonga a ma tate misava. Kambe Nowa a a rhandza Xikwembu.
Vanhu Va Nhungu Va Ponile Va Ya Hanya eMisaveni Leyintshwa
Mpfula yi ne masiku ya 40 ni vusiku bya 40. Nowa ni ndyangu wakwe va tshame engalaveni nkarhi wo tlula lembe. Eku heteleleni va humele ehandle.
Xihondzo Xa Babele
Vanhu van’wana va ake muti ni xihondzo xo leha swinene. Ha yini Xikwembu xi endle leswaku va vulavula tindzimi to hambanahambana?
Abrahama Na Sara Va Yingise Xikwembu
Ha yini Abrahama na Sara va sukele kaya ra vona eUra leswaku va ya tshama etikweni ra Kanana?
Va Hetelele Va Kume N’wana!
Xikwembu xi ta xi hetisisa njhani xitshembiso lexi xi xi endleke eka Abrahama? Xana a xi ta hetiseka eka Isaka kumbe Iximayele?
Tsundzuka Nsati Wa Lota
Xikwembu xi nise ndzilo ni xivavula eSodoma ni le Gomora. Ha yini vanhu va le mitini leyi va lovisiwile? Ha yini hi fanele hi tsundzuka nsati wa Lota?
A Ringiwa Ripfumelo
Xikwembu xi byele Abrahama xi ku: ‘Ndzi kombela u teka n’wana wa wena la nga yexe u ya endla gandzelo hi yena entshaveni eMoriya.’ Xana Abrahama a a ta langutana njhani ni ndzingo lowu wa ripfumelo?
Yakobo U Kume Ndzhaka
Isaka na Raveka a va ri ni vana va mahahlwa, ku nga Esawu na Yakobo. Hikwalaho ka leswi Esawu a a ri lonkulu, hi yena a a ta kuma ndzhaka yo hlawuleka. Ha yini a xavise ndzhaka leyi leswaku a kuma xiculu?
Yakobo Na Esawu Va Rivalelana
Ha yini Yakobo a lwe ni ntsumi a tlhela a katekisiwa? Yakobo na Esawu va rivalelane njhani?
Hlonga Leri Yingiseke Xikwembu
Yosefa u endle swilo leswinene, kambe u xanisekile. Hikwalaho ka yini?
Yehovha U Hambete A Seketela Yosefa
Hambileswi Yosefa a a ri ekule ni ndyangu wa ka vona, Xikwembu xi hambete xi n’wi seketela.
A Ku Ri Mani Yobo?
U yingise Yehovha hambiloko swi tika.
Muxe U Hlawule Ku Gandzela Yehovha
Loko a ha ri ntsongo, Muxe u ponisiwe hi mana wakwe.
Xihlahla Lexi Pfurhaka
Hikwalaho ka yini xihlahla xi nga tshwanga xi hela?WEB:OnSiteAdTitleXihlahla Lexi Pfurhaka
Makhombo Manharhu Yo Sungula
Faro u vangele vanhu vakwe khombo hikuva a a tikukumuxa a nga swi lavi ku endla nchumu wun’we wo olova.
Makhombo Man’wana Ya Tsevu
Makhombo wolawo a ma hambane njhani ni makhombo manharhu yo sungula?
Khombo Ra Vukhume
Khombo ra vukhume a ri vava swinene lerova hambi ku ri Faro loyi a a ome nhloko u kale a tshika Vaisrayele va famba.
Singita Leri Endlekeke eLwandle Ro Tshwuka
Faro u pone makhombo ya khume, xana u ponile loko Xikwembu xi endla singita leri?
Va Endle Xitshembiso Eka Yehovha
Vaisrayele va endle xitshembiso xo hlawuleka eka Xikwembu loko va ha dzime mixaxa eNtshaveni ya Sinayi.
A Va Xi Hetisisanga Xitshembiso Xa Vona
Loko Muxe a ha landze Milawu ya Khume, vanhu va endle xidyoho lexikulu.
Tabernakela Yo Gandzela Eka Yona
Tende leri ro hlawuleka a ri ri ni areka ya ntwanano endzeni ka rona.
Tinhlori Ta 12
Yoxuwa na Kalebe a va hambanile ni vavanuna lavan’wana va khume lava kambeleke tiko ra Kanana.
Va Xandzukele Yehovha
Kora, Dathani, Abirama ni vanhu van’wana va 250 va tsandzekile ku xiya mhaka ya nkoka hi Yehovha.
Mbhongolo Ya Balama Yi Vulavula
Mbhongolo yi vone munhu loyi Balama a a nga n’wi voni.
Yehovha A Hlawula Yoxuwa
Xikwembu xi nyike Yoxuwa swiletelo leswi na hina swi nga hi pfunaka namuntlha.
Rahava A Fihla Tinhlori
Makhumbi ya Yeriko ma wile. Kambe yindlu ya Rahava a yi wanga hambileswi a yi akiwe ekhumbini.
Yoxuwa Ni Vagibiyoni
Yoxuwa u khongele eka Xikwembu a ku: “Dyambu, yima!” Xana Xikwembu xi hlamurile?
Murhangeri Lontshwa Ni Vavasati Vambirhi Lava Nga Ni Xivindzi
Endzhaku ka loko Yoxuwa a file, Vaisrayele va sungule ku gandzela swifaniso. Vutomi byi sungule ku tika, kambe Xikwembu xi va pfunile hi ku tirhisa Muavanyisi Baraka, muprofeta wa xisati Debora na Yayele a tirhisa mhingu ya tende!
Rhuti Na Nawomi
Vavasati vambirhi lava feriweke hi vanuna va vona va tlhelela eIsrayele. Wansati un’wana eka vona ku nga Rhuti u ye a ya khwaja ensin’wini, laha a nga kuma ku tsakeriwa hi Bowazi.
Gidiyoni A Hlula Vamidiyani
Loko Vaisrayele va xanisiwa hi Vamidiyani, va kombele mpfuno eka Yehovha. Masocha ya Gidiyoni ma swi kotise ku yini ku hlula masocha ya valala va vona ya 135 000?
Hana A Khongelela Ku Kuma N’wana Wa Jaha
Elkana a a teka Hana, Penina ni vana va ya gandzela etabernakeleni eXilo. Kwalaho Hana a khongelela ku kuma n’wana. Ku nga si hela ni lembe u veleke Samuwele!
Xitshembiso Xa Yefta
Yefta u tshembise Yehovha yini naswona ha yini? N’wana wa Yefta u hlamule njhani mayelana ni xitshembiso xa tata wakwe?
Yehovha A Vulavula Na Samuwele
Vana va Muprista Lonkulu Eli a va tirha etabernakeleni, kambe a va n’wi yingisanga Yehovha. Samuwele a a nga ri tano. Vusiku byin’wana Yehovha u vulavule na yena.
Yehovha U Nyike Samsoni Matimba
Xikwembu xi endla leswaku Samsoni lowa Munaziri a va ni matimba. Loko Delila a tseme misisi yakwe, Vafilista va kote ku n’wi khoma. Lawa a ku ri makumu ya tempele ya Dagoni.
Hosi Yo Sungula Ya Israyele
Xikwembu xi nyike Vaisrayele vaavanyisi leswaku va va rhangela. Samuwele u tote Sawulo tanihi hosi yo sungula, kambe Yehovha u tshike Sawulo. Ha yini?
Davhida Na Goliyadi
Yehovha u hlawula Davhida leswaku a va hosi leyi landzelaka ya Israyele, naswona u swi kombisa hi swiendlo leswaku wa faneleka
Davhida Na Sawulo
Hikwalaho ka yini Sawulo a a venga Davhida, naswona Davhida u angule njhani?
Yonathani A A Tshembekile A Tlhela A Va Ni Xivindzi
N’wana wa hosi u ve munghana lonkulu wa Davhida.
Xidyoho Xa Hosi Davhida
Xiboho xo biha lexi tisaka maxangu.
Tempele Ya Yehovha
Xikwembu xi hlamule xikombelo xa Solomoni naswona xi n’wi katekise hi swilo swo tala.
Mfumo Wu Avana
Vaisrayele vo tala va tshike ku gandzela Yehovha.
Xikwembu Xa Ntiyiso Xi Tikombisa eNtshaveni Ya Karimeli
I mani Xikwembu xa ntiyiso? Yehovha kumbe Bali?
Yehovha U Tiyise Eliya
Xana u anakanya leswaku na wena a nga ku tiyisa?
N’wana Wa Noni A Pfuxiwa
Masingita mambirhi lama endlekeke ekaya ra noni!
Hosi Ya Xisati Yo Homboloka Yi Xupuriwa
Yezabele u kunguhate ku dlaya Muisrayele loyi a a vuriwa Naboti leswaku a ta teka nsimu yakwe ya vhinya! Yehovha u byi xiyile vuhomboloki byakwe.
Yehovha A Lamulela Yehoxafati
Hosi Yehoxafati u khongele eka Xikwembu loko tiko ra Yuda ri xungetiwa hi matiko lawa a ma ri valala.
Nhenha Ya Nyimpi Ni Xinhwanyatana
Xinhwanyatana xa Muisrayele xi byele n’wini wa xona hi matimba lamakulu ya Yehovha, ivi ku endleka singita.
Vuthu Ra Yehovha Leri Nga Ni Matimba
Ndlela leyi nandza wa Elixa a swi voneke ha yona leswaku ‘hina hi ni vo tala ku tlula lava vona va nga na vona.’
Yoyada A A Ri Ni Xivindzi
Muprista wo tshembeka a hlula hosi ya xisati yo homboloka.
Yehovha U Lehisele Yonasi Mbilu
Swi tise ku yini leswaku muprofeta un’wana wa Xikwembu a mitiwa hi nhlampfi leyikulu? U swi kote njhani ku huma? Nakambe hi yihi dyondzo leyi Yehovha a n’wi dyondziseke yona?
Ntsumi Ya Yehovha Yi Sirhelele Hezekiya
Valala va muti wa Yuda va vula leswaku Yehovha a nge va sirheleli vanhu vakwe, kambe va hoxisile!
Yosiya A A Rhandza Nawu Wa Xikwembu
Yosiya u ve hosi loko a ri ni malembe ya 8 naswona u pfune vanhu va le tikweni rakwe leswaku va gandzela Yehovha.
Yehovha A Rhuma Yeremiya Ku Chumayela
Leswi muprofeta Yeremiya a swi vuleke swi hlundzukise vakulukumba va le Yuda.
Ku Lovisiwa Ka Yerusalema
Yehovha a tshika vanhu va le Yuda ni le Yerusalema hileswi va gandzeleke swikwembu swa mavunwa.
Majaha Ya Mune Lama Yingiseke Yehovha
Majaha ya Vayuda lama tiyimiseleke ku tshama ma tshembekile eka Yehovha hambiloko ma ri ehubyeni ya Babilona.
Mfumo Lowu Nga Ta Va Kona Hilaha Ku Nga Heriki
Daniyele a hlamusela leswi norho wa Nebukadnetsara wu vulaka swona.
Va Ale Ku Khinsamela Xifaniso
Xadraka, Mixaka na Abedinigo va veke vutomi bya vona ekhombyeni hi ku ala ku khinsamela xifaniso.
Mfumo Lowu Fanaka Ni Murhi Lowukulu
Norho wa Nebukadnetsara a wu vulavula hi vumundzuku byakwe.
Va Vona Voko Ri Tsala eKhumbini
Marito lawa, lama nga hlayekiki ma humelele rini? Naswona ma vula yini?
Daniyele eKheleni Ra Tinghala
Khongela eka Yehovha siku ni siku ku fana na Daniyele!
Estere A Ponisa Vanhu Va Ka Vona
Hambileswi Estere a a ri Muyuda, u hetelele a ve nsati wa hosi.
Ezra U Dyondzise Nawu Wa Xikwembu
Endzhaku ka loko Vaisrayele va yingise Ezra, va endle xitshembiso xo hlawuleka eka Xikwembu.
Makhumbi Ya Muti Wa Yerusalema
Nehemiya u xiye leswaku valala vakwe a va bohe kungu ro n’wi hlasela. Ha yini a a nga chavi?
Elizabeta A Kuma N’wana
Ha yini Zakariya a byeriwe leswaku a nge he koti ku vulavula ku fikela loko n’wana a velekiwa?
Gabriyele A Endzela Mariya
U n’wi byele rungula leri cinceke vutomi byakwe.
Tintsumi Ti Tivisa Hi Ta Ku Velekiwa Ka Yesu
Varisi lava tweke leswi tintsumi ti swi tiviseke malunghana ni ku velekiwa ka Yesu va hatle va famba.
Yehovha U Sirhelele Yesu
Hosi yo homboloka a yi lava leswaku Yesu a fa.
Yesu A Ha Ri Xifanyetana
Yesu u va hlamarise njhani vadyondzisi etempeleni?
Yohane A Lunghiselela Ndlela
Loko Yohane a kula u ve muprofeta. U dyondzise hi ku ta ka Mesiya. Vanhu va angule njhani eka rungula rolero?
Yesu A Va Mesiya
Xana Yohane a a vula yini loko a ku Yesu i Xinyimpfana xa Xikwembu?
Diyavulosi A Ringa Yesu
Diyavulosi u ringe Yesu kanharhu. Hi yihi miringo ya kona yinharhu? Yesu u angule njhani?
Yesu A Basisa Tempele
Ha yini Yesu a hlongole swiharhi etempeleni a tlhela a wisetela matafula ya vacincisi va mali?
Wansati A Ri eXihlobyeni
Wansati wa Musamariya loyi a ri exihlobyeni u hlamarisiwe hi leswi Yesu a vulavuleke na yena. Ha yini? Yesu u n’wi byele yini leswi a a nga si tshama a byela munhu?
Yesu A Chumayela Mahungu Ya Mfumo
Yesu u rhambe van’wana va vadyondzisiwa vakwe leswaku va va “vaphasi va vanhu.” Endzhaku u letele valandzeri vakwe va 70 leswaku va chumayela mahungu lamanene.
Yesu A Endla Masingita Yo Tala
Hinkwako laha Yesu a ya kona, vanhu lava vabyaka a va ya eka yena leswaku a va pfuna naswona u va horisile. U tlhele a pfuxa xinhwanyatana lexi a xi file.
Yesu A Hlawula Vaapostola Va 12
A a va hlawulela yini? Xana wa ma tsundzuka mavito ya vona?
Dyondzo Ya Le Ntshaveni
Yesu u dyondzise ntshungu tidyondzo ta nkoka.
Yesu A Dyondzisa Vadyondzisiwa Vakwe Ndlela Yo Khongela
Yesu u byele vadyondzisiwa vakwe ku ya emahlweni va khongelela yini?
Yesu A Phamela Mitshungu
Xana singita leri ri hi dyondzisa yini hi Yehovha na Yesu?
Yesu A Famba eHenhla Ka Mati
Anakanya ndlela leyi vaapostola va titweke ha yona loko va vona singita leri?
Yesu A Horisa Munhu Hi Savata
Ha yini vanhu van’wana a va nga tsakanga hi leswi Yesu a swi endleke?
Yesu A Pfuxa Lazaro
Loko Yesu a vona Mariya a ri karhi a rila na yena u ririle. Kambe mihloti ya vona yi hundzuke mihloti ya ntsako.
Xilalelo Xa Yesu Xo Hetelela
Yesu a byela vaapostola vakwe swiletelo swa nkoka loko a ri karhi a dya xilalelo xo hetelela na vona.
Yesu A Khomiwa
Yudasi Iskariyota a rhangela ntshungu lowu a wu ri ni mabanga ni swigombo va ya entangeni wa Getsemani kutani ntshungu wu fika wu khoma Yesu.
Petro A Landzula Yesu
Ku endleke yini ekaya ka Kayafasi? Naswona ku endleke yini eka Yesu loko a ri kwalaho?
Yesu A Fa eGolgota
Ha yini Pilato a lerise leswaku Yesu a dlayiwa?
Yesu A Pfuxiwa Eku Feni
I nchumu wihi wo hlamarisa lowu endlekeke endzhaku ka masikunyana Yesu a dlayiwile?
Yesu A Humelela Eka Vaphasi Va Tinhlampfi
Xana Yesu u endle yini leswaku va swi vona ku hi yena?
Yesu A Tlhelela eTilweni
Loko a nga si tlhandluka u nyika vadyondzisiwa vakwe xileriso xa nkoka.
Vadyondzisiwa Va Amukela Moya Lowo Kwetsima
Hi wahi matimba lawa moya lowo kwetsima wu va nyikaka wona?
A Ku Nga Ri Na Lexi A Xi Ta Va Sivela
Varhangeri va vukhongeri lava dlayeke Yesu sweswi va ringete ku tshikisa vadyondzisiwa vakwe leswaku va nga chumayeli. Kambe va tsandzekile.
Yesu A Hlawula Sawulo
Sawulo i nala wa Vakreste loyi a nga ni tihanyi, kambe sweswo a swi ta cinca.
Korneliyo A Amukela Moya Lowo Kwetsima
Ha yini Yehovha a rhumele Petro endlwini ya wanuna loyi hambileswi a a nga ri Muyuda?
Mahungu Lamanene Ma Chumayeriwa eMatikweni Yo Tala
Muapostola Pawulo ni varhumiwakulobye va sungule ntirho wo chumayela ematikweni ya le kule.
Mulanguteri Wa Khotso A Dyondza Ntiyiso
Xana dimona, ku tsekatseka ka misava ni tlhari swi katseka njhani eka mhaka leyi?
Pawulo Na Timotiya
Vavanuna lava vambirhi va tirhe swin’we tanihi vanghana ni malandzakulobye ku ringana malembe yo tala.
Pawulo A Yisiwa eRhoma
Riendzo leri a ri ri ni makhombo yo tala, kambe a ku na swiphiqo leswi a swi ta sivela muapostola loyi.
Swivono Leswi Kombiweke Yohane
Yesu u n’wi kombe swivono leswi tlhandlamanaka malunghana ni vumundzuku.
“Mfumo Wa Wena A Wu Te”
Swivono leswi kombiweke Yohane swi kombisa ndlela leyi Mfumo wa Xikwembu wu nga ta yi cinca ha yona misava.
