Pasalami 49:1-20
Sha ci u orhemen u mbawanatsam. U ônov mba Kora.+ Ka icam.
49 Ungwa nen kwagh ne, ne ior cii.
Kegh nen ato, ne mba ne tem sha tar cii.
2 Ne mbakiriki man mbavesen*Kua mbanyarev man mbaatsanev cii.
3 Zwa wam ua pase kwaghfan,Mhen wam u ken ishima kpaa,+ una tese mkav.
4 Me ver ato sha injakwagh,Me pase kikya wam sha adiguve.
5 A er nan ve me cia ashighe a bo,+Shighe u ifer i mba ve soo u zôhôn mo la i* kasem laa?
6 Ka mba ve suur sha inyaregh vev+Shi ve te ihyagh sha akaa a ve lu a mi kpishi la.+
7 Or ve môm nana fatyô u paan anngô u nan,Shin nan Aôndo ipaan sha ci na ga.+
8 (Ishe i paan uma ve la taver je yô,Mba fetyô u zuan a mi ma shighe môm ga);
9 Nana fatyô u paan nan ér nana lu uma gbem sha won nana de nengen a ihyungwa* ga ze.+
10 Nan nenge er mbafankwagh je kpa ve kpen yô;Abumeaior man mba lun a mkav ga ka ve tim imôngo,+Nahan i gba u vea undu mbagenev a akaa a ve lu a mi kpishi la.+
11 Ken atô ishima ve yô, ka i sar ve u uya vev ma ve tse gbem sha won,Utenti vev kpaa ma ve lu sha ikyov ikyov.
Ka ve yilan inya ve sha ati a ve.
12 Nahan kpa, or a icivir i nan cii kpa, nana lu gbem ga;+Nan hemba zendenya u ka a kpe kera la ga.+
13 Kape gbenda u abumeaior ua kure je la,+Kua mba ve dondon ve, shi i doon ve u ungwan agbilinaliam a ve la kpaa. (Sela)
14 I ver ve sha ci u Uwar* er ka iyôngo nahan.
Ku ua hemen ve;Mbaperapera vea ya tor sha a ve+ pepe.
Avindigh a ve tsô kpaa aa kera shi ga.+
Uwar*+ ua lu ya ve, a kera lu ya u tor ga.+
15 Kpa Aôndo una paam,*Me kera lu sha ikyev i* Uwar* ga.+
Gadia una tôôm. (Sela)
16 De cie zum u or hingir ornyar,Icivir i seer hen ya u nan la ga.
17 Gadia shighe u nan kpe yô, nana yem a kwagh môm ga;+Icivir i nan kpaa, ia za a nan imôngo ga.+
18 Sha ci u shighe u nan lu uma la, nan wuese iyol i nan.*+
(Ior ka ve wuese we zum u u ze ikyura yô.)+
19 Kpa ken masejime yô, nan za kohol kov u uter mba nan;Mayange vea kera nenge a iwanger ga.
20 Or u nan kav kwagh ne ga yô, a icivir i nan cii kpa,+Nan hemba zendenya u ka a kpe kera la ga.
Ngeren mba shin kpe
^ Zwa Heberu, “Ne ônov mba uumace a ônov mba or cii imôngo.”
^ Zwa Heberu, “Shighe u kwaghbo u mba ve soo u zôhôn mo la a.”
^ Shin “uwar.”
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “una paa uma wam.”
^ Shin “tahav mbu.”
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “uma u nan.”
