Pasalami 116:1-19
116 Yehova doom ishimaSha ci u ongo* imo yam man uzamber av.+
2 Gadia ka a kegh ato* a mo,+Nahan me za hemen u yilan un sha ayange a m lu uma cii.*
3 Ikyor i kuugh kpelegh mo;Uwar kôrom gbang tile a mi.*+
Ican man ijungwen gandem agee.+
4 Kpa m yila sha iti i Yehova,+ m kaa mer:
“Aye Yehova, ma u shi yima uma wam!”
5 Yehova eren a ior kundu kundu, shi ka u perapera;+Aôndo wase zungu mhôônom.+
6 Yehova ngu kuran mba mkav a ban ve la.+
Yange kwagh hembam,* kpa a yimam.
7 De uma* wam shi a mem,Gadia Yehova er a mo doo je gande.
8 U yima uma wam ken ku,Ashe a am kpaa sha mlia, nguhar agh kpaa sha gbeev mbu nôngon.+
9 Me zende sha ishigh ki Yehova, ken tar u mbaumav.
10 Yange m na jighjigh, nahan m ôr kwagh;+Yange ican erem kpishi je.
11 M cia m hingir gighir gighir, nahan m kaa mer:
“Hanma or cii ka oraiegh.”+
12 Ka nyi jim me na YehovaSha ci u akaa a dedoo a a er a mo cii laa?
13 Me tôô iyongo i myom,*Me yila sha iti i Yehova.
14 Me kure uiceghzwa av a YehovaSha ishigh ki ior nav cii.+
15 Ku u mba ve civir Yehova sha mimi laKa un kwagh u kôron iyol kpishi.*+
16 M ngu zamber we Yehova,Gadia m ngu wanakiriki wou.
M ngu wanakiriki wou, wan u kpan wou u kwase.
U saghem ken uikyangen kera.+
17 Me na u nagh ku ishughun;+Me yila sha iti i Yehova.
18 Me kure uiceghzwa av a Yehova+Sha ishigh ki ior nav cii,+
19 Ken ityembe i iyou i Yehova,+Ken atô wou, we Yerusalem.
Wuese nen Yehova!*+
Ngeren mba shin kpe
^ Shin a fatyô u kaan ér, “M iv a dooshima sha ci u Yehova ongo.”
^ Shin “a shiligh a kegh ato.”
^ Zwa Heberu, “sha ayange a am cii.”
^ Zwa Heberu, “Atsan a Sheol zua a mo.”
^ Shin “Yange m gba ijime.”
^ Nenge Ngeren u Pasen Asember.
^ Shin “kôôpu u myom u vesen.”
^ Shin “kwagh u vihin kpishi.” Zwa Heberu, “kwagh u injaa.”
^ Shin “Haleluya!” Ken zwa Heberu yô, i nger iti i Yehova ne heen tiônôô.
