Pasalami 21:1-13
Sha ci u orhemen u mbawanatsam. Ka icam i Davidi.
21 Yehova, ka ken agee a ou tor a ember ye;+Ka a ember sha akaa a u er u yiman se la kpishi!+
2 U na un kwagh u a sar ishima na la,+Shi u nyume un kwagh u zwa na u sen kpaa ga. (Sela)
3 U za kohol un u na un averen ngôgh;U cir un idyer i tor i sha zanaria u wang* sha ityo.+
4 A sôn u uma, nahan u na un,+Uma u tsan u* lun gbem sha won.
5 Akaa a u er u van a myom la na ngu a urum kpishi.+
U na un icivir man shagba.
6 U na yô ngu a iveren i tsôron;+U na un msaanyol a iember sha ishigh you.+
7 Gadia tor ngu suur ka sha Yehova;+Er dooshima u Uhemban Cii la a lu u been sha won ga yô,Mayange una tenger ga.*+
8 Uwegh ough kua zua a mbahyomov ou cii;Uwegh ough ku iyanegh kua zua a mba ve ker u ihyom la.
9 U er vea hingir er ka atse a yeghen usu nahan, sha shighe u u ver la,Zum u u va gema ishima u na sha kwagh ve yô.
We Yehova u mena ve sha ishimavihin you la, usu ua hia ve kera.+
10 U tim ônov vev* sha tar kera,U tim ônov vev ken ônov mba iorov kera.
11 Gadia ve wa ishima u eren we ifer;+Ve er ayom a aa za ikyura ga yô.+
12 Sha ci u u naregh ada wou sha a ve,*+Nahan vea hide ijime.
13 Mough sha Yehova, sha tahav ou.
Se wa atsam a* wuese agee a ou.
