Pasalami 2:1-12
2 Ka nyi man akuraior a mough ayôôso,Ior kpaa ve lu unun* gbilinkwagha?+
2 Utor mba tar ne mough ahendan,Mbavesen kpaa zua*+ u hendan a YehovaKua un u a tsough la.*+
3 Mba kaan ér: “Se tôndo nen ikyangenev vev keraShi ikyor ve kpaa se haa kera!”
4 Un u a tem tor sha usha la una se;Yehova una naha ve tar.
5 Hen shighe la, una lam a ve sha ishimavihin na laShi una ta ve mciem iyol sha ishima i i lu vihin un tsung la,
6 Una kaa ér: “M ver tor wam+Sha Shion,+ sha icighanwo wam.”
7 De m pase tindi u Yehova;A kaa a mo ér: “U ngu wan wam;+Nyian ne, m hingir teru.+
8 Sônom, nahan me na u akuraior, aa hingir dyako wouAkighir a tar kpaa aa hingir kwagh wou.+
9 U hembe ve sha tôgh ku iyôôgh,+U hembe ve avur avur er ka ityegh ki inyaagh nahan.”+
10 Sha nahan yô ne utor, tese nen ner ne mba a kwaghfan;Lumun nen mkôôm,* ne mbaajiriv mba sha tar.
11 Civir nen Yehova a mciem,Ember nen a akarkase iyol.
12 Na nen wan icivir,*+ gayô ishima a vihi Aôndo* kerNahan ne tim sha gbenda kera,+Sha ci u ishima ngôôr vihin un ga.
Saan mba ve yeren ken a na la cii iyol.
