Pasalami 39:1-13
Sha ci u orhemen u mbawanatsam. I wa sha inja i Yedutun.*+ Ka icam i Davidi.
39 M kaa mer, me wa ikyo sha gbenda wam,Sha er nombor wam ua er isholibo ga yô.+
Er iferor nan lu ikyua a mo je,Me wa zwa wam lijam.+
2 M lam ga, m huan ving,+Kwagh u dedoo je kpa m ôr ga.
Kpa mnyoon wam lu seer a seer.
3 Yange tseem ken ishimaEr m lu henen sha mi* la.
Lu hemban yeghen mo ken ishima.
Maa zwa wam ôr kwagh kaa ér:
4 “Yehova, wasem m fa er kwagh wam una kure yô,Man ingyegh ki ayange a uma wam kpaa,+Sha er me fa er uma wam a vese ga yô.*
5 Jighilii yô, u er ayange a am nga kpuaa tsô.*+
Ayange a uma wam kpaa gba kwagh sha ishigh you ga.+
Uumace cii mba di humbe tsô, aluer or nenge ér kwagh u eren nan ngu ga je kpaa.+ (Sela)
6 Hanma or nan ngu er mure nahan.
Ka nan gbaa ningir sha* a ityôkyaa shio tsô.
Ka nan kohol inyaregh kpishi, kpa nan fa or u nana ya ki ga.+
7 Nahan yô, Yehova, ka nyi je me ver ishima me keghe?
Ka we tswen u lu ishimaveren yam ye.
8 Yimam sha ikyev i asorabo a am cii.+
De den wer ibumeor nana gemam m hingir kwagh u ihyeenegh ga.
9 M lu ving,M fatyô u bughun zwa ga,+Gadia lu we u er kwagh ne ye.+
10 Ma u kar a ican i u lu eren mo ne kera,Tumem iyol, sha ci u uwegh ough ku tsahan mo.
11 Ka u kôôm or, u tsaha nan sha ci u isholibo i nan;+Ka u vihi akaainjaa a nan kera vough er ivina ka i er nahan.
Uumace cii mba di humbe tsô.+ (Sela)
12 Ungwa msen wam Yehova,Ungwa mliam ma m lu vaan sônon iwasen la.+
De kenger mliam am ashe ashe ga.
Gadia hen a we yô m ngu orvannya.+
M ngu orkarengbenda, vough er uter av kpa lu nahan.+
13 Ma u shi de u kenger mo sha ishimavihin sha er a saan mo iyol yô,Cii ve me kar kera, me kera lu ga ye.”
