Pasalami 4:1-8
Sha ci u orhemen u mbawanatsam; I̱ kuhwa sha akaakuhwan a lun a ikyar. Ka icam i Davidi.
4 Ungwam shighe u m yila u yô, Aôndo wam u perapera.+
Duem a gbenda u waren* zum u m lu ken ican yô.
Zungwem mhôônom, ungwa msen wam.
2 Ne ônov mba iorov, ka hanma shighe jim ne de u geman icivir yam hingir ihyeene?
Ka hanma shighe jim ne de u soon agbilinakaa shi keren kwagh u icughugh ase? (Sela)
3 Fa nen ner, Yehova una er a or u nan civir un sha mimi la a doo kpen kpen;*Yehova una ungwa zum u me yila un yô.
4 Ishima i vihi ne, kpa de eren nen isholibo ga.+
Hen nen kwagh ken asema a en sha ugambe enev, huan nen ving. (Sela)
5 Na nen iniav mbi perapera,Suur nen sha Yehova.+
6 Ior kpishi mba kaan ér: “Ka an nana tese se kwagh u dedoo?”
Yehova, ma u te se iwanger i sha ishigh you.+
7 U iv ishima yam a iember kpishiHemba mba ve sunda iyiav mgbeghaa shi ve ngee a wain u he la.
8 Me yav inya, me gba mnyam mem mem,+Sha ci u we Yehova, ka we tswen u ne m tem ken mkpeyol ye.+
