Esera 7:1-28
7 Akaa ne nga been cii yô, Esera*+ hide sha shighe u Tor Artashaseta+ u Pershia lu hemen la. Esera lu wan u Seraia,+ wan u Asaria, wan u Hilkia,+
2 wan u Shalum, wan u Sadoki, wan u Ahitubi,
3 wan u Amaria, wan u Asaria,+ wan u Merayoti,
4 wan u Serahia, wan u Ushi, wan u Buki,
5 wan u Abishua, wan u Pinehashi,+ wan u Eliezar,+ wan u Aron+ pristi u tamen.
6 Esera ne yange mough ken Babilon va. Lu orngeren u fa* Tindi u Mose+ u Yehova Aôndo u Iserael na la tsema tsema yô. Tor na un hanma kwagh u yange pine cii, sha ci u uwegh ku Yehova Aôndo na lu sha a na.
7 Mbaiserael mbagenev kua upristi man Mbalevi+ man mbawanatsam+ man mbakuran ihindagar+ man mbasôrontempel*+ kpaa mough yem sha Yerusalem ken inyom i sha utaankaruhar i Tor Artashaseta la.
8 Nahan Esera mough va ken Yerusalem sha uwer u sha utaan, ken inyom i sha utaankaruhar i tor la.
9 Yange mough ken Babilon sha uwer u hiihii iyange i hiihii la, va nyôr ken Yerusalem sha uwer u sha utaan sha iyange i hiihii, sha ci u uwegh ku Aôndo na lu sha a na doo doo.+
10 Esera vande sôron ishima na* u timen ken Tindi u Yehova shi eren sha mi,+ shi tesen akaawan man ajiraôron a a ken Iserael.+
11 Ngun ka washika u Tor Artashaseta na Esera pristi man orngeren, u fa u tôvon sha* atindi a Yehova man akaawan a na, a yange na Iserael la je ne:
12 * “Washika u Artashaseta,+ tor u utor, nger hen Esera, pristi man orngeren Tindi u Aôndo u sha yô: Bem a lu a we kpishi.
13 M na ian mer Mbaiserael kua upristi vev man Mbalevi mba ve lu ken tartor wam man ve soo u yemen vea we ken Yerusalem cii ve yem.+
14 Gadia tor kua ior nav utaankaruhar mba wasen un mhen tindi u, sha u u za tôv u fa aluer ior mba ken Yerusalem kua agar agen ken Yuda mba kuran Tindi u Aôndo wou u u lu a mi* la yô,
15 man shi sha u u za a azurufa man zanaria u tor kua ior nav mba wasen un mhen ve ne iyua a ishima ve sha ci u Aôndo u Iserael u ijiir i teman na i lu ken Yerusalem la,
16 kua azurufa man zanaria u u ngohol* hen kpentar* u Babilon la jimin cii, man uiyua mba ior kua upristi ve ne a ishima ve sha ci u iyou i Aôndo ve, i i lu ken Yerusalem la.+
17 Shi gba u a yam anomabua+ man anomaiyôngo+ man agumaiyôngo+ sha inyaregh kira a atimbir shio, kua iniav mbi sha samuyia+ man iniav mbi kwaghman+ mbi i ne a akaa ne imôngo la, shi gba u a za a akaa ne hen atse a nan nagh a a lu hen iyou i Aôndo wou ken Yerusalem la.
18 “Man nyityôkwagh i we kua anmgbianev ou ne nenge i doo ne u eren a azurufa man zanaria u a mase shin la cii, er nen er Aôndo wen a soo la.
19 Shi mkam ma i ne u ér u za eren tom u iyou i Aôndo wou a mi la cii, za na ma sha ishigh ki Aôndo ken Yerusalem.+
20 Man akaa agen a i gbe hange hange u u er hen iyou i Aôndo wou la cii, dugh inyaregh ken inyaregh ki tor+ er a.
21 “Mo Tor Artashaseta, m ngu wan mba ve nengen sha inyar hen haregh u Yande Ifi La* cii tindi mer, hanma kwagh u pristi Esera,+ u a lu or u ngeren Tindi u Aôndo u sha la, a kaa ér ne na un cii yô, na un nen fese je.
22 A lu utalenti* mba azurufa 100 shin uikyaren* mba alakema 100 shin uikyaren* mba wain 100+ shin uikyaren* mba mkure 100+ kua bar+ a ikighir shio je kpaa.
23 Hanma kwagh u Aôndo u sha a ôr cii yô, i er un sha gbashima je sha ci u iyou i Aôndo u sha,+ sha er iyugh ia va sha tartor u tor kua ônov nav ga yô.+
24 Shi m ngu kaan a ven mer, gba u a ngohol kpandegh shin a sav kwagh+ shin a ngohol kpandegh ku peren hen upristi man Mbalevi man mbakuhwan ityogholough+ man mbakuran ihindagar man mbasôrontempel*+ man mba ve lu eren tom hen iyou i Aôndo ne ga.
25 “Man we Esera, za ver mbahemenev mba ôron ajir man mbaajiriv, sha kwaghfan u Aôndo wou a ne u la,* ve ôron ior mba hen haregh u Yande Ifi La cii ijir, ka mba ve fe atindi a Aôndo wou la cii la; man aluer or fa ga kpaa, tese nan.+
26 Man hanma or u nan vende u kuran Tindi u Aôndo wou kua tindi u tor cii yô, i kure nan ijir, i tsaha nan fese, aluer ka u a wua nan shin a zenda nan ken tar la kera shin a ya nan zwajirigh shin a wuhe nan ken purusu kpaa.”
27 I wuese Yehova Aôndo u uter asev, un u a we kwagh ne ken ishima i tor sha u a er iyou i Yehova i ken Yerusalem la i doo ashe la!+
28 Shi a za hemen u tesen mo dooshima kpishi, sha ishigh ki tor+ man ior nav mba wan un kwagh+ kua mbatarev mba ageev mba tor cii. Nahan m taver ishima* sha ci u uwegh ku Yehova Aôndo wam lu sha a mo, tsô m kohol mbavesen mba ken Iserael sha u ve za a mo imôngo.
Ngeren mba shin kpe
^ Inja na yô ér, “Iwasen.”
^ Shin “fa u ngeren.”
^ Shin “Mbanetinim.” Zwa Heberu, “mba i ne ve la,” ka mba i ne ve ér ve er Aôndo tom je la.
^ Shin “vande kangen ishima.”
^ Shin “u fa u ngeren mkaanem ma ken.”
^ Esr 7:12 zan zan 7:26 cii yange i nger ken zwa Aram.
^ Zwa Aram, “a a lu sha uwegh ough.”
^ Shin “ipyaventar.”
^ Zwa Aram, “u zough a mi.”
^ Shin “Uferati Vegher La.”
^ Ka ikyaren i koor je la. Ikyaren i koor i môm yange i yuhwa i kuma er ukilogeram 170 nahan. Nenge Ngeren u Seer u B14 la.
^ Ka ikyaren i bav je la.
^ Ka ikyaren i bav je la. Bav môm yange a kuma ulita 22 (ugalon 5.81). Nenge Ngeren u Seer u B14 la.
^ Talenti môm yange a yuhwa i kuma ukilogeram 34.2 Nenge Ngeren u Seer u B14 la.
^ Shin “Mbanetinim.” Zwa Aram, “mba i ne ve la,” ka mba i ne ve ér ve er Aôndo tom je la.
^ Zwa Aram, “sha kwaghfan u Aôndo wou u a lu sha uwegh ough la.”
^ Zwa Heberu, “m taver iyol yam ishima.”
