Esera 5:1-17
5 Tsô profeti Hagai+ man profeti Sekaria+ wan u wan u Ido,+ ôr kwaghôron u profeti a Mbayuda mba ve lu ken Yerusalem man agar agen ken Yuda la, ken iti i Aôndo u Iserael u lu a ve la.
2 Nahan Serubabel+ wan u Sheatiel man Yeshua+ wan u Yehosadaki, hide hii u maan iyou i Aôndo+ i i lu ken Yerusalem la; shi uprofeti mba Aôndo kpa lu vea ve lu suen ve.+
3 Tsô hen shighe la Tatenai, gomna u Yande Ifi La* kua Shetar-bosenai man mbagenev mba ve eren tom a ve imôngo yô, va va pine ve ér: “Ka an nan ne ne ian i maan iyou ne shi been imaagh kini?”*
4 Shi ve pine ve ér: “Ati a ior mba ve lu maan kwagh heen ne ér ana man ana?”
5 Kpa Aôndo lu nengen sha* mbatamen mba Mbayuda,+ nahan ior mbara kera yange ve ga, zan zan i kar tindin a loho hen Dariu, shi un kpa hide tindi a washika sha ikyaa ne.
6 Ka washika u Tatenai, gomna u hen haregh u Yande Ifi La, kua Shetar-bosenai man mbagenev mba ve eren tom imôngo, ka imue gomna i hen haregh u Yande Ifi La je la, ve tindi Tor Dariu a mi je ne;
7 ve tindi loho hen a na, man ka kwagh u ve nger je ne:
“Hen Tor Dariu:
“Bem a lu a we!
8 Tor a fa kwagh ne nahan ér, se za ken kpentar* u Yuda hen iyou i Aôndo u hemban la. Mba maan i sha uzegembaawenev,* shi mba maan kwagh wan ikpande ken kpekpe. Man ior mbara mba eren u sha gbashima, shi iniôngon ve la na yô tom la ngu zan hemen tsembelee je.
9 Nahan se pine mbatamen vev ser: ‘Ka an nan ne ne ian i maan iyou ne shi been imaagh kini?’*+
10 Shi se pine ve ati a ve ser se ôr u, sha er se nger ati a mba ve lu hemen la yô.
11 “Ve gema ve kaa a vese ér: ‘Se mba mbayev mba Aôndo u a hemen usha man tar la, se mba hiden maan iyou i zegetor u Iserael ugen yange vande maan+ anyom a karen kpishi ken ijime la.
12 Nahan kpa, er uter asev va vihi Aôndo u sha la ishima ker yô,+ a na ve sha ikyev i Nebukadinesar+ tor u Babilon, Orkaldi la. Maa a va hembe iyou ne,+ shi a kura ior a yem a mi uikyangen ken Babilon.+
13 Nahan cii kpa, ken inyom i hiihii i Shirushi tor u Babilon la, Tor Shirushi kaa ér i hide i maa iyou i Aôndo ne.+
14 Shi ikyav mbi sha zanaria man mbi sha azurufa mbi ken iyou i Aôndo, mbi Nebukadinesar yange tôô ken tempel u ken Yerusalem yem a mi ken tempel u ken Babilon la kpaa, Shirushi due a mbi ken tempel u ken Babilon,+ a gema mbi a wa sha ikyev i orgen u Shirushi ver un gomna yô,+ i yilan un ér Sheshibasar.*+
15 Shirushi kaa a na ér: “Tôô ikyav mbin, yem a mbi za ver ken tempel u ken Yerusalem, shi i̱ hide i maa iyou i Aôndo hen ijiir i yange i̱ vande lun la.”+
16 Maa Sheshibasar ne va, va wa imaagh ki iyou i Aôndo+ i i lu ken Yerusalem ne; nahan i hii u maan i hen shighe la je zan zan hegen, kpa mba a kure ga.’+
17 “Nahan tor a nenge a doo un yô, i tôv sha kwagh ne ken iyou i tor i koson akaainjaa ken Babilon heela, sha er aluer tor Shirushi yange kaa ér i hide i maa iyou i Aôndo i ken Yerusalem+ la kpa a fa yô; shi tor a tindi i ôr se kwagh u a soo ér i er sha kwagh ne yô.”
