Di Yesus ben de na grontapu, a sori taki a lobi libisma trutru. A lobi fu en bigi so te taki a gi en eigi libi gi den (Mateyus 20:28; Yohanes 15:13). Heri esi a o sori baka taki a lobi libisma te a o gebroiki a makti di a abi leki Kownu fu Gado Kownukondre, fu „meki taki feti no de moro” „na ala sei fu grontapu”.​—Psalm 46:9.

 Luku san Bijbel e taki dati Yesus o du:

•   „A o ferlusu den pôtisma di e bari suku yepi. A o ferlusu den mofinasma nanga iniwan sma di no abi yepiman. A o sari den mofinasma nanga den pôtisma èn a o ferlusu den pôtisma. A o ferlusu den fu den sma di e kwinsi den èn fu den sma di e du ogr’ati sani nanga den.”​—Psalm 72:12-14.

 Fa wi kan sori taki wi de nanga tangi gi ala den sani di Yesus du kba gi wi èn gi den sani di a o du gi wi ete? Na Lukas 22:19, Yesus taigi den bakaman fu en fu memre a dede fu en. Dati meki Yehovah Kotoigi e kon makandra wán leisi ibri yari fu memre a dede fu en. Wi e gi yu a kari fu kon makandra nanga wi fu memre a dede fu Yesus tapu sonde 24 maart 2024.

Luku pe wan konmakandra o de pe wi o memre a dede fu Yesus