Yesus na a Kownu fu Gado Kownukondre.

Lukas 1:31-33: „Yu o kisi wan manpikin di yu musu kari Yesus. A o de wan prenspari sma èn den o kari en a Manpikin fu a Moro Heiwan. Yehovah Gado o gi en a kownusturu fu en papa David. A o tiri fu têgo leki Kownu fu a famiri fu Yakob èn en Kownukondre o tan fu ala ten.”

A Kownukondre na a moro prenspari sani di Yesus ben e preiki gi sma.

Mateyus 9:35: „Yesus bigin waka go na ala den foto nanga dorpu fu gi sma leri na ini den snoga fu den èn fu preiki a bun nyunsu fu a Kownukondre. A ben e dresi ibri sortu siki nanga ibri sortu mankeri.”

Yesus ben taigi den disipel fu en san ben o pasa so taki den ben kan sabi o ten a Kownukondre ben o kon.

Mateyus 24:7: „Bika a wan pipel o go feti nanga a tra pipel, èn a wan kownukondre o go feti nanga a tra kownukondre. Na ini a wan presi baka a trawan angriten nanga gronseki o de.”

Now den disipel fu Yesus e preiki a Kownukondre boskopu na heri grontapu.

Mateyus 24:14: „A bun nyunsu disi fu a Kownukondre o preiki gi sma na heri grontapu, so taki sma fu ala kondre kan yere dati, èn dan a kaba o kon.”