Go na content

Go na a tra menu

Yehovah Kotoigi

Sranantongo

San a buku Openbaring wani taki?

San a buku Openbaring wani taki?

A piki fu Bijbel

A Griki nen fu a Bijbel buku Openbaring na Apokalupsis (apokalips) èn a wani taki „tyari kon na krin”. Sobun, a buku Openbaring e tyari sani kon na krin di ben de wan kibritori fosi èn a e taki fu sani di ben o pasa langa ten baka di den skrifi. Furu fu den profeititori na ini Openbaring musu kon tru ete.

San na wan tu sani na ini a buku Openbaring

Feifi sani di kan yepi yu fu frustan a buku Openbaring

  1. A buku abi wan bun boskopu. A no skrifi fu frede den sma di e anbegi Gado. Furu sma e denki taki a wortu „apokalips” abi fu du nanga wan bigi rampu. Ma a buku Openbaring e bigin èn e kaba nanga wortu di e sori taki sma o de koloku efu den e leisi èn e frustan a boskopu na ini, èn efu den e du san skrifi na ini.Openbaring 1:3; 22:7.

  2. Openbaring e gebroiki furu agersitori noso prenki di sma no musu si leki sani di e pasa trutru.Openbaring 1:1.

  3. Furu fu den sma noso sani di kari na ini a buku Openbaring, kari kaba na tra presi na ini Bijbel:

  4. Fisyun di abi fu du nanga „a dei fu Masra”. A fisyun disi e bigin na a ten di Gado Kownukondre seti na ini 1914 èn di Yesus bigin tiri leki Kownu (Openbaring 1:10). Sobun, wi kan fruwakti taki furu sani fu Openbaring o kon tru na ini wi ten.

  5. Efu wi wani frustan a buku Openbaring, dan wi abi den srefi sani fanowdu di e yepi wi fu frustan den tra buku fu Bijbel. Wi abi a koni fu Gado fanowdu, èn sma di e frustan a buku disi kaba musu yepi wi.Tori fu den apostel 8:26-39; Yakobus 1:5.