Maatewoosi Wongeella 17:1-27
17 Yesuusi lewu barri gedensaanni, Pheexiroosi, Yaaqoobinna Yaaqoobi rodoo Yohaannisi calla haaꞌre mitto seeda ilaala fuli.
2 Hakkiinni albansaanni danisi soorrame wole ikki; albisi arrishshote gede xawi; uddanosino caabbichimma xabbu.*
3 Hatte yannara Musenna Eeliyaasi leeltunsa; insa Yesuusi ledo hasaabbanni no.
4 Hakkiinni Pheexiroosi Yesuusa togo yii: “Mooticha, kowiicho heeꞌra ninkera danchate. Hasiꞌrattoha ikkiro mitto atera, mitto Musera, mitto Eeliyaasira sase dunkaana qaseemmo.”
5 Pheexiroosi coyiꞌranni heeꞌreenna xawanno gomichi guggushshinsa; gomichu giddonni togo yitanno huuro daggu: “Tashshi assannoehu baxeemmo Beettiꞌya konneeti. Isi yaannota macciishshe.”
6 Rosaanosi tenne macciishshituti lowo geeshsha masse gombisante ubbu.
7 Hakkiinni Yesuusi insawa shiqqi yee angasinni amade, “Kaꞌe. Waajjitinoonte” yiinsa.
8 Insano gotti yite laꞌanno woyite Yesuusa agurranna wolu dino.
9 Ilaalunni dirritanni heedheenna Yesuusi togo yee hajajinsa: “Manchi Beetti reyotenni kaꞌꞌa geeshsha tenne ajuuja mittohono kultinoonte.”
10 Ikkollana rosaanosi, “Borreessaano balaxe Eeliyaasi daa hasiissannosi yitannohu mayiraatiyya?” yite xaꞌmitusi.
11 Isino togo yee qolinsa: “Garaho Eeliyaasi daye baalankare albiwa qolanno.
12 Ani kayinni yeemmoꞌnena, Eeliyaasi daate woyite dayino; insa kayinni baxxuta assidhinosi ikkinnina diaffinosi. Konni garinni manchi Beettino insa anga qarramanno.”
13 Hakkiinni rosaanosi isi coyiꞌranni noohu Cuuaanchu Yohaannisi daafira ikkinota huwattu.
14 Mannunniwa dagguta mittu manchi Yesuusiwa shiqqi yee guluphe togo yii:
15 “Mooticha, beettoꞌya mararisi;* hawwunaatu dhibbi amadinosi daafira buuto dhiwame no. Mito woyite giirate giddo, mito woyite wayi giddo uwanno.
16 Rosaanokkiwa abboommona insa kayinni hursa didandiitino.”
17 Yesuusi togo yee qoli: “Ammana nooꞌnekkirinna shokkashsho ilama, kiꞌne ledo mageeshshi geeshsha keeshsha hasiissaeraati? Kiꞌne cince heeꞌreemmohu mageeshshi geeshshaati? Hanni beetto anewa abbe.”
18 Hakkiinni Yesuusi agaaninte ufi; agaaninteno beettu giddonni fultu; beettuno hakkawoyintenni huri.
19 Hakkunni gedensaanni rosaanosi calluwinsa Yesuusiwa dagge “Ninke fushsha hoongoommohu mayiraati?” yite xaꞌmitu.
20 Isino togo yiinsa: “Ammana xeꞌinoꞌne daafiraati. Halaale yeemmoꞌnena, lenteetu* gumi geeshshi ammana heedhuꞌnero, konne ilaala ‘Kawiinni kaꞌe kaꞌa haꞌri’ yitiniro haꞌranno; dandiitinannikkiri mitturino diheeꞌranno.”
21 * ——
22 Galiilaho gamba yite heedheenna Yesuusi togo yiinsa: “Manchi Beetto mannu angara sayinse uyinanni;
23 insano shitannosi; isino sayikki barra kaꞌꞌanno.” Konnira rosaanosi lowo geeshsha dadillitu.
24 Qifirinaahoomi iillituhu gedensaanni, qullaawu mini giwire* gamba assitannori Pheexiroosiwa shiqqi yite togo yitu: “Rosiisaanchiꞌne qullaawu mini giwire diaanno?”
25 Isino, “Aanno” yiinsa. Ikkollana minira eita Yesuusi balaxe togo yiisi: “Simooni, atera ma lawannohe? Uullate mootoolla qaraxo woy giwire adhitannohu ayeoowiinniiti? Oosonsawiinniitinso wolu manniwiinniiti?”
26 Isino “Wolu manniwiinniiti” yiita, Yesuusi togo yiisi: “Hatto ikkiro oosonsa giwire baaxxa dihasiissannonsa.
27 Ikkirono guficho ikkineemmonsakki gede, baara hadhe woshshaado tugi; hakkiinni umo amadatto qulxuꞌmicho afoo fanatto woyite, birru saante* afatto. Hatte saante haadhe aneranna atera baati.”
Lekkaalliidi Qaagiishshuwa
^ Woy “waajjo qoffe ikkitu.”
^ Woy “maarisi.”
^ Woy “sanaaficete.”
^ Guwuursha A3 lai.
^ Noo gedeenni tirriro, “lame diraakima.” Guwuursha B14 lai.
^ Noo gedeenni tirriro, “istaateri saante.” Tetiradiraakimaho yine hendanni. Guwuursha B14 lai.
