Maatewoosi Wongeella 1:1-25
1 Daawiti beetti, Abirihaami beetti, Yesuusi Kiristoosi* xagge* kulanno maxaafa:
2 Abirihaami Yisaaqi ilino;Yisaaqi Yaaqoobi ilino;Yaaqoobi Yihudanna roduuwasi ilino;
3 Yihudi Tiimaari yinanni manchonni Faareesinna Zaara ilino;Faareesi Esirooni ilino;Esirooni Raami ilino;
4 Raami Aminaadaabi ilino;Aminaadaabi Neaasooni ilino;Neaasooni Selmooni ilino;
5 Selmooni Reaabi yinanni manchonni Booeezi ilino;Booeezi Ruuti yinanni manchonni Iyyoobeedi ilino;Iyyoobeedi Isseyi ilino;
6 Isseyi Moote Daawiti ilino;
Daawiti Ooriyo galtenni Salamooni ilino;
7 Salamooni Roobiaami ilino;Roobiaami Abiya ilino;Abiya Aasa ilino;
8 Aasa Iyyoosaafiixi ilino;Iyyoosaafiixi Iyyooraami ilino;Iyyooraami Ooziya ilino;
9 Ooziya Iyyoaataami ilino;Iyyoaataami Akaazi ilino;Akaazi Hiziqiyaasi ilino;
10 Hiziqiyaasi Minaase ilino;Minaase Amooni ilino;Amooni Iyyoosiyaasi ilino;
11 Iyyoosiyaasi, Ayihudete manni Baabiloone qafadame haꞌri waro Ikooniyanna roduuwasi ilino.
12 Ayihudete manni Baabiloone qafadame haꞌrihu gedensaanni Ikooniya Selaatiyaali ilino;Selaatiyaali Zerubaabeeli ilino;
13 Zerubaabeeli Abiyudi ilino;Abiyudi Eeliyaaqeemi ilino;Eeliyaaqeemi Aazoori ilino;
14 Aazoori Saadooqi ilino;Saadooqi Akiimi ilino;Akiimi Eeliyudi ilino;
15 Eeliyudi Alazzaari ilino;Alazzaari Maataani ilino;Maataani Yaaqoobi ilino;
16 Yaaqoobi Yooseefi ilino; Yooseefi, Kiristoosi yinanniha Yesuusa iltino Maariyaami minaannaati.
17 Konnira xaphoomunni, Abirihaaminni kayisse Daawiti geeshsha nooti 14 ilamaati; Daawitinni kayisse Ayihudootu qafadante Baabiloone hadhu geeshsha nooti 14 ilamaati; Ayihudootu qafadante Baabiloone hadhuhunni kayisse Kiristoosi geeshsha nooti 14 ilamaati.
18 Ikkollana Yesuusi Kiristoosi ilaminohu konninni aane noo garinniiti: Amasi Maariyaami Yooseefira huuccante heedhe, ledo heeꞌra hanafikkinni qullaawu ayyaaninni* godobbu.
19 Ikkirono, minaannise Yooseefi keeraancho ikkinohuranna mannu albaanni xawo fushshe saalsiisasera hasiꞌrinokki daafira, mannu afikkinni agurara hedi.
20 Ikkollana Yooseefi hatto assara hede heeꞌreenna, Yihowa* sokkaasinchi haaqeetenni leelle togo yiisi: “Daawiti beetto Yooseefi, minaamakki Maariyaami godobbinohu qullaawu ayyaaninniitina, ise minira abbiꞌra waajjitooti.
21 Ise labbaa beetto iltanno; mannasi cubbinsanni gatisanno daafira, isira suꞌma Yesuusa* yite fushshatto.”
22 Kuni baalu ikkinohu Yihowa* masaalaanchisi widoonni togo yee coyiꞌrinori woꞌmanno gedeeti:
23 “Kuneeti seemo godobbanno! Labbaa beettono iltanno; suꞌmasi Amaanueeli” yitanno; Amaanueeli yaa “Maganu ninke ledo no” yaate.
24 Hakkiinni Yooseefi goxinowiinni kai; Yihowa* sokkaasinchi hajajinosi garinni minaamasi minira abbiꞌri.
25 Ikkollana ise ilta geeshsha ledose digoxino;* isi qaaqqoho suꞌma Yesuusa yee fushshi.
Lekkaalliidi Qaagiishshuwa
^ Woy “Buuraminohu.”
^ Woy “ilamate kiiro.”
^ Woy “Maganu wolqanni.”
^ Tenne tirora, Girikete Afiite Qullaawa Borro giddo “Yihowa” yinannihu Maganu suꞌmi 237 bayicho no; kuri giddo mittu konneeti. Guwuursha A5 lai.
^ Kuni suꞌmi, Yeshuwa woy Iyyaasu yinannihu Ibiraawootu suꞌmi ledo mitto garaati; hatto yaa “Yihowa Gatisaanchoho” yaate.
^ Guwuursha A5 lai.
^ Guwuursha A5 lai.
^ Woy “siimu xaadooshshe diassino.”
