Maatewoosi Wongeella 15:1-39
15 Hakkiinni, Yerusaalametenni daggino Farisootinna borreessaano Yesuusiwa shiqqe togo yitusi:
2 “Rosaanokki albi manni woga diiggannohu mayiraati? Lawishshaho, insa sagale ittara kaꞌanno woyite anga dihayishshidhanno.”*
3 Isino togo yee qolinsa: “Kiꞌne wogaꞌnera yitine Maganu hajajo diigginannihu mayiraati?
4 Lawishshaho Maganu, ‘Annakkinna amakki ayirrisi,’ hattono ‘Annasi woy amasi xonannoha* shinona’ yiino.
5 Kiꞌne kayinni, ‘Aye manchino annisiranna amasira, “Kiꞌne kaaꞌleemmokki gede, nooere baala Maganoho aammora qaale eoommo” yiiro,
6 annasi ayirrisate digadadamanno’ yitinanni. Hakko daafira wogaꞌnera yitine Maganu qaale diigginanni.
7 Kiꞌne lawisiisaano, Isayyaasi kiꞌne daafira togo yee masaalasi garaho:
8 ‘Kuni manni suumensanni ayirrisannoe; wodaninsa kayinni anewiinni lowo geeshsha xeertiꞌrinoho.
9 Rosiissannohu mannu wodho ikkino daafira, ane magansiꞌransa mulla haafaho.’”
10 Hakkiinni Yesuusi manna isiwa woshshe togo yiinsa: “Macciishshe, macciishshitinannireno wodanche.
11 Mancho batteessannohu afiisira eanno coye diꞌꞌikkino; batteessannosihu afiisinni fulannoreeti.”
12 Hakkiinni rosaanosi isiwa dagge “Farisootu coyiꞌroottore macciishshite koffi yitinota* afootto?” yitusi.
13 Isino togo yee qolinsa: “Iimi Anniꞌya kaasinokki kaashshi baalu buqqisamanno.
14 Insa balloota massagaanootina agurre. Ballichu ballicha massagiro lamunku balete ubbanno.”
15 Hakkiinni Pheexiroosi “Lawishshu tiro kulinke” yii.
16 Hatte yannara isi togo yiinsa: “Kiꞌneno xaa geeshsha dihuwattinoonni?
17 Afuu giddora eannori baalu godowa dirre, hakkiinni fule bale eannota diaffinoonni?
18 Afuunni fulannohu baalu kayinni wodanu giddonni daanno; mancho batteessannohuno hakkonneeti.
19 Lawishshaho, wodanu giddonni busha hedo fultanno: shoo, soorro, foorre,* mooru, kapho farciꞌranna xono.
20 Manna batteessannori koreeti; anga hayishshiꞌnikkinni* ita kayinni manna dibatteessitanno.”
21 Yesuusi hakkiinni kae Xiroosinna Sidooni qooxeessa haꞌri.
22 Hakko qooxeessira heedhannoti mitte Finqe gobba* mancho dagge togo yite woxaratte huuccidhu: “Daawiti Beetto, Mooticha, mararie.* Beettoꞌya agaaninte amaddeenna shette no.”
23 Isi kayinni mittoreno didawarinose. Hakko daafira rosaanosi isiwa dagge, “Tini mancho hoodenke hadhanni woxarattanni noona haꞌrisi ballo” yite huuccitusi.
24 Isino togo yee qoli: “Maganu soyinoehu Israeelete mine baino geꞌreewiraati ikkinnina wole mittohono diꞌꞌikkino.”
25 Ikkollana mancho isiwa dagge guluphite* “Mooticha kaaꞌlie!” yitu.
26 Isino, “Oosote sagale haaꞌne buttuꞌleho tuga digaraho” yee qoli.
27 Manchono togo yitu: “Mooticha, hattee woyite halaaleho; kayinni buttuꞌluno mootoollansa ittanna uwino giggilo itannowe.”
28 Hakkiinni Yesuusi “Ati lowo ammana noohe manchooti; hasiꞌroottari ikkohe” yee qolise. Beettoseno hakkawoyintenni hurtu.
29 Yesuusi hakkiinni kae Galiilu baari mulira dayi; ilaalu iimira fulihu gedensaanni hakkiicho ofolli.
30 Hakkiinni lowo manni naafoota, laanshaabbinore, balloota, danqootanna dhiwaminoha wole lowo manna haaꞌre Yesuusiwa abbe lekkasi mule wori; isino hursinsa.
31 Mannu danqootu coyidhanna, laanshaabbinori hurtanna, naafootu qaaffanna hattono ballootu ille faꞌnantanna lae maalaꞌli; Israeelete Maganono ayirrisi.
32 Yesuusi rosaanosi isiwa woshshe togo yiinsa: “Kuni manni ane ledo sase barra keeshshinohuranna itannori noonsakki daafira mararsinoe. Haꞌranni doogo shaqqe uwara dandaanno daafira, hudiꞌre* heeꞌreenna haꞌrisa dihasiꞌreemmo.”
33 Rosaanosi kayinni togo yitusi: “Konne baddowa kageeshshi manna duushshitanno daabbo mamiinni abbineemmo?”
34 Hatte yannara Yesuusi, “Meꞌꞌe daabbo nooꞌne?” yiinsa. Insano “Lamala daabbonna boode shiimaadda qulxuꞌme” yitu.
35 Hakkiinni manna uulla ofollanno gede hajajihu gedensaanni,
36 lamalanta daabbonna qulxuꞌme haaꞌre Magano galate, hiiqqaqqe rosaanosira uyi; rosaanosino mannaho iillishshu.
37 Baalunku itte duubbu; hakkiinni gatino haambaa lamala jajjabba gimboola woꞌma gamba assitu.
38 Itino manni meentonna qaaqquulle kiirrikkinni 4,000 labballooti.
39 Jeefote manna haꞌrisihu gedensaanni, yowolo gidde Megedooni yinanni qoqqowo dayi.
Lekkaalliidi Qaagiishshuwa
^ Ayihudete ammaꞌno woga garinni hayishshiꞌra hooga leellishshanno.
^ Woy “diqatannoha.”
^ Woy “gufidhinota.”
^ Girikete Afiinni, poorniya. Qaallate Tiro lai.
^ Ayihudete ammaꞌno woga garinni hayishshiꞌra hooga leellishshanno.
^ Woy “Kanaanitte.”
^ Noo gedeenni tirriro, “maarie.”
^ Woy “kumbuulte.”
^ Woy “qatume.”
