Amootsi 8:1-14
8 Woꞌmunkura Aliidi Mootichi Yihowa tenne leellishinoe: Kuneeti arri laalo woꞌmitino gimbooli no.
2 Hakkiinni isi, “Amootsi, may leellannohe?” yiie. Anino, “Arri laalo woꞌmitino gimbooli” yee qolummo. Hakkiinni Yihowa togo yiie: “Manniꞌyara Israeelete goofimarchu dayno. Xaate gatona diyeemmonsa.
3 ‘Hakko barra qullaawu mini faarso didattote soorrantanno’ yaanno Woꞌmunkura Aliidi Mootichi Yihowa. Base baalate tungoonnihu batinyu reeshshi heeꞌranno; sammi yiiyye!’
4 Kiꞌne buxane kaddinanniri,Baattote aana heedhanno jooguulle huntinanniri, tenne macciishshe;
5 Qoleno togo yitinanni: ‘Gidenke hirreemmo gede, haaru agani ayyaani mamootella saꞌꞌanno?Gide dikko fushshiꞌneemmo gede, Sambatu mamootella saꞌꞌanno?
Hakkawoyte hanaaqu keenaasinchinni awaawurate,Iifete* safaraasincho ajisha,Seqilete* keenaasinchono leda dandiineemmo;
6 Qoleno qarraataamo birrunni,Buxichono koattetenni* hidha dandiineemmo;Baino gideno fushshine hira dandiineemmo.’
7 Yaaqoobi ayirrinye ikkinohu Yihowa umisinni xaarino;‘Assootensa baala horonta dihaweemmo.
8 Konninni kainohunni gobba* waajjite huxidhanno;Giddose heeꞌrannohu baaluno dadillanno.
Baatto gudisidhe Abbay gede ikkite dikaꞌanno?Gibitsete noohu Abbay way gede, iima higge kaꞌuhu gedensaanni wirro uullara didirritanno?’
9 ‘Hakko barra’ yaanno Woꞌmunkura Aliidi Mootichi Yihowa,‘Arrishsho barra baqaaqa eꞌanno gede asseemmo;Waraꞌa yiino barrano gobba tunsiiseemmo.
10 Ayyaannaꞌne wiꞌlate,Faarsoꞌne baalano wiꞌlishshaho soorreemmo.
Mannu baalu halloho xidda qodhanno gede asseemmo; umo baala baddaamo asseemmo.Afiꞌnoonni tole reenna wiꞌlinannihu gede ikkite wiꞌlitanno;Gumulosino shettote barri gede ikkitanno.’
11 ‘Kuneeti gobbate hude soyemmo barri daanno’ yaanno Woꞌmunkura Aliidi Mootichi Yihowa;Tini hude Yihowa qaale macciishsha hoogate hudeeti ikkinninaSagale hudiꞌra woy waa gooꞌra diꞌꞌikkitino.
12 Insa baarunni baara,Aliyyenni soojjaati* geeshsha raataabbanno.
Yihowa qaale hasidhanni tootayyaabbanno; ikkollana diafidhanno.
13 Hakko barra xumuullu seemootinnaWedellu labballi waa goodhe dammitanno;
14 Samaariyu cubbinni xaartannori,Qoleno “Daani, heeshshote maganikkinni xaareemmo!” yitannori,
Hattono “Heeshshonnite Bersaabehi doogonni xaareemmo!” yitannori
Ubbanno; higgeno dikaꞌanno.’”
Lekkaalliidi Qaagiishshuwa
^ Guwuursha B14 lai.
^ Guwuursha B14 lai.
^ Woy “caammunni.”
^ Woy “baatto.”
^ Woy “arrishsho fultannowi.”
