Amootsi 6:1-14
6 “Umonsa addaxxite* Tsiyooni heedhannorira,Samaariyu ilaalira beꞌe yitukkinni heedhannorira aanneꞌe!Insa daga baalate mereero qara ikkitino daga giddo ayirraddaho;Israeelete minino insawa daanno.
2 Kaalne widoonni saꞌine laꞌe.
Hakkiinni kaꞌine Batiꞌra Hamaati hadhe;Filisxeemete katama Geetino dirre.
Insa kuri gashshootubba* roortannoni?Woy gobbansa halaꞌlinyi kiꞌneha roorannoni?
3 Baote barra wodaniꞌne giddonni fushshitine hooltineFinqillete gashshoote* abbitinanni?
4 Hoshshate giddo noo wiliiꞌlenna misino siitta* ittanni,Daaniichu hinkonni seekkinoonni daallasira goxxanno; qoleno haranchu daallasira gongoꞌmitanno;
5 Gingilaate* gantanni faarso fushshitanno;Daawiti gede, muuziiqu uduunne kalaqqanno;
6 Woyne jajjabba finiinnara* wonshidhe agganno;Dancha zayitta buudhitanno.
Yooseefira iillino qoomami kayinni mittoreno dilawannonsa.*
7 Hakko daafira insa qafadante hadhannori giddo umire ikkitanno;Gongoꞌmitanni laꞌmitanno yannano saꞌanno.
8 ‘Woꞌmunkura Aliidi Mootichi Yihowa umisinni* xaarino’ yaanno olantote Magani Yihowa;‘“Yaaqoobi naaxxa effire giwoommo;Seeddaanna shaesino giwoommo;Katamano giddosi woꞌminoreno sayse eemmo.
9 “‘“Mitto mine tonnu manni gatiro nafa, hakkuno reyanno.
10 Insa mitto mittonka fushshe giirara, mittu fiixa ikkinohu* daanno. Miqqansa mininni fushshanno; hakkiinni mine holgeenni nooha, ‘Ate ledo gatinohu nooni?’ yee xaꞌmanno. Manchuno ‘Mittuno dino!’ yaanno. Hakkiinni isi ‘Sammi yii! Tini Yihowa suꞌma gannanni yanna diꞌꞌikkitinona’ yaanno.”
11 Hajajo uynohu Yihowaatina;Isi jawa mine cancane buluulo,Shiimiidi mineno kinnate duuno assanno.
12 Faradu jajjabba kinna aana dodannoni?Mannuno hakko handatenni hawuudhannoni?
Kiꞌne taashsho hadho afidhino muꞌrora,Keeraanchimmate gumano qaraarote* soorritinoonni.
13 Kiꞌne haafu coyinni hagiidhitinanni;Qoleno ‘Wolqaataamma ikkinoommohu* diuminke jawaantenniiti?’ yitinanni.
14 Hakko daafira Israeelete mine, kiꞌne aana mitte daga abbeemmo’ yaanno olantote Magani Yihowa;‘Insano Lebohamaatinni* kayisse Arebahu Moolu Lagichi* geeshsha gadadissannoꞌne.’”
Lekkaalliidi Qaagiishshuwa
^ Woy “Deseꞌe yite.”
^ Yihudunna Israeelete gashshootubba ikkitukkinni digattino.
^ Noo gedeenni tirriro, “barcima.”
^ Woy “shiimaadda bootta.”
^ Woy “Kirre afiꞌrinoha muuziiqu uduunne.”
^ Woy “gawattate.”
^ Noo gedeenni tirriro, “dixiwantino.”
^ Woy “lubbosinni.”
^ Noo gedeenni tirriro, “annisi rodii.”
^ Qaallate Tiro lai.
^ Noo gedeenni tirriro, “Uminkera buudda adhinoommohu.”
^ Woy “Hamaati xullichinni.”
^ Qaallate Tiro lai.
