Amootsi 3:1-15

  • Maganu yoo duduwa (1-8)

    • Maganu soqqamaanosira fojosi xawisanno (7)

  • Samaariyaho kulloonnita qorophishshu sokka (9-15)

3  “Israeelete manna, Yihowa kiꞌne daafira yaano isi Gibitsete gobbanni fushshino daga gudisamate coyiꞌrinoha konne qaale macciishshe:  2  ‘Baattote aana noo daga baalate giddo ani afoommohu kiꞌne callaati. Hakko daafira, loossinoonni sao baalate xaꞌmeemmoꞌne.  3  Lamu manni xaadate sumuu yiikkinni* mitteenni haꞌrannoni?  4  Doobbiichu ugaaxe amadinori nookkiha dubboho ittanannoni? Aju doobbiichino mittoreno amadikkinni balesi giddo gururaꞌꞌannoni?  5  Uulla woshshaado worrikkinni* cea mulla amadantannoni? Woshshaado mittoreno amaddukkinni kaattannoni?  6  Katamaho xurumba ufuunfiro, mannu waajje dihuxiꞌranno? Katamu giddo bao dagguro, tenne assinohu Yihowa diꞌꞌikkino?  7  Woꞌmunkura Aliidi Mootichi Yihowa, soqqamaanosira masaalaanoteFojosi* xawise kulikkinni mittoreno diassannona.  8  Doobbiichu ittaneenna waajjannokkihu ay no? Woꞌmunkura Aliidi Mootichi Yihowa hajajeenna, masaalo coyiꞌrannokkihu ay no?’  9  ‘Seeddaanna Ashidoodi shaera,Qoleno Gibitsete gobbara noote seeddaanna shaera tenne dudubbe. Togo yiiyye: “Samaariyu ilaallara gamba yiiyye;Mereerose noo gaancennaHakko noo hanaaqo laꞌe. 10  Seeddaanna shaensara finqillenna bao duuntannori,Gara ikkinore assinanni gara diegentinona” yaanno Yihowa.’ 11  Hakko daafira Woꞌmunkura Aliidi Mootichi Yihowa togo yaanno:‘Baarigaaru gobba doyissanno;Jawaantekki haaꞌre hoolanno;Seeddaanna shaekkino mulqiꞌranno.’ 12  Yihowa togo yaanno:‘Allaalaanchu doobbiichu afiinni lame lekka woy taꞌino macca hawuluke haaꞌrannonte gede,Samaariyaho seesallichu daallasiranna haranchu daallasira* ofollannohaIsraeelete manna hatto assine hawulunke haaꞌnanni.’ 13  ‘Macciishshitine kaꞌine, Yaaqoobi mine qorophisiisse’* yaanno olantote Magani, Woꞌmunkura Aliidi Mootichi Yihowa. 14  ‘Israeeli finqillesi* baalate daafira xaꞌmeemmo barra,Beetelete noota kakkalote darguwano xaꞌmeemmo;Kakkalote dargi buuddano murante uulla ubbanno. 15  Hawadi mineno arri mineno diigeemmo.’ ‘Daaniichu hinkonni minnoonni minna baꞌanno;Jajjabba* minnano diigantanno,’ yaanno Yihowa.”

Lekkaalliidi Qaagiishshuwa

^ Woy “dinye amade xaadikkinni.”
^ “Woshshaadote aana sagale worrikkinni” yaano ikkara dandaanno.
^ Woy “Dahaawino coyesi.”
^ Woy “Demaasqonnihu haranchu daallasira.”
^ Woy “Yaaqoobi mini bunshe farcidhe.”
^ Woy “jaddosi.”
^ “Batinye” yaano ikkara dandaanno.

Tenne borrota koppete qoosso