Amootsi 2:1-16

  • Marro marro hinge assinoonni finqillera yinoonni yoo (1-16)

2  “Yihowa togo yaanno:‘“Sase Moaabi finqillera* hattono shoolete, hedoommore diagureemmo;Korkaatuno isi nooraho yee Edoomi moote miqqa giirino.  2  Hakko daafira Moaabira giira qaseemmo;Seeddaanna Qiriyoti shaeno ittanno;Moaabi gaancu mereero,Olu qeexaalinna xurumbu luuli giddo reyanno.  3  Gashshaanchose* mereerisenni huneemmo;Gashshaasinese baalano isi ledo sheemmo” yaanno Yihowa.’  4  Yihowa togo yaanno:‘Sase Yihudu finqillera hattono shoolete, hedoommore diagureemmo;Korkaatuno insa Yihowa seera* mishshino;Wodhosino diagadhitino;Hatteentenni annuwansa haꞌrunsitino kapho haꞌrunsite doogo sodhino.  5  Hakko daafira Yihudaho giira qaseemmo;Seeddaanna Yerusaalamete shaeno ittanno.’  6  Yihowa togo yaanno:‘Sase Israeelete finqillera hattono shoolete, hedoommore diagureemmo;Korkaatuno insa keeraancho mancho birraho,Buxichono koattete* yite hirtino.  7  Qarraataammu umo uulla bushshaho kaddanno;Jooguulleho doogo cuffanno. Annuno beettuno mitte mancho ledo goxxe,Qullaawa suꞌmaꞌya batteessitanno.  8  Liqoote amaddino uddano kakkalote dargira woroonni kadhite goxxanno;Afalaama mursiissino manniwiinni adhitino woyne magannansa mine* agganno.’  9  ‘Ikkollana daguwu gede seedinohanna kaajjado haqqe gede* kaajjinoha Amooraawicha,Albansaanni hunoommohu aneeti;Iimaanni noo laalosinna woroonni noo rumuddasi hunoommo. 10  Gibitsete gobbanni fushshoommoꞌne;Amooraawichu baatto ragidhinanni gede,Halalla 40 diro massagoommoꞌne. 11  Oosoꞌne giddo mito masaalaano,Wedellootiꞌne giddonnino mitoota Naaziroota asse kaysoommo. Israeelete manna, ani hatto diassoommo?’ yaanno Yihowa. 12  ‘Kiꞌne kayinni Naazirootaho agganno gede woyne uytini;Masaalaanono, “Masaalo coydhinoonte” yitine hajajjini. 13  Hakko daafira mindoonni gidi woꞌmino gaare woroonni noore cancantannohu gede,Anino heedhinoonniwa cancaneemmoꞌne. 14  Rahe dodanno manchi xooqe marannowi diheeꞌranno;Jawaatu manchirano wolqasi noo gedeenni diheedhanno;Mittu bagadaasinchino heeshshosi* gatisiꞌre diafanno. 15  Digaana olanno manchi kaajje uurre diafanno;Lekkatenni dodannohu gate difulanno;Faradaasinchuno heeshshosi* gatisiꞌre diafanno. 16  Bagadaasinete giddo baalanka roore worbaho* yinoonnihu nafa,Hakko barra mullu xooqanno’ yaanno Yihowa.”

Lekkaalliidi Qaagiishshuwa

^ Woy “jaddora.”
^ Noo gedeenni tirriro, “daanyase.”
^ Woy “biddishsha.”
^ Woy “caammaho.”
^ Woy “galmira.”
^ Noo gedeenni tirriro, “baaluuxi haqqicho gede.”
^ Woy “lubbosi.”
^ Woy “lubbosi.”
^ Woy “bashshi assannokkiho.”

Tenne borrota koppete qoosso