Amootsi 4:1-13

  • Baasaani lalira kulloonnita qorophishshu sokka (1-3)

  • Yihowa Israeelennita kaphu maganna mishi (4, 5)

  • Israeele seejjo adha gibbino (6-13)

    • “Maganikki ledo xaadate qixxaawi” (12)

    • ‘Maganu hedinore mannaho kulanno’ (13)

4  “Kiꞌne Samaariyu ilaalira heedhinoonniri,Qarrantinore beebba assidhinannirinna buxane gadadissinanni meenti,Minaannuwaꞌne* ‘Angeemmore abbenke!’ yitinanniriBaasaani lali, konne qaale macciishshe.  2  Woꞌmunkura Aliidi Mootichi Yihowa, qullaambesinni xaarino;‘“Kuneeti! Kiꞌne qarawunni,Kiꞌne giddo gattinoreno woshshaadotenni amade kaysanno barri daanni nooꞌne.  3  Mittu mittunku albaꞌneenni noota huxxu xullo lulluqqitine fultinanni;Harmooni widira fushshine tunganniꞌne” yaanno Yihowa.’  4  ‘Beetele daggine cubbo loosse;*Gilgaali hadhineno lowo cubbo loosse! Soodo kakkaloꞌne,Sayikki barrano asaraateꞌne* shiqishshe.  5  Irsho noo tima shilqinshannita galatu kakkalo assitine shiqishshe;Umiꞌne baxxine shiqishshinanni fushshaate lallabbine kulle! Israeelete manna, kiꞌne hatto assa baxxinannireetina’ yaanno Woꞌmunkura Aliidi Mootichi Yihowa.  6  ‘Anino katammaꞌne baalate, afooꞌne mullicho assoommo;*Minnaꞌne baalate giddono sagale heedhannokki gede assoommo;Kiꞌne kayinni anewa dihigginoonni’ yaanno Yihowa.  7  ‘Qoleno midote yanna iillitara sasu aganira albaanni, xeena hoꞌloommoꞌne;Mittu katamira xeena gananno gede asse, wolu katamira ganannota hooloommo. Mittu gati xeena afiꞌranno;Xeena hoogi gati kayinni moolanno.  8  Lamu woy sasu katami manni aganno waa hasiꞌranni, walda yaanni mitto katama haꞌranno;Gooꞌro kayinni difulanno;Kiꞌne kayinni anewa dihigginoonni’ yaanno Yihowa.  9  ‘Biso giiranno iibbillinninna bulaasotenni ganoommoꞌne. Gatiꞌnenna woynete kaashshiꞌne batiꞌranno gede assidhinoonni;Ikkollana balasete haqqeꞌnenna ejersu haqqeꞌne kanchafaru shakki assanno;Ikkeennano kiꞌne anewa dihigginoonni’ yaanno Yihowa. 10  ‘Gibitsete ubbu gedee fayya mereeriꞌnera soyommo. Wedella oosoꞌne bisetenni shoommo; faradoꞌneno qafadoommo. Qachiꞌne bowanye sanoꞌnera eꞌanno gede assoommo;Kiꞌne kayinni anewa dihigginoonni’ yaanno Yihowa. 11  ‘Soddoomanna Gomoora uullate ganummonte gede,Baattoꞌne uullate ganoommo. Kiꞌneno giirate giddonni hawulunke gatinsoonni haqqichi gede ikkitinoonni;Kiꞌne kayinni anewa dihigginoonni’ yaanno Yihowa. 12  Hakko daafira Israeeli, hatto asseemmohe. Israeeli, tenne asseemmohe daafira,Maganikki ledo xaadate qixxaawi. 13  Kuneeti! Ilaalla seekkinohu, hattono bubbe kalaqinohu isooti;Hedinore mannaho kulanno;Soodimari xawaabba tunsichoho soorranno;Baattote aana nooha gotti yiino baycho kadanno;Suꞌmisi olantote Magano Yihowaati.”

Lekkaalliidi Qaagiishshuwa

^ Woy “Mootoollaꞌne.”
^ Woy “finqille.”
^ Woy “tonnunni mitte anga.”
^ Woy “ittinannire dioommoꞌne.” Noo gedeenni tirriro, “hinkoꞌne coꞌitte assoommo.”

Tenne borrota koppete qoosso