Amootsi 1:1-15

  • Amootsira Yihowawiinni dagginosi sokka (1, 2)

  • Marro marro hinge assinoonni finqillera yinoonni yoo (3-15)

1  Yihudu moote Ooziya waronna Israeelete moote Yooaasi beetti Iyyoorbiaami waro, baatto huxidhara lamu diri albaanni, Teqoa geꞌreewo ceꞌꞌe heeꞌranno manni giddo Amootsira* Israeelete daafira ajuujatenni daynosi qaale. 2  Isi togo yii: “Yihowa Tsiyooni heeꞌre doobbiichu gede ittananno;Yerusaalamete heeꞌre huurosi gotti assanno. Allaalaasinete qanchi dadillanno;Qermeloosi guunxono mooltanno.”  3  “Yihowa togo yaanno:‘“Sase Demaasqote finqillera* hattono shoolete, hedoommore diagureemmo;Korkaatuno insa gide gannanni siwiilinni Giiliyaadira aanaho hadhino.  4  Hakko daafira Hazaeeli minira giira qaseemmo;Beenihadaadita seeddaanna shaeno ittanno.  5  Demaasqote saanqi waawanna hiiqqeemmo;Biqaatiaweeni heedhannore huneemmo;Beetiedeni heeꞌre gashshannohano* huneemmo;Sooriyu mannino qafadame Qiiri haꞌranno” yaanno Yihowa.’  6  Yihowa togo yaanno:‘“Sase Gaaza finqillera hattono shoolete, hedoommore diagureemmo;Korkaatuno insa manna gudisse qafadde Edoomira sayisse uytino.  7  Hakko daafira Gaaza huxxira giira qaseemmo;Seeddaanna shaeseno ittanno.  8  Ashidoodi heedhannore huneemmo;Asqelooni heeꞌre gashshannohano* huneemmo;Angaꞌya Eqirooni aana kayseemmo;Gattino Filisxeemootino baꞌanno” yaanno Woꞌmunkura Aliidi Mootichi Yihowa.’  9  Yihowa togo yaanno:‘Sase Xiroosi finqillera hattono shoolete, hedoommore diagureemmo;Korkaatuno insa manna gudisse qafadde Edoomira sayisse uytino;Qolteno rodiimmate gondooro diqaaggino. 10  Hakko daafira Xiroosi huxxira giira qaseemmo;Seeddaanna shaeseno ittanno.’ 11  Yihowa togo yaanno:‘Sase Edoomi finqillera hattono shoolete, hedoommore diagureemmo;Korkaatuno isi rodoosi bisetenni shorrino;Qoleno maara giwino;Hanqunni fooliishsho hoꞌle billa biinxa fushshannonsa;Insarano hanqe higa giwanno. 12  Hakko daafira Teemaanira giira qaseemmo;Seeddaanna Bootsira shaeno ittanno.’ 13  Yihowa togo yaanno:‘“Sase Amoonootu finqillera hattono shoolete, hedoommore diagureemmo;Korkaatuno insa qoqqowonsa halashshidhara, Giiliyaadihu godowinni noo meenti godowa dartino. 14  Hakko daafira Raaba huxxira giira qaseemmo;Seeddaanna shaeseno ittanno;Olu barra mannu qeexaaꞌlanno;Hambabalattete barra wolqaataame wisho heedhanno. 15  Mootensano gashshaasinesi ledo qafadame haꞌranno” yaanno Yihowa.’

Lekkaalliidi Qaagiishshuwa

^ “Duha Ikka” woy “Duha Duqqa” yitanno tiro afiꞌrino.
^ Woy “jaddora.”
^ Noo gedeenni tirriro, “gashshootu siqqo amaxxe nooha.”
^ Noo gedeenni tirriro, “gashshootu siqqo amaxxe nooha.”

Tenne borrota koppete qoosso