Amootsi 5:1-27
5 “Israeelete mine, wiꞌlishshu gede asse kuleemmoꞌneha konne qaale macciishshe:
2 ‘Seemo Israeele ubbino;Layinkita dikaꞌanno.
Ise gobbasera tugantino;Kaysannosehuno dino.’
3 “Woꞌmunkura Aliidi Mootichi Yihowa togo yaannona:
‘Kume manna adhe gaadanno katamira xibbu manni callu gatanno;Xibbe manna adhe gaadanno katamira kayinni tonnu callu gatanno; kuni coy Israeelete minira iillanno.’
4 “Yihowa Israeelete minira togo yaannona:
‘Ane hasidhe, lubbotenni heedhinannina.
5 Beetele hasidhinoonte;Gilgaali hadhinoonte; Bersaabehi widoonni higgineno saꞌinoonte;Gilgaali qafadante haꞌrase digattannona;Beeteleno coꞌo yite baꞌanno.*
6 Yihowa hasidhe, lubbotenni heedhinannina;Hakkunni kaꞌa isi Yooseefi mine giirate gede itanno;Beeteleno itanno; xoyissannohuno diheeꞌranno.
7 Kiꞌne taashsho qaraarote* soorritinoonni;Keeraanchimmano uullara tugginoonni.
8 Kiima yinannita beeddahete kuusonna*Kesiili* yinannita beeddahete kuuso kalaqinohu,Xiꞌmote tunsicho soodo xawaabbira soorrannohu,Barra hashshi gede tunsicho assannohu,Uullate dunara baaru waa isiwa woshshannohu,Suꞌmisi Yihowaati.
9 Qiishote darguwa hune,Wolqaataamu aana hedeweelcho bao abbanno.
10 Insa katamu waalchira manna hay yitannore gibbanno;Halaale coyidhannoreno effidhe gibbanno.
11 Buxichu gatisira kira baatanno gede assitinanni daafira,Gidesino giwiru gede assitine adhitinanni daafira,Boncoonni kinnanni miꞌnitinoonni minira diheedhinanni;Kaasidhinoonnihu danchu woynete kaashshinni afidhinanni woyneno diagginanni.
12 Finqilleꞌne* mageeshshi geeshsha batidhinoro,Cubbiꞌneno mageeshshi geeshsha jawa ikkinoro afoommona;Keeraancho gadadissinanni;Gubbo* ittinanni;Katamu waalchira buxanete qoosso kaddinanni.
13 Hakko daafira, hatte yannara wodancha noonsari sammi yitanno;Qarru yanna ikkitannona.
14 Lubbotenni heedhinanni gede,Danchare ikkinnina bushare hasidhinoonte;
Olantote Magani YihowanoYitininte gede kiꞌne ledo ikkanno.
15 Busha coye gibbe; dancha coye baxxe;Katamu waalchira taashsho woꞌmito.
Olantote Magani Yihowa,Gatinohu Yooseefi mannira gaacheena leellishannonsaha ikkannona.’
16 “Hakko daafira Yihowa, olantote Magani Yihowa togo yaanno:
‘Insa gudumaalu baalira didde wiꞌlitanno;Doogga baalateno, “Baysibao! Baysibao!” yitanno.
Gaware wiꞌlate lassinanni;Kiirte wiꞌlitannoreno wiꞌlishshaho woshshinanni.’
17 ‘Woynete gati baalaho didatto ikkanno;Ani mereeroꞌneenni hige saeemmona’ yaanno Yihowa.
18 ‘Yihowa barra halchitannorira aanneꞌe!
Yihowa barri kiꞌnera maa haaꞌre daanno ikka?
Hakku barri tunsicho ikkinnina xawaabba diꞌꞌikkanno.
19 Hakku barri, mittu manchi doobbiicho xooqanni dibi aana mare fulinohu gedeetinnaMinira eꞌꞌe angasinni girgidda irkiꞌranno woyte, hamashshu qasannosihu gedeeti.
20 Yihowa barri xawaabbu nookki tunsicho diꞌꞌikkanno?Qoleno xawaabbu nookkiha xiꞌmo diꞌꞌikkanno?
21 Ayyaannaꞌne giwoommo; qoleno mishoommo;Qullaawa songoꞌne suꞌniillino dihagiirsiisannoe.
22 Gudinse shilqinshanni kakkalonna afansha shiqishshiniero nafa,Ani kurinni dihagiidheemmo;Mittimmate kakkalora shiqishshinannita coontino saadano dancha illenni dilaeemmo.
23 Faarsote luulokki hoolie;Kirre afiꞌrinohu muuziiqu uduunninni ganatto muuziiqa macciishsha dihasiꞌreemmo.
24 Taashsho way gede,Keeraanchimmano agurikkinni daadanno xashshi gede lolakko.
25 Israeelete mine, 40 diro halalla keeshshitini yannaraKakkalonna afansha shiqishshinoonnie?
26 Xaano umiꞌnera seekkidhinoonnire mooteꞌne Sakuuti, hattono Kiiwaani* misilla,Yaano maganiꞌne beeddakko duqqitine hadhinanni.
27 Anino qafadantine Demaasqo saꞌine hadhinanni gede asseemmoꞌne’ yaanno suꞌmisi Yihowa ikkinohu olantote Magani.”
Lekkaalliidi Qaagiishshuwa
^ “Diginte loonsanni darga ikkitanno” yaano ikkara dandaanno.
^ Qaallate Tiro lai.
^ Tooresi beeddahete kuuso giddo noota Piliyaadisi yinanni beeddahe ikkitara dandiitanno.
^ Ooriyooni beeddahete kuuso ikkitara dandiitanno.
^ Woy “Jaddoꞌne.”
^ Woy “Taje maaxate uynanni woxe.”
^ Tini lamenti maganna albi waro maganu gede assine magansiꞌnannita Saaterni pilaanete ikkitara dandiitanno.
