Soma ibirimo

Jya kuri meni ya kabiri

Abahamya ba Yehova

Ikinyarwanda

Ibijyanye n’ibanga n’amakuru asigara nyuma yo gusura urubuga

Ibijyanye n’ibanga n’amakuru asigara nyuma yo gusura urubuga

Umuryango w’Abahamya ba Yehova wubaha uburenganzira bw’umuntu, ukirinda kumena amabanga ye. Niba ushaka ibindi bisobanuro ku birebana n’uko umuryango wacu urinda amakuru yerekeye umuntu ku giti cye, kandi hano.

Amabwiriza arebana no kurinda amakuru asobanura uko umuryango w’Abahamya ba Yehova ufata amakuru areba umuntu ku giti cye. Uretse n’ibyo kandi, hashyizweho amabwiriza ajyanye n’imikoreshereze y’uru rubuga, kandi asobanurwa muri iyi ngingo.

Uru rubuga ni urwa Watchtower Bible and Tract Society of New York, Inc. (“Watchtower”); ukaba ari umuryango udaharanira inyungu ukorera i New York, ugamije gushyigikira ibikorwa by’Abahamya ba Yehova no kwigisha Bibiliya. Zimwe mu mashini uru rubuga rubikaho amakuru, ziba muri Leta Zunze Ubumwe za Amerika.

Amakuru y’umuntu ku giti cye

Amakuru akwerekeye utanga kuri uru rubuga akoreshwa hagamijwe gusa intego wabwiwe igihe wasabwaga gutanga ayo makuru.

Nta wundi muntu n’umwe duha amakuru akwerekeye, keretse gusa iyo ari ngombwa kugira ngo uhabwe serivisi wasabye. Icyo gihe turabikumenya cyangwa tukaba twiringiye ko gutanga ayo makuru bikenewe mu rugero rushyize mu gaciro kugira ngo hakurikizwe amategeko, cyangwa hakurikizwe amabwiriza mu gihe bisabwe n’inzego zishinzwe iy’ubahirizwa ryayo, cyangwa hagamijwe gutahura ubujura no kubwirinda, ku mpamvu z’umutekano cyangwa ibindi bibazo bya tekiniki. Iyo ukoresha uru rubuga, uba wemeye ko duha amakuru akwerekeye abo dukorana bitewe n’izo mpamvu gusa. Amakuru ayo ari yo yose utanga akwerekeye, ntazagurishwa, ntazacuruzwa cyangwa cyangwa ngo akodeshwe hashingiwe ku mimerere iyo ari yo yose.

Abo dukorana. Hari igihe uzajya ubona imiyoboro y’imbuga za interineti z’abo dukorana tuba twarafashe kugira ngo tuzikoreshe muri serivisi zacu (urugero nk’igihe umuntu yuzuza fomu zo ku rubuga). Uzahita umenya ko uri ku rubuga rw’abo dukorana kubera ko ruzaba rudasa n’urwacu kandi ibyari ahagaragaza aderezi na byo bigahinduka. Iyo dutoranya abo dukorana, tubanza kureba neza ko na bo bubahiriza amabwiriza yo kutamena ibanga kandi bakita ku mutekano w’amakuru y’umuntu; kandi nyuma y’igihe twongera kugenzura ko bakiyubahiriza. Nugira ikibazo cyo kumenya niba abo dukorana bubahiriza ayo mabwiriza, ujye ubanza gusoma amabwiriza aba yatanzwe ku mbuga zabo.

Umutekano

Twita cyane ku mutekano w’amakuru yawe bwite. Dukoresha uburyo bwabigenewe bwo kurinda amakuru yawe mu gihe uyohereza, ari bwo Transport Layer Security (TLS). Nanone dukoresha uburyo bw’ikoranabuhanga bwose bushoboka kugira ngo turinde amakuru y’ibanga duhabwa.

Konti

Aderesi e-mail utanga mu gihe ufungura konti kuri uru rubuga izakoreshwa mu gushyikirana nawe ku birebana na konti yawe. Urugero, uramutse wibagiwe izina ukoresha cyangwa urufunguzo ukoresha winjira kuri iyo konti ukaba ukeneye ubufasha, uzafashwa kongera kwinjira kuri konti yawe binyuze ku butumwa uzohererezwa kuri aderesi e-mail watanze mu mwirondoro wawe.

Gutanga impano

Iyo utanze impano z’amafaranga ukoresheje interineti, tubika izina ryawe n’amakuru y’uko twakubona. Twakira impano utanze ukoresheje ikarita ya banki, dukoresha uburyo bwo kwishyura kuri interineti bwizewe kandi bufite umutekano. Ntitubika amakuru ari ku ikarita yawe ya banki na nomero za konti yawe, cyangwa ngo tubibone. Uwakira impano abika inyandiko zigaragaza impano watanze byibuze mu myaka icumi. Izo nyandiko ziba zigaragaza itariki wazitangiyeho, umubare w’amafaranga watanze n’uburyo wayatanzemo. Ibyo bituma dushobora kumenya ibyinjiye kandi tukaba twasubiza ibibazo byanyu mu gihe bibaye ngombwa. Ntituzaguhamagara tugusaba kongera impano utanga.

Andi makuru

Hari andi makuru ushobora gutanga (urugero nk’izina, agasanduku k’iposita na nomero za telefoni) utagamije gutanga impano cyangwa gufungura konti (urugero nk’igihe usaba kwiga Bibiliya ku buntu). Ayo makuru turayakusanya, tukayabika kandi tukayakoresha gusa ku mpamvu wayatangiye mu gihe bikiri ngombwa.

Igihe cyose usuye urubuga rwacu, hari amakuru ahita yibika. Ayo makuru akusanywa hifashishijwe “cookies,” “web beacons” n’ubundi buryo bw’ikoranabuhanga bukora nk’ubwo. Ijambo cookie ryakoreshejwe muri aya mabwiriza rikubiyemo ibintu byinshi urugero nk’ikoranabuhanga rya “local storage.”

Cookies (amakuru asigara nyuma yo gusura urubuga).

Uko usura imbuga nyinshi za interineti, hari amakuru make yitwa “cookie” ashobora kwibika kuri telefoni yawe, tabuleti cyangwa mu bubiko bwa mudasobwa yawe. Cookies zirimo ubwoko bwinshi kandi zikora mu buryo butandukanye kandi ahanini ziba zigamije kugufasha kogoga urubuga. Dushobora gukoresha Cookies kugira ngo tumenye niba warigeze gusura urubuga rwacu cyangwa dushaka kumenya amahitamo yawe mu gihe wogoga urubuga. Urugero, ururimi wakoresheje ubushize rushobora kwibika muri cookie kugira ngo niwongera gufungura urubuga, ruzahite ruza muri urwo rurimi. Ntidukoresha cookies tugamije kwamamaza.

Cookies zikoreshwa kuri uru rubuga ziri muri ibi byiciro bitatu:

  1. Cookies za ngombwa: Izo cookies ni ngombwa kuko ari zo zigufasha gukoresha bimwe mu bigize urubuga, urugero nko kwinjira cyangwa kuzuza fomu ukoresheje interineti. Zidahari, amakuru wasaba, urugero nk’arebana no gutanga impano, ntiwayabona. Nanone kandi zidufasha kuguha serivisi udusabye zonyine mu gihe urimo wogoga urubuga. Izo cookies ntizikusanya amakuru akwerekeye hagamijwe kuyakoresha mu kwamamaza cyangwa kumenya aho wari uherereye igihe wakoreshaga uru rubuga.

  2. Cookies zigena imikorere: Zifasha urubuga kwibuka amahitamo yawe (urugero nk’izina ukoresha, ururimi cyangwa aho uherereye) kandi zikaguha ibyo ukeneye byose kugira ngo ubashe kogoga urubuga.

  3. Cookies z’isuzuma: Zidufasha gukusanya amakuru agaragaza uko abantu basura uru rubuga, urugero nk’umubare w’abarusura cyangwa igihe barumaraho ugereranyije. Ayo makuru akoreshwa gusa hagamijwe kunoza imikorere y’urubuga.

Zimwe muri cookies uru rubuga rukoresha ziba ari izacu, mu gihe izindi zo ziba ari iz’abo dukorana. Ubusanzwe dukoresha cookies zacu, n’aho iz’abo dukorana tukazikoresha gusa mu bijyanye na Google reCAPTCHA. Ubwo buryo bwa Google reCAPTCHA, bwashyiriweho kumenya niba mudasobwa irimo ikoreshwa n’umuntu cyangwa irimo yikoresha. Ku bindi bisobanuro bijyanye n’ibanga, wajya kuri https://www.google.com/intl/en/policies/privacy/.

Web Beacons. Amapaji yo ku rubuga rwacu aba ariho amafayili bakunze kwita web beacons, adufasha kumenya ibikorerwa ku rubuga, urugero nk’igihe umuntu aba yasuye ipaji runaka. Nanone ubwo buryo budufasha kumenya uko abantu bakoresha uru rubuga, bukanadufasha kumenya niba rukora neza.

Imikorere ya IP addresses. Izo ni kode zihariye ziranga mudasobwa yawe, ku buryo imenyekana igihe ukoresha interineti. Twifashisha kode za mudasobwa yawe ndetse na porogaramu ukoresha ufungura interineti kugira ngo dusuzume inzira n’ibibazo uru rubuga rushobora kuba rufite, kandi bidufashe kuguha serivisi nziza.

Amahitamo yawe. Porogaramu nyinshi ufunguza interineti ziguha uburyo bwo gufunga cookies, cyangwa zikaguha ubutumwa mbere y’uko cookies zibika ku gikoresho cyawe. Usabwe gusuzuma amabwiriza ajyanye n’imikorere ya porogaramu ukoresha ufungura interineti kugira no umenye uko bikorwa. Icyakora ukwiriye kuzirikana ko udafite cookies, utabona uko ukoresha neza urubuga rwacu.

Active Scripting cyangwa JavaScript

Scripting ikoresha kode zituma urubuga rurushaho gukora neza. Gukoresha iryo koranabuhanga bituma ukoresha uru rubuga ahita abona amakuru ashaka mu buryo bwihuse. Izo kode zikoreshwa n’uru rubuga nta na rimwe zishyira izindi porogaramu kuri mudasobwa yawe cyangwa ngo zikusanye amakuru akwerekeye utabitangiye uburenganzira.

Kugira ngo ibice bimwe by’uru rubuga bikore neza, ugomba kubanza kwemera ko izo kode cyangwa JavaScript zikora muri porogaramu ukoresha ujya kuri interineti. Porogaramu hafi ya zose zikoreshwa kuri interineti zitanga uburyo bwo kwemerera izo kode gukora cyangwa kuzangira mu gihe ufungura imbuga runaka zo kuri interineti. Reba ubufasha bwerekeranye na porogaramu ukoresha ujya kuri interineti kugira ngo umenye uko wakwemerera izo kode gukora mu gihe usura imbuga runaka.

Uburenganzira bwawe

Gukoresha uru rubuga, hakubiyemo kuvanaho ibitabo, videwo n’ibyafashwe amajwi, ni ubuntu. Si ngombwa gufungura konti kuri uru rubuga, gutanga impano, cyangwa gutanga amakuru akwerekeye kugira ngo ubashe gukoresha uru rubuga. Icyakora niba wiyemeje gufungura konti, gutanga impano, gusaba kwiga Bibiliya ku buntu cyangwa gutanga amakuru akwerekeye, uba wemeye gukurikiza amabwiriza arebana n’ibanga na Cookies; ko amakuru yawe abikwa kuri mudasobwa zacu ziba muri Leta Zunze za Amerika; ko mu gihe bibaye ngombwa, Watchtower n’indi miryango ikoreshwa n’Abahamya ba Yehova yo mu bihugu bitandukanye ikusanya, ikohererezanya kandi ikabika amakuru akwerekeye kugira ngo ubone serivisi wifuza. Amakuru akusanywa bitewe n’ibyo ukorera kuri uru rubuga. Urugero, iyo uhaye impano umuryango dukoresha mu rwego rw’amategeko, uwo muryango uba ushobora kubona izina ryawe n’andi makuru akwerekeye, agutandukanya n’abandi. Reka dufate urundi rugero. Iyo usabye kwiga Bibiliya, izina ryawe n’andi makuru akwerekeye, bihita bijya ku biro by’ishami by’Abahamya ba Yehova kugira ngo bizagushakire umuntu ukwigisha Bibiliya.

Iyo ufunguye konti, utanze impano cyangwa ukoze ikindi kintu ku rubuga, ariko ntutange amakuru asabwa, ntitubasha kuguha serivisi wasabye.

Nibiramuka bibaye ngombwa ko duhindura uko tubona Ibijyanye n’ibanga na Cookies, tuzabamenyesha iby’iryo hinduka kuri iyi paji, kugira ngo mujye muhora muzi amakuru tubika n’uko tuyakoresha.

Nk’uko amategeko abisaba, ushobora kuba ufite ubundi burenganzira ku makuru akwerekeye. Ubwo burenganzira bukubiyemo: kureba amakuru waduhaye ukoresheje uru rubuga, kugira icyo uyakosoraho cyangwa kuyasiba. Niba ibyo bikurikizwa mu gihugu cyawe, ushobora kubona amakuru y’aho wabariza hano here. Niba wifuza kugira icyo ubaza ku birebana n’amakuru ukoresha utanga impano, ushobora kubaza abagenewe izo mpano. Aderesi zabo wazibona mu gihe utanga impano cyangwa kuri resi.