Proverbios 21:1-31
-
Reypa yuyayninta Jehová Dios pusasqanmanta (1)
-
Sacrificiokunamantaqa allin kaqta ruway aswan allin kasqanmanta (3)
-
“Allin llank’aqpa yuyaykusqankunaqa allinpipunin tukunqa” (5)
-
Wajcha runaq mañakusqanta mana uyariqqa manallataq uyarisqachu kananmanta (13)
-
Jehová Diospa ñaupanpiqa mana ima yachaypas valesqanmanta (30)
21 Reypa yuyayninqa* mayu unu jinan Jehová Diospa makinpi kashan.+
Maychus munasqanmanmi payqa pusan.+
2 Runapaqqa tukuy ima ruwasqanpas allinkaman piensasqanman jinaqa,+Jehová Diosmi ichaqa sonqota t’aqwin.*+
3 Jehová Diostaqa allin kaqta ruwaymi kusichin,chanin kaqta ruwaymi sacrificiomantapas astawanqa kusichin.+
4 Uma oqariq kaypas jatunchakuq sonqoyoq kaypas juchan,chaykunan millay runakunataqa mechero* jina pusan.+
5 Allin llank’aqpa yuyaykusqankunaqa allinpipunin tukunqa,+usqhaylla imatapas ruwayta munaqmi ichaqa wajchayapunqa.+
6 Llullakuspa tarisqa valorniyoq cosaskunaqachinkaripuq pacha phuyu jinallan, wañuyman apaq trampa jinan.+
7 Millay runakunaq mana allinkuna ruwasqankuqa paykunallatataqmi wañuchinqa,+chanin kaqta mana ruwayta munasqankurayku.
8 Mana allin runaq ñanninqa q’ewisqan,ch’uya runaq kausasqanmi ichaqa allinkama.+
9 Aswan allinqa wasi pata k’uchupi tiyaymi,kutipakuq* esposawan wasi ukhupi tiyaymantaqa.+
10 Millay runaqa mana allin kaqtan munapayan,+manan runamasintaqa imaynallatapas khuyapayanchu.+
11 Burlakuq runa castigasqa kaqtinqa, mana yachayniyoqkunan aswan yachayniyoq kapunku,yachayniyoq runa yachayta tarin chayqa allintan yachan ima ruwaytapas.+
12 Chanin Diosqa millay runaq wasintan qhawan,millay runataqa chinkachinmi.+
13 Pipas wajcha runaq mañakusqanta mana uyarinqachu chayqa,paypa mañakusqanpas manallataqmi uyarisqachu kanqa.+
14 Pakallapi qosqa regaloqa phiñakuytan thasnuykun,+pakallapi lluk’iykuypas k’araq phiñakuytan tiyaykachin.
15 Chanin kaqta ruwayqa chanin runatan kusichin,+millay kaqta ruwaqkunan ichaqa chanin kaqta cheqnikunku.
16 Allin reparaq kaymanta t’aqakuq runaqawañuqkunaq kasqanmanmi* chayanqa.+
17 Kusirikuyllapi puriqqa wajchayapunqan,+vinotapas aceitetapas munakuqqa manan qhapaqyanqachu.
18 Millay runaqa chanin runata kacharichinapaqmi sirven,traicioneroqa allin runaq rantinpin jap’isqa kanqa.+
19 Aswan allinqa ch’inneqpi tiyaymi,kutipakuq* millay genioyoq esposawan tiyaymantaqa.+
20 Yachayniyoqpa wasinpiqa valorniyoq cosaskuna aceite iman kashan,+mana yuyayniyoq runan ichaqa kaqninta q’aruykapunqa.*+
21 Chanin kaytapas mana tukukuq munakuytapas* maskhaqqakausayta, chanin kayta, jatunchayta iman tarinqa.+
22 Yachayniyoqqa kallpasapakunaq llaqtantapas atipanmanmi,*confiasqanku perqakunatapas urmachinmanmi.+
23 Siminta wisq’akuqqa, qalluntapas watakuqqaaskha sasachakuykunamantan librakunqa.+
24 Sinchita jatunchakuspa imatapas ruwaqtaqauma oqariq, creekuq, alabakuq nispan sutichakun.+
25 Qellataqa munapayasqanmi wañuchinqa,makinkunaqa manan llank’ayta munanchu.+
26 Ch’isiyaqmi munapayan imaymanayoq kayta,chanin runan ichaqa mana maqllakuspa qon.+
27 Diosqa millakunmi millay runaq sacrificiontaqa.+
¡Astawanraqchá millakun mana allinta yuyaykuspa jaywasqan sacrificiotaqa!
28 Llulla testigoqa wañunqan,+uyarikuq runan ichaqa wiñaypaq rimanqa.
29 Millay runaqa mana p’enqarikuqmi,+allin runan ichaqa allin ñanninta purin.+
30 Jehová Diospa ñaupanpiqa manan ima yachaypas, reparaypas, yuyaychaypas valenchu.+
31 Caballoqa guerra p’unchaypaqmi yachachisqa kashan,+salvaqmi ichaqa Jehová Dios.+
Uraypi willakuykuna
^ Hebreo rimaypiqa “sonqonqa” ninmi.
^ Chaypiqa “imaraykus imatapas ruwashan chayta qhawan” nillanmantaqmi.
^ Chaypiqa “lámpara” nillanmantaqmi.
^ Chaypiqa “rimapakuq” nillanmantaqmi.
^ Chaypiqa “wañuspa manaña imatapas ruwayta atiqkunaq kasqanmanmi” nillanmantaqmi.
^ Chaypiqa “rimapakuq” nillanmantaqmi.
^ Hebreo rimaypiqa “oqoykapunqa” ninmi.
^ Qhaway Explicasqa simikuna nisqapi “Mana tukukuq munakuy” nisqata.
^ Chaypiqa “llaqtanmanpas wichanmanmi” nillanmantaqmi.
