Proverbios 7:1-27
7 Churilláy, imachus nisqayta kasukuy,kamachikuyniykunatapas sonqoykipi waqaychay.+
2 Ñawi ruruykita jina yachachikuyniykunata waqaychay,kamachikuyniykunatapas kasukuy, chhaynapin kausashallanki.+
3 Dedoykikunaman wataykuy,sonqoykipi chaykunata qelqay.+
4 Yachayta niy: “Qanqa panaymi kanki”, nispa.
Allin reparaq kaytataq niy: “Familiaymi kanki”, nispa.
5 Chaykunan mana allin kausaypi puriq warmimanta* pakaykusunki,+qhelli kausaypi puriq warmiq* misk’i rimayninmantan waqaychasunki.+
6 Wasiypa ventananmantan qhawasharqani,ventanaypa k’ajtunkunamantan qhawasharqani,
7 mana yachayniyoq waynakunatan qhawasharqani,paykuna ukhupin juj mana yuyayniyoq waynata rikurqani.+
8 Payqa chay warmiq tiyasqan calle esquinatan purisharqan,chay warmiq wasin ladomanmi risharqan,
9 chayqa karqan inti chinkaykuqtin rasphiyaykuytañan,+tutayamushaqtinñan laqhayamushaqtinñan.
10 Chayllamanmi juj warmi paywan tupaq lloqsimurqan,engañananpaq yuyaykuspan ramera warmi jina p’achasqa lloqsimurqan.+
11 Chay warmiqa rimaysapan, mana p’enqakuqmi,+manan chakinqa wasinpi tajyanñachu.
12 Mayninpin callekunapi kashan, mayninpitaq plazakunapi,sapanka esquinapin runata suyapashan.*+
13 Jap’iruspan chay waynata much’arun,mana p’enqarikuspataq nin:
14 “Sumaq kausay sacrificiota jaywanaypaqmi prometekurqani,+chay promesa ruwasqaytan kunan junt’aruni.
15 Chaymi qanwan tupaq lloqsimurqani,qanta maskhaqmi jamurqani, ¡tariruykin!
16 Puñunaytan munay qatanakunawan mast’aramuni,Egiptomanta apamusqa color-color linowan awasqa qatanakunawan.+
17 Sumaq q’apaq mirrawan, aloewan, canelawan iman puñunayta ch’aqchuramuni.+
18 Jamuy, pacha paqarimunankama anchatapuni munanakamusun,amikunanchiskama wayllunakamusun.
19 Qosayqa manan wasipichu,karutan payqa purin.
20 Qolqe bolsata aparikuspan purin,pura killa* p’unchaytañan kutimunqa”, nispa.
21 Sumaqta rimapayaspan urmachin.+
Misk’i simikunawanmi engañan.
22 Jinan waynaqa ñak’anaman apasqa toro jina qhepanta rin,castiganapaq cepoman* apasqa mana yuyayniyoq runa jinan rin.+
23 Chaypitaq flechaqa higadonman* ch’antakun.
Phalaq animal jinan trampaman urmaykun,payqa manan yachanchu chay wañuyman apananta.+
24 Wawaykuna, kunanqa uyariwaychis.
Tukuy yuyaywan uyarikuychis rimapayasqayta.
25 Ama chay warmiq ñanninkunapiqa puriychu,ama ñanninkunamanqa urmaychu.+
26 Askhatañan payqa urmachin,+askhatañan payqa wañuyman apan.+
27 Wasinqa Sepulturamanmi* apan,wañuypa tutayaq cuartonkunamanmi uraykun.
Uraypi willakuykuna
^ Suyapaytaqa “suyaykuy” nillankutaqmi.
^ Pura killataqa “junt’a killa” nillankutaqmi.
^ Higadotaqa “k’ipchan, kukupin” nillankutaqmi.
