Daniel 9:1-19 versiculosta leeriy. Chaypitaj yachakuy imaraykuchus Bibliata sumajta estudianayki kasqanta.

Danielpa kausayninmanta astawan ukhunchariy. ¿Imastaj chay kuti pasarqa, chanta imaynataj Daniel kasharqa? (Dan. 5:29–6:5). Danielchus kawaj karqa chay, ¿imaynataj sientekuwaj karqa?

Waj imastawan ukhunchariy. Danielqa “Diospaj tʼaqasqa” librosta leerqa. ¿Mayqenkunataj chay libros kanman karqa? (Dan. 9:2, sutʼinchaynin; w23.08 pág. 4 párr. 7). ¿Imaraykutaj Daniel juchasninta, Israel nacionpa juchasnintapis Jehovaman willarqa? (Lev. 26:39-42; 1 Rey. 8:46-50; dp-S págs. 182-184). ¿Imaynatataj Danielpa mañakusqan rikuchin Diospa Palabranta sumajta estudiasqanta? (Dan. 9:11-13).

Piensariy imastachus paymanta yachakusqaykipi. Kayta tapurikuy:

• “¿Imatá ruwayman mana kay mundoj imasninwan musphanaypaj?” (Miq. 7:7).

• “Diospa Palabranta Daniel jina sumajta estudiay, ¿imaynatataj yanapawanqa?” (w04-S 1/8 pág. 12 párr. 17).

• “¿Imasta estudiaytaj ‘rijchʼarisqallapuni’ kanaypaj yanapawanqa?” (Mat. 24:42, 44; w12 15/8 pág. 5 párrs. 7, 8).