Oiningwanima yomonghalamwenyo yaJesus
Mouvidio ava va pambafana, lihonga shihapu kombinga yaJesus Kristus, Omona waKalunga nOmuxupifi wovanhu.
Ouyelele washili mounyuni — Oshitukulwa 1
Ovanhu otava ka xupifwa ngahelipi koulunde oo wa etifwa po kuAdam? Messias oye ashike elineekelo lovanhu.
Oshitukulwa 2: “Ou Omona wange”
Johannes omuninginifi ta longekidile Messias ondjila. Tala koiningwanima itunhula oyo ya tetekela oukalele waJesus wokombada yedu!
Oshitukulwa 3: ”Aame oo a li e na okuuya”
Jesus e lihololela Nikodemus, omukainhu Omusamaria nosho yo ovanhu vomuNasaret kutya oye Messias, ndele ovanini ashike, ovo ve na omitima diwa, ovo ve mu itavela. Konima eshi a longa oshikumwifilonga osho sha lundulula okukalamwenyo kwavo, okwa shiva ovayuli veeshi ve mu shikule.
Oshitukulwa 4: Eshi “osho nda endela”
Jesus a holola eenghono daye dokuvelula ovanhu nokwa taataa mo eendemoni. Ashike vamwe ova li omhinge noilonga yaye nova pangela omhangela ve mu dipae. Omolwolukeno nosho yo ounghulungu waye wokuhonga, Jesus okwa dula okuninga ovanhu ovahongwa nokuhoolola ovayapostoli vaye 12.
Oshitukulwa 5: “Ovanhu ova li va kuminwa onghedi yaye yokuhonga”
Konima eshi Jesus a velula ovanhu vahapu okwa hovela oku va honga monghedi omo ovahongi vavo inava dula okuhonga. Eenghono daye, omafaneko oo a longifa nosho yo nghee e va kwafela va tule moilonga osho e va honga osha li she va kumwifa.
Oshitukuluwa 6: “Oove tuu ou e na okuuya?”
Jesus okwa ulika kutya oku na eenghono dokunyumuna ovafi. Oikumwifilonga oyo a longa nosho yo oinima oyo a honga, oya ulika kutya oku uditile ngahelipi ovo hava pwilikine kuye. Okwa li a longifa omafaneko a yelife kombinga yoinima i na sha nOuhamba.
