Nkindi 9:1-18
9 Tunangu twa bine tubaubaka njibo yato;Tubasōnga bikomo byato bisamba-bibidi.
2 Tubateakanya senene mwita wato;*Tubasambakanya vinyu yato;Tubalongolola ne meza ato.
3 Tubatume bengidi bato bana-bakajiKwela lubila peulu bininge pa kibundi+ amba:
4 “Yewa ense wampikwa bwino, atwele muno.”
Unena yewa wampikwa ñeni* amba:
5 “Iya, udye mukate wamiUtome’mo vinyu yonasambakanya.
6 Shiya kubulwa bwino kobe* wikale mūmi;+Enda ku meso mu dishinda dya ñeni.”+
7 Yewa ōlola wa kibengo witanga kafutululo,+Kadi yewa ense udingila mubi ukesanshijanga.
8 Kokadingila wa kibengo, nankyo ukakushikwanga.+
Dingila muntu wa tunangu, nandi ukakusanswanga.+
9 Abila wa tunangu, nandi ukekala wa tunangu kutabuka.+
Fundija muntu moloke, nandi ukabweja ku buyuki bwandi.
10 Kutyina Yehova yo ngalwilo ya tunangu,+Kadi buyuki bwa Mwine Ujila Nakampata+ yo ñeni.
11 Ke-pantu mafuku obe akavula+ kupityila kudi ami,Kadi myaka ikabwejibwa ku bobe būmi.
12 Shi ubaikala wa tunangu, wi wa tunangu mwanda wa kamweno ka abe mwine,Ino shi wi wa kibengo, ukasela’kyo bunka bobe.
13 Mwana-mukaji kivila udi na luneno.+
I wa kīlwa kadi kayukilepo kintu nansha kimo.
14 Ushikete pa kibelo kya njibo yandiPa kishikatwa mu mitenta ya kibundi,+
15 Wela bapityeshinda lubila,Boba benda bolokele mu dishinda dyabo amba:
16 “Yewa ense wampikwa bwino, atwele muno.”
Unena boba bampikwa ñeni*+ amba:
17 “Mema mebwe i mayampe,Kadi byakudya bidilwa kufula bisangajanga.”+
18 Ino kayukilepo amba boba bampikwa bukomo mu lufu badi monka,Amba bandi beni badi munshi mwa Kibundu.*+
Kunshi kwa Dyani
^ Kishima pa kishima i, “Watape kya kutapa kyandi.”
^ Kishima pa kishima i, “wampikwa mutyima.”
^ Nansha’mba “bampikwa bwino bobe.”
^ Kishima pa kishima i, “bampikwa mutyima.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
