Nkindi 19:1-29

  • Bujinguludi butalajanga bulobo bwa muntu (11)

  • Mukaji wa lupotopoto udi bwa musaka usūma (13)

  • Mukaji mudyumuke utambanga kudi Yehova (14)

  • Lemununa obe mwana pokukidi lukulupilo (18)

  • Tunangu twa kwivwana madingi (20)

19  I kipite buya kwikala mulanda unangila mu bululame+Kupita’ko kwikala kivila ne kwisamba bya bubela.+   Muntu* wampikwa buyuki ke muyampepo,+Kadi yewa ulonga bintu na bulobo* uloñanga bubi.   I bulembakane bwa muntu mwine bunyengakanya dishinda dyandi,Kadi mutyima wandi wakalabela Yehova.   Bupeta bukokanga balunda bangi,Ino mulanda bakamushiya enka ne kudi balunda nandi.+   Kamoni wa bubela kakabulwepo kupebwa mfuto,+Kadi yewa ubepa ponso pafoma kakapandepo.+   Bavule bakimbanga kwitabijibwa na wa bulēme,*Kadi muntu ense i mulunda wa muntu upāna byabuntu.   Banababo na mulanda bonso bamushikilwe;+Balunda nandi po pene bamunyema!+ Wibalondanga ne kwibalomba, ino kutupu nansha umo ulondolola.   Yewa ense wikala na ñeni* wisenswe aye mwine.*+ Yewa ense wibīkila kusansanya bikamwendekela.*+   Kamoni wa bubela kakabulwepo kupebwa mfuto,Kadi yewa ubepa ponso pafoma ukonekanga.+ 10  Ke byendele’mopo mulembakane kwikala mu bupeta;Le penepo mwingidi ubikadila namani bamfumu!+ 11  Bujinguludi bwa muntu bine butalajanga bulobo bwandi,+Kadi kusūla* kilubo* i buya kwadi.+ 12  Bukalabale bwa mulopwe budi pamo bwa kubuluma kwa ntambo,*+Ino kwitabijibwa nandi kudi pamo bwa lumé pa biyombo. 13  Mwana kivila uletelanga shandi masusu,+Kadi mukaji wa lupotopoto* udi pamo bwa musaka usūma’nka kusūma.+ 14  Njibo ne bupeta bipyanwanga ku batata,Ino mukaji mudyumuke utambanga kudi Yehova.+ 15  Bukope buletanga tulo tukatampe,Kadi muntu* wa mulēle ukekala na nzala.+ 16  Yewa ulama mbila ulamanga būmi bwandi;*+Yewa udi na kalengwa pa mashinda andi ukafwanga.+ 17  Yewa ufwila mupēlulwe lusa wapujanga Yehova,+Aye nandi ukamulubwilanga* pa byobya byalonga.+ 18  Lemununa obe mwana pokukidi lukulupilo,+Kadi kokalambikwa* lufu lwandi.+ 19  Muntu wa kalobolobo ukafutanga mambo;Shi usake kumupandija, ukamupandija kyaba ne kyaba.+ 20  Ivwana madingi ne kwitabija bulemununi,+Amba wikale wa tunangu mu mafuku a kumeso.+ 21  Mpango i mingi mu mutyima wa muntu,Inoko milangwe* ya Yehova yo ikanekenya.+ 22  Kintu kyabilwa mu muntu i buswe bwandi bwa ndamatyidile;+Kadi i kipite buya kwikala mulanda kupita’ko kwikala mbepai. 23  Kutyina Yehova kutwalanga ku būmi;+Yewa umutyina ukakōkolokwa biyampe, kwampikwa kibi.+ 24  Muzoze uvundanga kuboko kwandi mu kibakudi kya masobo,Ino katompangapo nansha kujokeja’ko ku kyakanwa kyandi.+ 25  Kupila wa kibengo,+ amba yewa wampikwa bwino ekale mukosoke,+Kadi dingila muntu wa ñeni, amba avudije buyuki.+ 26  Yewa ususula shandi ne kupanga inandiI mwana ulenga bumvu ne kuzobejibwa.+ 27  Wami mwana, shi uleke kwivwana bulemununi,Ukasāsuka binenwa bya buyuki. 28  Kamoni wa bitupu uzawilanga boloke,+Kadi kyakanwa kya mubi kiminanga bubi kubyu.+ 29  Butyibi i bubīkilwe ba kibengo,+Ne bikupilwa nabyo mwanda wa nyuma ya bivila.+

Kunshi kwa Dyani

Nansha’mba “Muya.”
Kishima pa kishima i, “upēlakana na maulu andi.”
Nansha’mba “muntu wa buntu.”
Kishima pa kishima i, “wikala na mutyima.”
Nansha’mba “usenswe muya wandi.”
Kishima pa kishima i, “ukamona biyampe.”
Kishima pa kishima i, “kupita pa.”
Nansha’mba “kujilula.”
Nansha’mba “ntambo mwana wa manyenze.”
Nansha’mba “wa kōminija.”
Nansha’mba “muya.”
Nansha’mba “muya wandi.”
Nansha’mba “ukamupalanga.”
Nansha’mba “kokabila.” Kishima pa kishima i, “kokemika muya obe ku.”
Nansha’mba “mpango.”