Nkindi 3:1-35
3 Wami mwana, kokelwa bufundiji bwami,*Kadi mutyima obe ulame mbila yami,
2 Mwanda bikakubweja’ko mafuku mangiNe myaka ya būmi ne ndoe.+
3 Kokaleka buswe bwa ndamatyidile ne kikōkeji* bikutaluke.+
Wibikutyile mu nshingo yobe;Wibilembe pa kipāpo kya mutyima obe;+
4 Nabya ukamona katōkwe ne bujinguludi buyampe
Ku meso a Leza ne a muntu.+
5 Kulupila mudi Yehova+ na mutyima obe onso,Kadi kokesumbidila* ñeni ya abe mwine.+
6 Mu mashinda obe onso mute mutyima,+Nandi ukōlolanga tushinda tobe.+
7 Kokekala wa tunangu mu meso obe abe mwine.+
Tyina Yehova ne kuvundamina bibi.
8 Bikekala ke bundapi ku umbidi* obeNe kutūja kwa mikupa yobe.
9 Lēmeka Yehova na bintu byobe bya bulēme,+Na byangulwa bibajinji* bya mwangulo obe onso;*+
10 Nabya bibīko byobe bikayula ne pa milomo,+Kadi bīna* byobe bikayula bā vinyu mipya.
11 Wami mwana, kokapela bulemununi bwa Yehova,+Kadi kokakwatwa mukenye madingi andi,+
12 Mwanda boba bobasenswe kudi Yehova wibadingilanga,+Enka mulongelanga shabana kudi wandi mwana waloelelwe.+
13 Wa nsangaji i yewa muntu utana tunangu+Ne muntu utambula kusansanya;
14 Kumona’to i kupite buya kumona ndalama,Kadi kwikala nato bu kamweno i kupite buya kwikala na olo.*+
15 Ato tudi na bulēme kutabuka mabwe a kolaye;*I kutupu kintu kyoabila kidingakene nato.
16 Būmi bulampe budi mu kuboko kwato kwa lundyo;Bupeta ne ntumbo bidi mu kuboko kwato kwa lunkuso.
17 Mashinda ato i a nsangaji,Kadi tushinda twato tonso i twa ndoe.+
18 I mutyi wa būmi ku boba bakwete’to,Kadi boba bakwatyije’to baketwa bu ba nsangaji.+
19 Yehova waādile byalwilo bya ntanda na tunangu.+
Wāshimikile madiulu pototo na kusansanya.+
20 Na buyuki bwandi mema malamala eladileNe makumbi a mūlu anokeja lumé.+
21 Wami mwana, kokebijimija* mu meso obe.
Lama tunangu twa kamweno ne bukomo bwa kulanga;
22 Bikakupanga* būmiNe kwikala bu kya kuneñenya nshingo yobe;
23 Penepo ukenda mu dishinda dyobe na mutyima-ntenke,Kadi kulu kobe kekukakukalapo* nansha dimo.+
24 Kyaba kyonso kyolāla, kukevwanapo moyo;+Ukalāla, kadi tulo tobe tukekala tusangaja.+
25 Kukatyinapo luzakalo nansha lumo lwa mu kitulumukila+Nansha kimpumpu kifikila babi.+
26 Mwanda Yehova ukekalanga nsulo yobe ya kukulupila;+Ukalamanga kulu kobe kutyina kwakakwatwa.+
27 Kokasuminwa biyampe boba bofwaninwe kupa’byo*+Shi udi na bukomo* bwa kukwasha.+
28 Kokanena mukwenu amba, “Enda; wiye kyaba kikwabo! Nsa kukupa’byo kesha,”
Shi ubwanya kumupa’byo pano.
29 Kokakutyila mukwenu kitumba kibi+Shi aye ulanga’mba ushikete nobe biyampe.
30 Kokepotomeja na muntu kwampikwa mwanda+Shi kakulongelepo kibi.+
31 Kokabila muntu wa lūma+Nansha kutonga mashinda andi,
32 Mwanda Yehova ushikilwe muntu wa buzazangi,+Ino upwananga bulunda bwa pa mutyima na bantu boloke swā.+
33 Mafingo a Yehova adi pa njibo ya mubi,+Ino weselanga njibo ya boloke.+
34 Mwanda uzawilanga boba ba kibengo,+Ino utōkelwanga mutyima betyepeje.+
35 Ba tunangu bakapyananga bulēme,Ino babivila abo batumbijanga kafutululo.+
Kunshi kwa Dyani
^ Nansha’mba “bijila byami.”
^ Nansha’mba “bubine.”
^ Kishima pa kishima i, “kokeyalela ku.”
^ Kishima pa kishima i, “musuku.”
^ Nansha’mba “bilumbuluke bininge.”
^ Nansha’mba “bya kamweno kobe konso.”
^ Nansha’mba “byengelo bya vinyu.”
^ Nansha’mba “nsahabu.”
^ Tala Nshintulwilo ya Bishima.
^ Mobimwekela bifunkila pa ngikadila ya Leza itelelwe mu mavese abadikīle.
^ Nansha’mba “Bikapanga muya obe.”
^ Nansha’mba “kekukekunkulapo ku kintu.”
^ Nansha’mba “bukomo bwa kuboko kobe.”
^ Nansha’mba “bene’byo.”
