Nkindi 1:1-33
1 Nkindi ya Solomone,+ mwanā Davida,+ mulopwe wa Isalela:+
2 Mwanda wa kwifunda* tunangu+ ne kulemununwa;Mwanda wa kwivwanija binenwa bya tunangu;
3 Mwanda wa kutambula bulemununi+ buleta bujinguludi,Boloke,+ butyibi buyampe,*+ ne bululame;*
4 Mwanda wa kupa bampikwa bwino budyumuku;+Mwanda wa kupa nsongwalume buyuki ne bukomo bwa kulanga.+
5 Muntu wa tunangu wivwananga ne kumwena’mo bulombodi bungi;+Muntu wa ñeni utambulanga bwendeji bwa bwino*+
6 Mwanda wa kwivwanija lukindi ne binenwa bikutakane,*Binenwa bya ba tunangu ne ntyonko* yabo.+
7 Kutyina* Yehova i ngalwilo ya buyuki.+
Enka balembakane bo bafutululanga tunangu ne kulemununwa.+
8 Wami mwana, ivwana bulemununi bwa shobe,+Kadi kokelwa bulombodi bwa* inobe.+
9 Abyo i kilukwa kya maluba kiyampe kya ku mutwe obe+Ne kya kuneñenya kilumbuluke mu nshingo yobe.+
10 Wami mwana, shi babipya-mambo kebakimbe kukongola, koketabija.+
11 Shi kebanena’mba: “Twaya.
Longa tujikile bantu mwanda wa kumwanga mashi.
Tusa kubatama, tutengele kukwata pampikwa mwanda bantu bampikwa mambo.
12 Tusa kwibamina bōmi pamo bwa Kibundu,*Kubyu, pamo bwa boba batūkila mu kīna.
13 Longa tuyatei bintu byabo byonso bya bulēme;Tusa kuyuja mobo etu na bitūtwa.
14 Wilunge kotudi,*Batwe bonso tukeabila pa bukata byotwiba.”*
15 Wami mwana, kokibalonda.
Lama maulu obe kulampe na kashinda kabo.+
16 Mwanda maulu abo anyemanga lubilo kukalonga bibi;Bapēlakananga kukamwanga mashi.+
17 Bine i kya bitupu kuta bukonde mu meso a kyoni.
18 O mwanda bano’ba bajikīle bantu mwanda wa kumwanga mashi;Babatamine mwanda wa kutalula būmi bwa* bakwabo.
19 Ano’a o mashinda a boba bakimba kamweno ka budimbidimbi,Kene kakafundula būmi bwa* boba bekamona.+
20 Tunangu+ twa bine twelanga mbila mu kipito.+
Tutululanga nyeke diwi mu bīkwe.+
21 Twelanga lubila ku difinko* dya bipito bya bantu bangi.
Tunenanga ku bibelo bya kibundi amba:+
22 “Lelo banwe bampikwa bwino mukasanswa kubulwa bwino kufika ne kitatyi’ka?
Lelo banwe ba kafutululo mukaloelelwa kafutululo kufika ne kitatyi’ka?
Ne banwe balembakane le mukashikwa buyuki kufika ne kitatyi’ka?+
23 Itabijai madingi ami.*+
Nabya nami nkemupungulwila mushipiditu wami;Nkemuyukija binenwa byami.+
24 Mwanda naelele lubila, ino banwe mupela’nka kupela,Naolwele kuboko, ino kutupu nansha umo watele’ko mutyima,+
25 Mwadi enka musūla milangwe yami yonsoNe kupela madingi ami,
26 Kadi nkasepanga kitatyi kikemuponena kimpengele;Nkemuzawilanga kitatyi kikafika kyokya kyomutyina,+
27 Kyokya kyomutyina kitatyi kyokikafika pamo bwa kimpumpu,Ne kimpengele kyenu pokikafika pamo bwa luvula lwa kimpumpu,Kitatyi kikemufikila tusua ne makambakano.
28 Kine kitatyi’kya bakangitanga, ino ami nkikalondololapo;Bakankimbanga na mikeketo, ino kebakansokolapo,+
29 Mwanda badi bashikilwe buyuki,+Kadi kebatongelepo kutyina Yehova.+
30 Bapelele milangwe yami;Bapunikile madingi ami onso.
31 O mwanda bakaselanga bikalupuka* ku dishinda dyabo,+Kadi bakayulwanga madingi a* abo bene.
32 Mwanda bupupakane bwa bampikwa bwino bukebepayanga,Kadi kalengwa ka balembakane kakebonakanyanga.
33 Ino yewa ungivwana ukekalanga ne mutyima-ntenke+Ne kukambakanibwa na moyo wa kyamalwa mpika.”+
Kunshi kwa Dyani
^ Kishima pa kishima i, “kuyuka.”
^ Nansha’mba “kyokya kyoloke.”
^ Nansha’mba “boloke.”
^ Nansha’mba “bwendeji bwa tunangu.”
^ Nansha’mba “kyelekejo.”
^ Nansha’mba “myele.”
^ Nansha’mba “Kulēmeka bininge.”
^ Nansha’mba “bijila bya.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “Tá netu bubale bobe.”
^ Nansha’mba “tukeabila mufuko umo (kambukulu).”
^ Nansha’mba “myuya ya.”
^ Nansha’mba “muya wa.”
^ Kishima pa kishima i, “mutwe.”
^ Nansha’mba “Jokai shi nemudingila.”
^ Kishima pa kishima i, “bakadyanga bipa.”
^ Nansha’mba “nkuku ya; mpango ya.”
