Nkindi 7:1-27
7 Wami mwana, lama binenwa byami,Kadi bīka mbila yami.+
2 Lama mbila yami wikale mūmi.+Lama bulombodi* bwami pamo bwa nkishi wa mu diso dyobe.
3 Wibikutyile ku minwe yobe;Wibilembe pa kipāpo kya mutyima obe.+
4 Nena tunangu amba, “Abe wi kaka wami,”
Kadi ita ñeni bu, “mubutule wami,”
5 Amba bikulame ku mwana-mukaji moneke,*+Ku mwana-mukaji wa busekese* ne ku binenwa byandi bya lushiñanya.*+
6 Pa dididisha dya yami njibo,Nadi ntadila pa kanyungilo kami,
7 Kadi ponadi ntala bantu bendalale,*Najingulwile mu bukata mwa bankasampe nsongwalume umo wampikwa ñeni.*+
8 Wadi upita mu dishinda kubwipi na difinko dya mwana-mukaji,Wenda dya ku yandi njibo
9 Pa kapita i kāni, kyolwa,+Bufuku ne fukutu kebifwena.
10 Penepo namona mwana-mukaji wamusambakana.Uvwele pamo bwa* ndumba,+ na mutyima wa budyumuku.
11 Udi na luneno kadi ntomboki.+
Kashikatapo nansha dimo* ku njibo.
12 Kyaba kimo udi panja, kupwa kadi pa bīkwe,Utengela kubwipi na mafinko onso.+
13 Wamukwata kamufifye;Mukopokwe mu meso, kamunena’mba:
14 “Mfwaninwe kulambula bitapwa bya kipwano.+
Dyalelo nafikidija mpiko yami.
15 O mwanda natambe kukusambakana,Kukukimba, kadi nakutana!
16 Ne mwāle pa butanda bwami bya kwipūta bilumbuluke,Bukonge bwa ku Edipito bwa misombelo palapala.+
17 Ne mukuse pa butanda bwami mpakwa, aloé, ne shinamona.+
18 Iya, tukolwe buswe kufika ne ku lubanga;Tusangele pamo bukena bukatampe,
19 Mwanda wami mulume kadipo ku njibo;I mwende lwendo lulampe.
20 Waselele ne kafuko ka lupeto,Kadi kakajokapo kufika ne mu difuku dya kweji mutuntulu.”
21 Wamubombola ne kumunekenya bya binebine.+
Wamongola na binenwa bya lushiñanya.
22 Ponkapo kamulonda, pamo bwa ñombe wenda ku kutapwa,Pamo bwa mulembakane wa kupebwa mfuto mu bikulo,*+
23 Kufika enka ne bisaba muketo dityima dyandi;Pamo bwa koni kanyemena mu kidiba, kayukilepo amba būmi* bwandi budi mu kyaka.+
24 Ino pano, a bami bana, ngivwanei;Tai mutyima ku binenwa byonesamba.
25 Mutyima obe kewakasāsukila ku mashinda andi.
Kokalumbakena mu tushinda twandi,+
26 Mwanda aye ke muponeje bangi batapwe,+Kadi boba bakadi mwipaye i bavule bininge.+
27 Njibo yandi itwalanga ku Kibundu;*Itūkilanga mu byumba bya lufu.
Kunshi kwa Dyani
^ Nansha’mba “bijila.”
^ Nansha’mba “bya kyongo.”
^ Nansha’mba “bampikwa bwino.”
^ Kishima pa kishima i, “wampikwa mutyima.”
^ Nansha’mba “bivwalwa bya.”
^ Kishima pa kishima i, “Maulu andi keashikatangapo nansha dimo.”
^ Nansha’mba “nkano.”
^ Nansha’mba “muya.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
