Nkindi 15:1-33
15 Kulondolola na kitūkijetyima* kusonsololanga bukalabale,+Ino binenwa bisansa* bikolomonanga bulobo.+
2 Ludimi lwa ba tunangu lwingidijanga buyuki biyampe,+Ino kyakanwa kya bivila kilupulanga bulembakane.
3 Meso a Yehova adi ponso,Atala babi ne bayampe bene.+
4 Ludimi lutalala nyā* i mutyi wa būmi,+Ino binenwa binyengakane bityumunanga mutyima.*
5 Mulembakane upunikanga bulemununi bwa shandi,+Ino muntu mukosoke witabijanga kōlolwa.*+
6 Mu njibo ya moloke mudi byabulēme bivule,Ino bipa bya* mubi bimuletelanga makambakano.+
7 Milomo ya ba tunangu isambakanyanga buyuki,+Ino mutyima wa kivila keudipo namino.+
8 Kitapwa kya mubi i kya munyanji kudi Yehova,+Ino milombelo ya moloke swā imusangajanga.+
9 Yehova ushikilwe dishinda dya mubi,+Ino usenswe yewa ulondalonda boloke.+
10 Bulemununi bumwekanga bu bubi* kudi yewa ushiya dishinda,+Ino yewa ense ushikilwe madingi ukafwa.+
11 Kibundu* ne kifuko kya bonakani* bidi patōka ku meso a Yehova.+
Le mityima ya bantu papo ke pepi!+
12 Wa kibengo kasanswangapo yewa umolola.*+
Kakesambepo pamo na ba tunangu.+
13 Mutyima wa nsangaji umwekejanga mpala ya nsangaji,Ino mutyima usansa uvingakanyanga mushipiditu.+
14 Mutyima wa ñeni ukimbanga buyuki,+Ino kyakanwa kya bivila kidyanga* bulembakane.+
15 Mafuku onso a kimonya-malwa i mabi,+Ino yewa wa mutyima muyule nsangaji* udi nyeke mu masobo.+
16 I kipite buya kwikala na bityetye ino utyina Yehova+Kupita’ko kwikala na bupeta bukatampe ne kuzumbazumba* pa mulongo.+
17 I kipite buya nsāni wa mani kokwa kudi buswe+Kupita’ko ñombe munune* kokwa kudi mushikwa.+
18 Muntu wa kalobolobo ukolomonanga lupotopoto,+Ino yewa wija pa kukwatwa bulobo utalajanga kwipotomeja.+
19 Dishinda dya muzoze didi pamo bwa lusao lwa miba,+Ino kashinda ka moloke swā kadi pamo bwa dishinda dikatampe didingamane.+
20 Mwana wa tunangu usangajanga shandi,+Ino kivila ufutululanga inandi.+
21 Bulembakane i nsangaji kudi yewa wampikwa ñeni,*+Ino muntu wa kusansanya wendanga olokele kumeso.+
22 Mpango ikankalwanga shi kekudipo kwisambila pamo,*Ino pa badingidi* bavule kudi kufikidila.+
23 Muntu usangalanga shi walondolola biyampe,*+Kadi kinenwa kīsambwa pa kitatyi kifwaninwe—buya’kyo!+
24 Kashinda ka būmi katwalanga muntu wa bujinguludi kūlu,+Mwanda wa kumusāsukija ku Kibundu* munshi.+
25 Yehova ukapomona njibo ya ba kwizunzula,+Ino ukalama mukalo wa mukaji wa kishala.+
26 Yehova ushikilwe nkuku ya mubi,+Ino binenwa bisangaja i bitōka Kwadi.+
27 Yewa umwena mu bya budimbidimbi uletelanga ba mu njibo yandi makambakano,*+Ino yewa ushikilwe kutyiba milomo ukashala mūmi.+
28 Mutyima wa moloke ulangulukanga kumeso kwa kulondolola,*+Ino kyakanwa kya mubi kilupulanga bintu bibi.
29 Yehova udi kulampe na babi,Ino wivwananga milombelo ya boloke.+
30 Meso atōka* asangajanga mutyima;Mwanda muyampe ukomejanga mikupa.*+
31 Yewa wivwana madingi aleta būmiUdi ku njibo mu bukata mwa ba tunangu.+
32 Ense upela bulemununi ufutululanga būmi bwandi,*+Ino yewa ense wivwana madingi wikalanga na ñeni.*+
33 Kutyina Yehova i kwifunda tunangu,+Kadi kwityepeja kubadikidilanga ntumbo.+
Kunshi kwa Dyani
^ Nansha’mba “biyampe.”
^ Nansha’mba “bitapa.”
^ Nansha’mba “Ludimi lwa bundapi.”
^ Kishima pa kishima i, “bivingakanyanga mushipiditu.”
^ Nansha’mba “madingi.”
^ Nansha’mba “bimona.”
^ Nansha’mba “busansa.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “ne Abadone.”
^ Nansha’mba “umudingila.”
^ Nansha’mba “kilondalondanga.”
^ Nansha’mba “muyampe.”
^ Nansha’mba “kavutakanya.”
^ Kishima pa kishima i, “mudye mu kidīlo.”
^ Kishima pa kishima i, “wampikwa mutyima.”
^ Nansha’mba “mīsambo mifyame.”
^ Nansha’mba “bakala-ñeni.”
^ Kishima pa kishima i, “malondololo a kyakanwa kyandi.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “bumvu.”
^ Nansha’mba “ubandaulanga senene mwa kulondolwela; ulañanga kumeso kwa kwisamba.”
^ Nansha’mba “Kutalwa na nsangaji.”
^ Kishima pa kishima i, “ununijanga mikupa.”
^ Nansha’mba “muya wandi.”
^ Kishima pa kishima i, “mutyima.”
