Nkindi 21:1-31
21 Mutyima wa mulopwe udi pamo bwa tuminonga twa mema mu kuboko kwa Yehova.+
Wiwendejanga konso kwasaka.+
2 Mashinda onso a muntu amwekanga bu moloke kwadi,+Ino Yehova ubandaulanga mityima.*+
3 Kulonga byoloke ne bilulameKusangajanga Yehova kupita’ko kitapwa.+
4 Meso a kwizunzula ne mutyima wa kibengo—Kinanu kiludikanga mubi i bubi.+
5 Mpango ya muntu wa kininga bine ikendeka,*+Ino boba bonso ba kampeja-bukidi bine bakafula ku bulanda.+
6 Kusokola byabulēme na ludimi lwa bubelaKudi pamo bwa lumundu lujimina, dikinga dya lufu.*+
7 Lūma lwa babi lukebakubija,+Mwanda bapelanga kulonga bintu na boloke.
8 Dishinda dya muntu wa mambo i dikondame,Ino mingilo ya muntu utōka tō i myoloke swā.+
9 I kipite buya kwikala mu difinko dya musaka wa njiboKupita’ko kwikala mu njibo imo na mukaji wa lupotopoto.*+
10 Muntu mubi* wabilanga bininge bibi;+Kafwilangapo mulondakani nandi lusa.+
11 Shi muntu wa kibengo wapebwa mfuto, bampikwa bwino bekalanga ke ba tunangu kutabuka,Kadi shi muntu wa tunangu watambula bujinguludi, umwenanga’mo buyuki.*+
12 Yewa Moloke utalanga njibo ya mubi;Uponejanga babi mu musala wabo.+
13 Yewa ense ujika kutwi kwandi ku kudila kwa mupēlulweNandi uketa ino kulondololwa mpika.+
14 Kyabuntu kya kufula kitalajanga bulobo,+Kadi majika-kanwa mafyame* nao, bukalabale bwa mwiko.
15 I kya nsangaji muntu moloke kulonga bintu na boloke,+Inoko i kintu kilenga moyo ku boba balongalonga bibi.
16 Muntu usāsuka mu dishinda dya bujinguludiUkekala pamo na boba bampikwa bukomo mu lufu.+
17 Yewa usenswe kwisangaja* ukafula ku bulanda;+Yewa usenswe vinyu ne māni kakapetapo.
18 Mubi i kinkūlwa kya moloke,Kadi ndalandala ukayatwa pa kyaba kya moloke swā.+
19 I kipite buya kwikala mu ntanda mutuputupuKupita’ko kwikala na mukaji wa lupotopoto* kadi ulobaloba.+
20 Bintu bya bulēme ne māni bidi mu njibo ya muntu wa tunangu,+Ino kivila ukasupakanya* byadi nabyo.+
21 Yewa ense ulondalonda boloke ne buswe bwa ndamatyidileUkamona būmi, boloke, ne ntumbo.+
22 Muntu wa tunangu ubwanya kukanda ku* kibundi kya bankomokomoNe kutyepeja bukomo bobekulupile.+
23 Yewa ulama kyakanwa kyandi ne ludimi lwandiWilamanga aye mwine* ku makambakano.+
24 Muntu wa ditatu,* wa kibengo wianya, ye moityilaMuntu ulonga bya ditatu* ne kulanga kintu mpika.+
25 Byobya byabilanga bininge muzoze bikamufikija ku lufu,Mwanda maboko andi apelanga kwingila.+
26 Difuku dyonso dituntulu wabilanga na makomwa-meso,Ino moloke aye upānanga, kupela na kintu mpika.+
27 Kitapwa kya mubi i kya munyanji.+
Le shi walambula’kyo na milangwe mibi* papo ke pepi!
28 Kamoni ubepa bubela ukafwa,+Ino muntu wivwana ukaleta bukamoni biyampe.*
29 Muntu mubi i mukopokwe mu meso,+Ino muntu moloke swā ye udi na dishinda didi senene.*+
30 I kutupu tunangu, nansha kusansanya nansha madingi bipatana na Yehova.+
31 Kabalwe i kalongololwe mwanda wa difuku dya bulwi,+Ino lupandilo i lwa Yehova.+
Kunshi kwa Dyani
^ Nansha’mba “milangwe.”
^ Nansha’mba “idi na kamweno.”
^ Bibwanika padi i, “ku boba bakimba lufu.”
^ Nansha’mba “wa kōminija.”
^ Nansha’mba “Muya wa mubi.”
^ Nansha’mba “uyukile bya kulonga.”
^ Kishima pa kishima i, “majika-kanwa a mu kyadi.”
^ Nansha’mba “usenswe makayo.”
^ Nansha’mba “wa kōminija.”
^ Kishima pa kishima i, “ukamina.”
^ Nansha’mba “kunekenya.”
^ Nansha’mba “Ulamanga muya wandi.”
^ Nansha’mba “wa kibutakwe.”
^ Nansha’mba “bya kibutakwe.”
^ Nansha’mba “na mwiendelejo wa bumvu.”
^ Kishima pa kishima i, “ukesamba nyeke.”
^ Nansha’mba “wikadija dishinda dyandi senene.”
