Divilu 26:1-37
26 “Ukalonga kipema+ na bisandi dikumi bya bukonge bulumbuluke bujinge, ne nyushi ifītuluka, ne myoya ityilakana, ne bityila pyā. Ukebilonga bitungwile’po+ ne bakelubi.+
2 Kisandi ne kisandi kikekala na maboko* 28 mu bula ne maboko 4 mu bunkimbwa. Bisandi byonso bikekala na bukata bumo.+
3 Bisandi bitano bikalungwa pamo ke kipēta kimo, kadi bisandi bitano bikwabo nabyo bikalungwa pamo ke kipēta kikwabo.
4 Ukalonga mankobekelo a nyushi ifītuluka kufulakufula kwa kisandi kidi ku mfulo kwa kipēta, kadi ukalonga muswelo umo ne kufulakufula kwa kipēta kikwabo kobikalungilwa.
5 Ukalonga mankobekelo 50 ku kisandi kimo ne mankobekelo 50 kufulakufula kwa kisandi kikwabo mwanda wa bikale bitadidile pobilungile.
6 Ukalonga malobo 50 a olo, ne kulunga bisandi na malobo’a. Kadi kipema kikekala kintu kimo.+
7 “Ukalonga ne bisandi bya myoya ya bambuji+ bya kupūta pa kipema. Ukalonga bisandi 11.+
8 Kisandi ne kisandi kikekala na maboko 30 mu bula, ne maboko 4 mu bunkimbwa. Bisandi byonso 11 bikekala na bukata bumo.
9 Ukalunga bisandi bitano pamo ne kulunga bisandi bikwabo bisamba nabyo pamo, kadi ukakonya kisandi kya busamba kumeso kwa pema.
10 Kadi ukalonga mankobekelo 50 kufulakufula kwa kisandi kimo, kyokya kidi ku mfulo kwa kipēta, ne mankobekelo 50 kufulakufula kwa kisandi ku kifuko kikwabo koelungile.
11 Ukalonga malobo 50 a mukuba ne kutweja malobo’a mu mankobekelo ne kulunga mapema onso pamo, kadi kikekala kintu kimo.
12 Bisandi bikasubuka’ko bikekala biyela. Kipindi kimo kya kisandi kisubuka’ko kikekala kiyela kunyuma kwa kipema.
13 Bisandi bya pema bikasubuka’ko mu bula bikayela ku kipema kuboko kumo bukila ne bukila mwanda wa kwikipūta.
14 “Kadi ukalonga kya kupūta pema kya biseba bya mikōko byabike mu mwīno utyila ne pangala pakyo napo kya kupūta kya biseba bya foke.+
15 “Ukalongela kipema makadelema+ a mutyi wa akashia emene bwimwa.+
16 Kadelema ne kadelema kakekala na maboko dikumi mu bwimwa, ne kuboko kumo ne kipindi mu bunkimbwa.
17 Kadelema ne kadelema kakekala na nsongo* ibidi, milondakane. E namino mokalongela makadelema onso a kipema.
18 Ukalonga makadelema 20 a mutamba wa kunshi kwa kipema, atala dya kunshi.
19 Ukalonga bitako 40 bya mapuki bya ndalama+ munshi mwa makadelema 20: bitako bya mapuki bibidi munshi mwa kadelema kamo mwa kutweja nsongo yako ibidi, kadi bitako bya mapuki bibidi munshi mwa kadelema ne kadelema kalonda’ko mwa kutweja nsongo yako ibidi.+
20 Owa mutamba mukwabo wa kipema, mutamba wa kungala, wiulongele makadelema 20
21 ne bitako 40 byao bya mapuki bya ndalama, bitako bibidi munshi mwa kadelema kamo, ne bitako bibidi bya mapuki munshi mwa kadelema ne kadelema kalonda’ko.
22 Kunyuma kwa kipema dya kushika, ukalonga’ko makadelema asamba.+
23 Ukalonga makadelema abidi a kwikala bu bikomo bibidi bya mu mafinko kunyuma kwa kipema.
24 Akalamakanibwa abidi tamba kunshi kufika ne kūlu, kufika ne pa luzenze lubajinji. E moakalongelwa onso abidi, kadi akapunga bikomo bibidi bya mu mafinko.
25 Kadi kukekala makadelema mwānda ne bitako byao 16 bya mapuki bya ndalama, bitako bibidi bya mapuki munshi mwa kadelema kamo kadi bitako bibidi bya mapuki munshi mwa kadelema ne kadelema kalonda’ko.
26 “Ukalonga mikabo ya mutyi wa akashia, mikabo itano ya makadelema a mutamba umo wa kipema,+
27 mikabo itano ya makadelema a mutamba mukwabo wa kipema, ne mikabo itano ya makadelema a mutamba wa kushika kwa kipema, kunyuma.
28 Mukabo wa pa bukata upita pa bukata bwa makadelema ukatyibuluka tamba ku mfulo kufika ne ku mfulo.
29 “Ukalamika olo ku makadelema,+ ukealongela ne nzenze ya olo mwa kukwata mikabo, kadi ukalamika olo ku mikabo’ya.
30 Ufwaninwe kupunga kipema mungya bupunga bwakyo bwakulombwelwe mu lūlu.+
31 Ukalonga mpashila+ ya nyushi ifītuluka, ne myoya ityilakana, ne bityila pyā, ne bukonge bulumbuluke bujinge. Ikalongwa mitūngwile’po bakelubi.
32 Ukeikobeka ku bikomo biná bya akashia bilamike’ko olo. Malobo abyo akekala a olo. Bikomo i bishimikwe mu bitako bya mapuki bya ndalama biná.
33 Mpashila ukeikobeka mu malobo ne kuselela sanduku wa Bukamoni+ mu mpashila. Mpashila ikakukalañenya Kijila+ na Kijila Nakampata.+
34 Ufwaninwe kutūla mpūto pa sanduku wa Bukamoni mu Kijila Nakampata.
35 Ukatūla meza panja pa mpashila, ne kitūlwa-binanu+ kitadidile meza ku mutamba wa kunshi kwa kipema; kadi meza ukeatūla mutamba wa kungala.
36 Ukalonga kya kukinga* ku kibelo kya pema na nyushi ifītuluka, ne myoya ityilakana, ne bityila pyā, ne bukonge bulumbuluke bujinge bisukile pamo.+
37 Ukalonga bikomo bitano bya akashia bya kya kukinga* ne kulamika’ko olo. Malobo abyo akekala a olo, kadi ukeapungila bitako bitano bya mapuki bya mukuba.
Kunshi kwa Dyani
^ Kuboko kumo i masantimetele 44,5. Tala Mbwejo B14.
^ Nansha’mba “bikomo byoloke.”
^ Nansha’mba “mpashila.”
^ Nansha’mba “mpashila.”
