Divilu 20:1-26
20 Penepo Leza wanena bino binenwa byonso amba:+
2 “Amiwa ne Yehova Leza obe, wakutambije mu ntanda ya Edipito, mu njibo ya bupika.+
3 Kufwaninwepo kwikala na baleza bakwabo poso’nka ami.*+
4 “Kokelongela nkishi musōnge nansha kyelekejo* kya kintu kyo-kyonso kidi mūlu nansha kidi panshi, nansha kidi mu mema munshi mwa ntanda.+
5 Kokevukwila kobadi nansha kwibengidila kwine,+ mwanda amiwa Yehova Leza obe ne Leza usakanga kulamatwa bunka,+ upa bana mfuto pa kilubo kya bashabo, ne ba ku lukongo lwa busatu ne lwa buná lwa boba banshikilwe,
6 ino ulombola buswe bwa ndamatyidile kufika ne ku lukongo lwa kanunu lwa boba bansenswe kadi balama mbila yami.+
7 “Kokengidija dijina dya Yehova Leza obe mu muswelo wampikwa kwendela’mo,+ mwanda Yehova kakalekapo kupa mfuto ense wingidija dijina dyandi mu muswelo wampikwa kwendela’mo.+
8 Vuluka kulama difuku dya Sabato dikale dikola.+
9 Ukengila mingilo yobe yonso mu mafuku asamba,+
10 ino difuku dya busamba-bubidi i sabato kudi Yehova Leza obe. Kufwaninwepo kwingila mwingilo nansha umo, nansha abe nansha obe mwana mwana-mulume, nansha obe mwana mwana-mukaji, nansha umpika obe mwana-mulume, nansha umpika obe mwana-mukaji, nansha nyema obe wa nja, nansha mweni wa kibundi udi mu bīkalo*+ byobe.
11 Ke-pantu, mu mafuku asamba Yehova walongele diulu ne ntanda, dijiba ne byonso bidi’mo, kupwa washilula kukōkolokwa mu difuku dya busamba-bubidi.+ O mwanda Yehova waesele difuku dya Sabato ne kwidilonga ke dikola.
12 “Lēmeka shobe ne inobe,+ amba wikale mūmi kitatyi kilampe mu ntanda ikupa Yehova Leza obe.+
13 “Kokepayañana.+
14 “Kokalonga makoji.+
15 “Kokeba.+
16 “Kokatūdila mukwenu bukamoni bwa bubela shi wi kamoni.+
17 “Kokabila njibo ya mukwenu. Kokabila mukaja mukwenu,+ nansha umpika wandi mwana-mulume nansha umpika wandi mwana-mukaji nansha ñombe wandi nansha mpunda wandi, nansha kintu kyo-kyonso kya mukwenu.”+
18 Penepo bantu bonso bemwenine mikungulo ne mapeni ne kuvuma kwa lusengo ne lūlu lufituka mwishi; kumona bino kwebazakaja kebemanine dya kulampe.+
19 Kebanena Mosesa amba: “Abe wisambe netu, tusa kukwivwana, ino kokaleka Leza esambe netu kutyina’mba twakafwa.”+
20 Ebiya Mosesa wanena bantu amba: “Kemwakakwatwai moyo, mwanda Leza wa bine waiya kwimutūla pa ditompo,+ amba mwendelele kumutyina, nabya kemukalongapo bubi.”+
21 Penepo bantu bashala bemene dya kulampe, ino Mosesa wafwena ku dikumbi difīta kwadi Leza wa bine.+
22 Penepo Yehova wanena Mosesa amba: “E mokanenena kudi bene Isalela namino amba: ‘Mubemwena banwe bene amba nesambe nenu ami papo mūlu.+
23 Kemukilongelai baleza ba ndalama pondi, kadi kemukilongelai baleza ba olo.+
24 Ukanongela kisōkelo kya biloba kadi ukela’po kitapwa kya byamulambu byobe bisōkwe, bitapwa byobe bya kipwano,* mikōko yobe ne bañombe bobe. Nkāya kodi ne kukwesela pa kifuko kyonso ponkalengeja dijina dyami divulukwe.+
25 Shi ubanongela kisōkelo kya mabwe kokyubaka’kyo na mabwe masōngwe na bingidilwa.*+ Mwanda shi wingidije nsokono pa ao, nabya ukekikobakanya.
26 Kadi kufwaninwepo kukandila pa matabula ku kisōkelo kyami, kutyina’mba pakola* pobe pa kamweka’po.’
Kunshi kwa Dyani
^ Nansha’mba “kuntombokela.” Kishima pa kishima i, “ku meso ami.”
^ Nansha’mba “kimfwa.”
^ Kishima pa kishima i, “bibelo.”
^ Nansha’mba “byamulambu byobe bya ndoe.”
^ Nansha’mba “kwingidija mabwe malale.”
^ Kishima pa kishima i, “mutaka.”
