Yeremiya 21:1-14
21 Yeremiya watambula e diambu dia Yave vava Sedekiya wa Ntinu+ kantumina Paseku+ wa mwan’a Malekiya yo Sefaniya+ wa mwan’a Maseya, wa nganga, kimana kamvovesa vo:
2 “Idodokele, utuyuvulwila kwa Yave, kadi Nebukandesa* wa Ntinu a Babele mu kutunuanisa kena.+ Nanga o Yave se kavanga dimosi muna mavangu mandi masivi mu kuma kieto, mpasi vo katuyambula.”+
3 Yeremiya ubavovese vo: “I wau wuwu nuvovesa Sedekiya,
4 ‘I wau wuwu kavovele o Yave wa Nzambi a Isaele: “Iyambula vo e nuaninua ina vana moko meno yanuvutukila, e nuaninua ina nunuanisina ntinu a Babele+ ye Akaladi ana bekunuzunganga kuna mbazi a yaka. Ikubakutakesa ova kati kwa mbanza yayi.
5 Mono kibeni ikununuanisa+ yo koko kwame kwalambuka yo koko kwankuma, kuna makasi, fuluta ye nganzi zayingi.+
6 Wanda iwanda nkangu a mbanza yayi, tuka wantu ye bulu. Mu vuku kiangolo* befwila.”’+
7 “‘“I bosi,” u kavovele o Yave, “iyekola Sedekiya wa Ntinu a Yuda ye ntaudi zandi yo nkangu a mbanza yayi—awana basiswa kwa vuku, kwa nsosolo yo mvengele—vana koko kwa Nebukandesa* wa Ntinu a Babele, ye vana moko ma mbeni zau ye moko ma awana bevavanga mioyo miau.+ Okubavondela muna nsosolo. Ke kubafwila nkenda ko yovo kubaloloka, ngatu kubasonga walakazi.”’+
8 “Vovesa nkangu wau vo: ‘I wau wuwu kavovele o Yave: “Nsidi nzil’a moyo ye nzil’a lufwa vana ntadisi eno.
9 Ana bekala kaka mwamu mbanza yayi fwila befwila muna nsosolo yo mvengele ye vuku. Kansi konso ona ovaika mo, kayitambika kwa Akaladi ana banuzungidi, zinga kezinga, otanina moyo andi.”’+
10 “‘“Kadi nsidi ndose ame muna mbanza yayi muna mpasi, ke mu wete ko,”+ u kavovele o Yave. “iyekolwa vana koko kwa ntinu a Babele,+ kayoka yo muna tiya.”+
11 “‘Kuna kwa nzo a ntinu a Yuda: Nuwá diambu dia Yave.
12 E nzo a Davidi, i wau wuwu kavovele o Yave:
“Tatidila unsongi e lumbu kiawonso,Ana beyiwanga ubavuluza vana moko ma avunginiki,+E nsita zame zalembi kwama nze tiya,+Twayoka, ke vekala muntu ko o zima toMuna kuma kia mavangu meno mambi.”’+
13 ‘Omono isidi e kitantu, e ngeye okalanga muna ndimba,E tadi dia nzanza,’ u kavovele o Yave.
‘Oyeno nuvovele vo: “Nani okulumuka katunuanisa?
Nani okwiza bangula e nzo zeto?”
14 IkunutumbaMun’owu wa mavangu meno,’+ u kavovele o Yave.
‘Ikwika tiya muna mfind’andi,Twabomona yawonso ina izungidi yo.’”+
Mvovo vana yand'a lukaya
^ Mvovo wa sina: “Nebukadrezare,” mpila yankaka yasonekena yo.
^ Yovo “mayela mangolo.”
^ Mvovo wa sina: “Nebukadrezare,” mpila yankaka yasonekena yo.
